კულტურული მემკვიდრეობის უძრავი ძეგლისთვის ძეგლის სტატუსის მოხსნის თაობაზე

საქართველოს კულტურული მემკვიდრეობის დაცვის ეროვნული სააგენტოს

გენერალური დირექტორის

ბრძანება №02/54

2018 წლის 19 სექტემბერი

ქ. თბილისი

კულტურული მემკვიდრეობის უძრავი ძეგლისთვის ძეგლის სტატუსის მოხსნის თაობაზე

„კულტურული მემკვიდრეობის შესახებ" საქართველოს კანონის მე-17 მუხლის, საქართველოს კულტურული მემკვიდრეობის დაცვის ეროვნული სააგენტოს კულტურული მემკვიდრეობის დაცვის საბჭოს სტრატეგიული საკითხების სექციის 2018 წლის 17 სექტემბრის გადაწყვეტილების (ოქმი №16; საკითხი №1) და საქართველოს კულტურული მემკვიდრეობის დაცვის ეროვნულ სააგენტოსა და კულტურისა და ძეგლთა დაცვის სამინისტროს შორის გაფორმებული 2015 წლის 30 ოქტომბრის №02 ადმინისტრაციული ხელშკრულების პირველი მუხლის „ა“ პუნქტის შესაბამისად, ვბრძანებ:

1. მოეხსნას კულტურული მემკვიდრეობის უძრავი ძეგლის სტატუსი ქ. ბათუმში, ვაჟა-ფშაველას ქ. №13-ში მდებარე „საცხოვრებელ სახლს“.

2. დაევალოს საქართველოს კულტურული მემკვიდრეობის დაცვის ეროვნული სააგენტოს იურიდიულ სამსახურს, საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის 2015 წლის 2 ივლისის №2/146 ბრძანებაში ცვლილების შეტანა და ბრძანების დანართის რიგითი ნომერი „2“-ის – „საცხოვრებელი სახლი“ – ბრძანების დანართიდან ამოღება.

3. ბრძანება ამოქმედდეს გამოქვეყნებისა და ამ ბრძანების მეორე პუნქტში მითითებული საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის შესაბამისი ინდივიდუალური ადმინისტრაციულ-სამართლებრივი აქტის  ამოქმედებისთანავე.

4. ბრძანება შეიძლება გასაჩივრდეს დაინტერესებული მხარის მიერ ოფიციალური გაცნობიდან ერთი თვის ვადაში საქართველოს განათლების, მეცნიერების, კულტურისა და სპორტის სამინისტროში (მისამართი: ქ. თბილისი, დიმიტრი უზნაძის ქ. №52).

გენერალური დირექტორი                                                                                 ნიკოლოზ ანთიძე