საგანგებო სიტუაციების მართვის სამსახურის შიდა აუდიტის დეპარტამეტის დებულების დამტკიცების შესახებ“ საგანგებო სიტუაციების მართვის სამსახურის უფროსის 2018 წლის 31 ივლისის N16 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტისა და „საგანგებო სიტუაციების მართვის სამსახურის დებულების დამტკიცების შესახებ“ საქართველოს მთავრობის 2018 წლის 31 ივლისის №387 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ :

„მუხლი 9

1. აღმოსავლეთის ინსპექტირების სამმართველოს და დასავლეთის ინსპექტირების სამმართველოს ფუნქციებია:

ა) სამსახურის მოსამსახურეთა მიერ ჩადენილი სამართალდარღვევის ფაქტებზე შემოსული საჩივრების, განცხადებების განხილვა და აღნიშნულთან დაკავშირებით სამსახურებრივი შემოწმების ჩატარება;

ბ) სამსახურის მოსამსახურეთა მიერ მართლსაწინააღმდეგო ქმედებებისა და ეთიკის ნორმების დარღვევის გამოვლენა და მათზე რეაგირება;

გ) სამსახურის მოსამსახურეთა მიერ სამსახურის სისტემაში შესაძლო დარღვევებისა და დისციპლინური გადაცდომების პრევენციისათვის სამსახურის სისტემაში შემავალ დანაყოფებში სამსახურებრივი შემოწმების ჩატარება, დანაყოფების საქმიანობის შემოწმება;

დ) სპეციალური შემოწმების ჩატარება;

ე) საქართველოს საკანონმდებლო და კანონქვემდებარე ნორმატიული აქტების, საქართველოს მთავრობის, სამსახურის უფროსისა და სხვა სამართლებრივი აქტების მოთხოვნათა  დაცვის კონტროლი;

ვ) საქართველოს კანონმდებლობით განსაზღვრული სხვა უფლება-მოვალეობები.

2. აღმოსავლეთის ინსპექტირების სამმართველო და დასავლეთის ინსპექტირების სამმართველო ასრულებენ ამ მუხლით მათზე დაკისრებულ ფუნქციებს ტერიტორიული პრინციპის ან დეპარტამენტის უფროსის დავალებით, საქმის სირთულის, მოცულობისა და სპეციფიკის გათვალისწინებით.“.