„საქართველოში ჭადრაკის განვითარების სახელმწიფო პროგრამის დამტკიცების შესახებ“ საქართველოს მთავრობის 2014 წლის 30 დეკემბრის №748 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„საქართველოში ჭადრაკის განვითარების სახელმწიფო პროგრამის დამტკიცების შესახებ“ საქართველოს მთავრობის 2014 წლის 30 დეკემბრის №748 დადგენილებაში ცვლილების შეტანის თაობაზე
დოკუმენტის ნომერი	449
დოკუმენტის მიმღები	საქართველოს მთავრობა
მიღების თარიღი	31/08/2018
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 03/09/2018
სარეგისტრაციო კოდი	460080000.10.003.020765

PDF გადმოწერა

„საქართველოში ჭადრაკის განვითარების სახელმწიფო პროგრამის დამტკიცების შესახებ“ საქართველოს მთავრობის 2014 წლის 30 დეკემბრის №748 დადგენილებაში ცვლილების შეტანის თაობაზე

მუხლი 1

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე“ საქართველოს კანონის (№3024-რს, 5.07.2018 წ.) მე-2 მუხლის პირველი პუნქტისა და „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის თანახმად, „საქართველოში ჭადრაკის განვითარების სახელმწიფო პროგრამის დამტკიცების შესახებ“ საქართველოს მთავრობის 2014 წლის 30 დეკემბრის №748 დადგენილებაში (www.matsne.gov.ge, 31/12/2014, 460080000.10.003.018367) შეტანილ იქნეს ცვლილება და:

1. დადგენილებით დამტკიცებული „საქართველოში ჭადრაკის განვითარების სახელმწიფო პროგრამის“ (შემდგომში – პროგრამა) მე-2 მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) საქართველოს ფინანსთა სამინისტრომ განახორციელოს კანონმდებლობით გათვალისწინებული ღონისძიებები 2015-2018 წლების სახელმწიფო ბიუჯეტებში შესაბამისი ასიგნებების ასახვის მიზნით, რომ უზრუნველყოს საქართველოს სპორტისა და ახალგაზრდობის საქმეთა სამინისტროსთვის, საქართველოს კულტურისა და სპორტის სამინისტროსა და საქართველოს განათლების, მეცნიერების, კულტურისა და სპორტის სამინისტროსთვის საერთო ჯამში 31 313 649 (ოცდათერთმეტი მილიონ სამას ცამეტი ათას ექვსას ორმოცდაცხრა) ლარის გამოყოფა (წლების მიხედვით, №1 დანართში მითითებული ხარჯების დასაფინანსებლად);“;

ბ) „ე“ ქვეპუნქტი ჩამოყალიბდეს შემდეგი რედაქციით:

„ე) საქართველოს განათლების, მეცნიერების, კულტურისა და სპორტის სამინისტრომ ა(ა)იპ – საქართველოს ჭადრაკის ფედერაციასთან ერთად განიხილოს სკოლამდელი აღზრდის დაწესებულებებსა და დაწყებით კლასებში ჭადრაკის სწავლების შემოღების საკითხი;“.

2. პროგრამის №1 და №2 დანართები ჩამოყალიბდეს თანდართული რედაქციით.

მუხლი 2

დადგენილება ამოქმედდეს გამოქვეყნებისთანავე.

პრემიერ - მინისტრი მამუკა ბახტაძე

„საქართველოში ჭადრაკის განვითარების სახელმწიფო პროგრამის“ ფარგლებში 2015-2018 წლების სახელმწიფო ბიუჯეტით საქართველოს სპორტისა და ახალგაზრდობის საქმეთა სამინისტროსათვის, საქართველოს კულტურისა და სპორტის სამინისტროსა და საქართველოს განათლების, მეცნიერების, კულტურისა და სპორტის სამინისტროსთვის გათვალისწინებული ასიგნებებიდან გასაწევი ხარჯები

წელი	ღონისძიების დასახელება	თანხა ლარებში
2015	საერთაშორისო საშეჯიბრო კალენდრით გათვალისწინებული ღონისძიებები	473500
	ეროვნული საშეჯიბრო კალენდრით გათვალისწინებული ღონისძიებები	199500
	თბილისის საერთაშორისო საჭადრაკო აკადემიის ხარჯები	525000
	ფიდეს (ჭადრაკის მსოფლიო ფედერაცია) და ევროპის საჭადრაკო კავშირის ეგიდით საქართველოში გასამართი ტურნირები, მათ შორის, ვაჟთა მსოფლიო გრან პრის გათამაშება	312500
	2018 წლის მსოფლიო საჭადრაკო ოლიმპიადასთან დაკავშირებით, ჭადრაკის საერთაშორისო ფედერაციასთან შეთანხმებით, ჭადრაკის ხელშეწყობის, პოპულარიზაციისა და განვითარების პროექტების ხარჯები	312500
	სულ:	1823000
2016	საერთაშორისო საშეჯიბრო კალენდრით გათვალისწინებული ღონისძიებები	497175
	ეროვნული საშეჯიბრო კალენდრით გათვალისწინებული ღონისძიებები	209475
	თბილისის საერთაშორისო საჭადრაკო აკადემიის ხარჯები	551250
	ევროპული საჭადრაკო კავშირის ეგიდით გასამართი კონფერენცია – „ჭადრაკის საგანმანათლებლო როლი სკოლებში“	100000
	მსოფლიოს კადეტთა (8-10-12 წ.) ჩემპიონატი	230000
	ნონა გაფრინდაშვილის 75 წლის იუბილესთან დაკავშირებით, ქალთა მსოფლიო გრან პრის გათამაშება	450000
	სულ:	2037900
2017	საერთაშორისო საშეჯიბრო კალენდრით გათვალისწინებული ღონისძიებები	522034
	ეროვნული საშეჯიბრო კალენდრით გათვალისწინებული ღონისძიებები	219950
	თბილისის საერთაშორისო საჭადრაკო აკადემიის ხარჯები	578815
	მსოფლიო თასის გათამაშება	3000000
	სულ:	4320799
2018	საერთაშორისო საშეჯიბრო კალენდრით გათვალისწინებული ღონისძიებები	548150
	ეროვნული საშეჯიბრო კალენდრით გათვალისწინებული ღონისძიებები	231000
	თბილისის საერთაშორისო საჭადრაკო აკადემიის ხარჯები	607800
	ევროპის ინდივიდუალური ჩემპიონატი (ქალები და ვაჟები)	360000
	ქ. ბათუმში გასამართი მსოფლიოს 43-ე საჭადრაკო ოლიმპიადის ჩატარების ხარჯები	21385000
	სულ:	23131950
საერთო ჯამი:		31313649

დანართი №2

„საქართველოში ჭადრაკის განვითარების სახელმწიფო პროგრამის“ ფარგლებში აჭარის ავტონომიური რესპუბლიკის 2015-2018 წლების ბიუჯეტით გათვალისწინებული ასიგნებებიდან გასაწევი ხარჯები

წელი	ხარჯების დასახელება	თანხა ლარებში
2015	2018 წლის მსოფლიო საჭადრაკო ოლიმპიადის საორგანიზაციო კომიტეტის ხარჯები	170000
2015	სულ:	170000
2016	2018 წლის მსოფლიო საჭადრაკო ოლიმპიადის საორგანიზაციო კომიტეტის ხარჯები	150000
	2018 წლის მსოფლიო საჭადრაკო ოლიმპიადასთან დაკავშირებით, ჭადრაკის საერთაშორისო ფედერაციასთან გაფორმებული ხელშეკრულებით გათვალისწინებული საწევროს ხარჯები	375000
	2016 წლის ბაქოს საჭადრაკო ოლიმპიადაზე გასამართი 2018 წლის მსოფლიო საჭადრაკო ოლიმპიადის პრეზენტაციის (საგამოფენო ფართის იჯარის, სამივლინებო და სხვ.) ხარჯები	62500
	სულ:	587500
2017	2018 წლის მსოფლიო საჭადრაკო ოლიმპიადის საორგანიზაციო კომიტეტის ხარჯები	162000
	2018 წლის მსოფლიო საჭადრაკო ოლიმპიადასთან დაკავშირებით, ჭადრაკის საერთაშორისო ფედერაციასთან გაფორმებული ხელშეკრულებით გათვალისწინებული საწევროს ხარჯები	312500
	2018 წლის მსოფლიო საჭადრაკო ოლიმპიადასთან დაკავშირებით, საერთაშორისო და ადგილობრივი კონსულტანტების ხარჯი	281100
	2018 წლის მსოფლიო საჭადრაკო ოლიმპიადასთან დაკავშირებით, ვებპორტალის შექმნისა და ფუნქციონირების ხარჯები	53900
	სულ:	809500
2018	2018 წლის მსოფლიო საჭადრაკო ოლიმპიადის საორგანიზაციო კომიტეტის ხარჯები	282000
	2018 წლის მსოფლიო საჭადრაკო ოლიმპიადასთან დაკავშირებით, ჭადრაკის საერთაშორისო ფედერაციასთან გაფორმებული ხელშეკრულებით გათვალისწინებული საწევროს ხარჯები	500000
	2018 წლის მსოფლიო საჭადრაკო ოლიმპიადასთან დაკავშირებით, საერთაშორისო და ადგილობრივი კონსულტანტების ხარჯი	330000
	2018 წლის მსოფლიო საჭადრაკო ოლიმპიადასთან დაკავშირებით, ჭადრაკის საერთაშორისო ფედერაციასთან გაფორმებული ხელშეკრულებით ნაკისრი ვალდებულებების („მგზავრობის გრანტი“) შესრულებასთან დაკავშირებული ხარჯები	350000
	2018 წლის მსოფლიო საჭადრაკო ოლიმპიადასთან დაკავშირებით, სარეკლამო და საბეჭდი მასალის ხარჯები	170000
	2018 წლის მსოფლიო საჭადრაკო ოლიმპიადასთან დაკავშირებული სხვადასხვა საქონლისა და მომსახურებების (მათ შორის, საოფისე ფართის ან სხვადასხვა სივრცის იჯარის/ქირავნობის) ხარჯები	150000
	ევროპის ინდივიდუალური ჩემპიონატი (ქალები და ვაჟები)	230000
	სულ:	2012000
საერთო ჯამი:		3579000