საქართველოს საგადასახადო კოდექსის 309-ე მუხლის 87-ე ნაწილის „გ“ ქვეპუნქტის გამოყენების თაობაზე

კერძოდ, კომერციული ბანკი და მიკროსაფინანსო ორგანიზაცია უფლებამოსილი არიან, სსკ-ის 309-ე მუხლის 87-ე ნაწილის „გ“ ქვეპუნქტით გათვალისწინებული (ნაპატიები) სასესხო ვალდებულების ღირებულება გამოქვითონ ერთობლივი შემოსავლიდან, გარდა იმ შემთხვევისა, როდესაც კომერციული ბანკის მიერ:

ა) შესაბამისი პერიოდისათვის ერთობლივი შემოსავლიდან გამოქვითულია სესხის შესაძლო დანაკარგების რეზერვი;

ბ) შესაბამისი პერიოდისათვის ერთობლივ შემოსავალში შეტანილი არ არის სესხზე დარიცხული პროცენტი და ჯარიმა.

შესაბამისად, სსკ-ის 309-ე მუხლის 88¹ ნაწილის თანახმად, განსახილველი საკანონმდებლო ნორმების მიზნისთვის,     გამიჯნულია ტერმინი – „სესხი“, რაც გულისხმობს სესხის ძირითად თანხას და ტერმინი – „სასესხო ვალდებულება“, რაც სესხის ძირითად თანხასთან ერთად მოიცავს სესხის ხელშეკრულების პირობებიდან გამომდინარე წარმოშობილ ყველა ვალდებულებას, მათ შორის, სესხზე დარიცხულ პროცენტს და ჯარიმას.

აღნიშნულის გათვალისწინებით, სსკ-ის 309-ე მუხლის 87-ე ნაწილის „გ“ ქვეპუნქტით გათვალისწინებული პირობების შესაბამისად, კომერციული ბანკის ან მიკროსაფინანსო ორგანიზაციის მიერ სასესხო ვალდებულების (მათ შორის, სესხზე დარიცხული პროცენტის და ჯარიმის) პატიების შედეგად, ფიზიკური პირის მიერ მიღებული სარგებელი  თავისუფლდება საშემოსავლო გადასახადისაგან.

3. გადაწყვეტილება

ფიზიკური პირი გათავისუფლებულია საშემოსავლო გადასახადისაგან მისთვის კომერციული ბანკის ან მიკროსაფინანსო ორგანიზაციის მიერ, სსკ-ის 309-ე მუხლის 87-ე ნაწილის „გ“ ქვეპუნქტით გათვალისწინებული პირობების შესაბამისად, სასესხო ვალდებულების (მათ  შორის, სესხზე დარიცხული პროცენტის და  ჯარიმის) პატიების შემთხვევაში.

მუხლი 2. საჯარო გადაწყვეტილება ამოქმედდეს გამოქვეყნებისთანავე.

მინისტრი                                                                                                         ივანე მაჭავარიანი