„საქართველოს სახელმწიფო საზღვრის მართვის სტრატეგიის შემმუშავებელი უწყებათშორისი საბჭოს შექმნის შესახებ“ საქართველოს მთავრობის 2014 წლის 14 იანვრის №49 დადგენილებაში ცვლილების შეტანის თაობაზე

1. დადგენილების პირველი მუხლი ჩამოყალიბდეს შემდეგი რედაქციით:

„მუხლი 1. საქართველოს სახელმწიფო საზღვრის მართვის სტრატეგიის შემუშავების მიზნით, „საქართველოს სახელმწიფო საზღვრის შესახებ“ საქართველოს კანონში ცვლილების შეტანის თაობაზე“ საქართველოს კანონის (2013 წლის 20 სექტემბერი, №1154-Iს) მე-2 მუხლის  1​¹ პუნქტის გათვალისწინებითა და „საქართველოს მთავრობის სტრუქტურის, უფლებამოსილებისა და საქმიანობის წესის  შესახებ“ საქართველოს კანონის მე-6 მუხლის შესაბამისად, შეიქმნას საქართველოს სახელმწიფო საზღვრის მართვის სტრატეგიის შემმუშავებელი უწყებათაშორისი საბჭო (შემდგომში – საბჭო) შემდეგი შემადგენლობით:

საქართველოს შინაგან საქმეთა მინისტრი  – საბჭოს თავმჯდომარე;

საქართველოს ეროვნული უშიშროების საბჭოს მდივანი;

საქართველოს შინაგან საქმეთა სამინისტროს სახელმწიფო საქვეუწყებო დაწესებულების – საქართველოს სასაზღვრო პოლიციის  უფ­როსი;

საქართველოს სახელმწიფო უსაფრთხოების სამსახურის უფროსის პირველი მოადგილე;

საქართველოს ფინანსთა მინისტრის პირველი მოადგილე;

საქართველოს იუსტიციის მინისტრის პირვე­ლი მოადგილე;

საქართველოს თავდაცვის მინისტრის პირვე­ლი მოადგილე;

საქართველოს საგარეო საქმეთა მინისტრის მოადგილე;

საქართველოს გარემოს დაცვისა და სოფლის მეურნეობის მინისტრის პირველი მოადგილე;

საქართველოს შინაგან საქმეთა სამინისტროს საპატრულო პოლიციის დეპარტამენტის დირექტორი;

საქართველოს შინაგან საქმეთა სამინისტროს მიგრაციის დეპარტამენტის დირექტორი;

საქართველოს შინაგან საქმეთა სამინისტროს საერთაშორისო ურთიერთობების დეპარტამენტის დირექტორი;

საქართველოს შინაგან საქმეთა სამინისტროს საინფორმაციო-ანალიტიკური დეპარტამენტის დირექტორი;

საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირის – საქართველოს შინაგან საქმეთა სამინისტროს აკადემიის რექტორი.“.

2. დადგენილებიდან ამოღებულ იქნეს მე-3 მუხლი.

3. დადგენილებით დამტკიცებულ დებულებაში შეტანილ იქნეს შემდეგი სახის ცვლილება:

ა)  მე-2 მუხლის:

ა.ა) „ა“ ქვეპუნქტი  ჩამოყალიბდეს შემდეგი რედაქციით:

„ა) საზღვრის დაცვის სისტემის რეფორმირებისა და აღნიშნულ სფეროში სახელმწიფო პოლიტიკის განსაზღვრის მიზნით მომზადებული წინადადებების საქართველოს მთავრობისთვის წარდგენა;“;

ა.ბ) „დ“ ქვეპუნქტი  ჩამოყალიბდეს შემდეგი რედაქციით:

„დ) სახელმწიფო საზღვრის მართვის სფეროში დონორი ორგანიზაციებისა და პარტნიორი ქვეყნების მიერ დაფინანსებული პროექტების შესახებ ინფორმაციის შეგროვება, ანალიზი და შესაბამისი რეკომენდაციების შემუშავება.“;

ბ) მე-3 მუხლის:

ბ.ა) პირველ პუნქტს დაემატოს შემდეგი შინაარსის „ვ“ ქვეპუნქტი:

„ვ) კომპეტენციის ფარგლებში, ცალკეული საკითხის შესწავლის მიზნით, შექმნას უწყებათაშორისი სამუშაო ჯგუფები.“;

ბ.ბ) მე-2 პუნქტი ამოღებულ იქნეს;

გ) მე-4 მუხლის:

გ.ა) მე-3 პუნქტი ჩამოყალიბდეს შემდეგი რედაქციით:

„3. საბჭოს თავმჯდომარე უძღვება საბჭოს სხდომებს, ამტკიცებს სხდომის დღის წესრიგსა და, საჭიროების შემთხვევაში, შეაქვს მასში ცვლილებები და დამატებები, ასევე იწვევს რიგგარეშე სხდომებს.“;

გ.ბ) მე-6 პუნქტი ამოღებულ იქნეს;

გ.გ) მე-10 პუნქტი ჩამოყალიბდეს შემდეგი რედაქციით:

„10. რიგგარეშე სხდომების მოწვევის თაობაზე გადაწყვეტილებას იღებს საბჭოს თავმჯდომარე საკუთარი ინიციატივით, საბჭოს ერთ-ერთი წევრის (წევრების) ან საბჭოს სამდივნოს წერილობითი თხოვნის საფუძველზე.“;

გ.დ) მე-12 პუნქტის შემდეგ დაემატოს შემდეგი შინაარსის 12¹ პუნქტი:

„12¹. საბჭოს წევრები ვალდებულნი არიან,  ექვს თვეში ერთხელ საბჭოს წარუდგინონ ანგარიში უწყებათშორისი თანამშრომლობის შესახებ.“;

დ) მე-4 მუხლის შემდეგ დაემატოს შემდეგი შინაარსის 4¹ მუხლი:

„მუხლი 4¹. საბჭოს სამდივნო და მისი ფუნქციები

1. საბჭოს საქმიანობის ორგანიზაციული უზრუნველყოფის მიზნით, საქართველოს შინაგან საქმეთა სამინისტროს სახელმწიფო საქვეუწყებო დაწესებულებაში – საქართველოს სასაზღვრო პოლიციაში იქმნება საბჭოს სამდივნო, რომელსაც  ხელმძღვანელობს საქართველოს შინაგან საქმეთა სამინისტროს სახელმწიფო საქვეუწყებო დაწესებულების – საქართველოს სასაზღვრო პოლიციის უფროსის პირველი მოადგილე.

2. საბჭოს სამდივნო:

ა) უზრუნველყოფს საბჭოს მუშაობის კოორდინაციას;

ბ) ორგანიზებას უწევს საბჭოს სხდომებს, ამზადებს სხდომის ოქმებს, საბჭოს შემადგენლობაში შემავალ უწყებებს ატყობინებს სხდომის ჩატარების თარიღს და ათანხმებს დღის წესრიგს მონაწილე უწყებებთან;

გ) ახორციელებს საბჭოს გადაწყვეტილებების შესრულების მონიტორინგს;

დ) საჭიროების შემთხვევაში, საბჭოს წარუდგენს წინადადებებს უწყებათაშორისი სამუშაო ჯგუფების შექმნის (ექსპერტების მოწვევის) შესახებ და კოორდინაციას უწევს მათ საქმიანობას;

ე) ახორციელებს სახელმწიფო საზღვრის მართვის სფეროში დონორი ორგანიზაციებისა და პარტნიორი ქვეყნების მიერ დაფინანსებული პროექტების შესახებ ინფორმაციის შეგროვებას, ანალიზს, შესაბამისი რეკომენდაციების შემუშავებასა და საბჭოსთვის წარდგენას;

ვ) საზღვრის დაცვის სისტემის რეფორმირებისა და აღნიშნულ სფეროში სახელმწიფო პოლიტიკის განსაზღვრის კუთხით ამზადებს და საბჭოს წარუდგენს წინადადებებს;

ზ) დადგენილი წესით ასრულებს საბჭოს ცალკეულ დავალებებს.

3. სამდივნოს სხდომები ფორმდება ოქმით, რომელსაც ხელს აწერს სამდივნოს ყველა წევრი.“.