დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საჩხერის მუნიციპალიტეტის 2018 წლის ბიუჯეტის განსაზღვრის შესახებ” საჩხერის მუნიციპალიტეტის საკრებულოს 2017 წლის 22 დეკემბრის №46 დადგენილებაში ცვლილების შეტანის თაობაზე | |
---|---|
დოკუმენტის ნომერი | 116 |
დოკუმენტის მიმღები | საჩხერის მუნიციპალიტეტი |
მიღების თარიღი | 21/08/2018 |
დოკუმენტის ტიპი | მუნიციპალიტეტის საკრებულოს დადგენილება |
გამოქვეყნების წყარო, თარიღი | ვებგვერდი, 23/08/2018 |
ძალის დაკარგვის თარიღი | 01/01/2019 |
სარეგისტრაციო კოდი | 190020020.35.130.016325 |
|
„საჩხერის მუნიციპალიტეტის 2018 წლის ბიუჯეტის განსაზღვრის შესახებ“ საჩხერის მუნიციპალიტეტის საკრებულოს 2017 წლის 22 დეკემბრის №46 დადგენილებაში ცვლილების შეტანის თაობაზე
|
საქართველოს ორგანული კანონის „ადგილობრივი თვითმმართველობის კოდექსის“ 24-ე მუხლის პირველი ნაწილის „დ.ა“ ქვეპუნქტის და „ნორმატიული აქტების შესახებ“ საქართველოს კანონის მე-20 მუხლის მე-4 და მე-6 პუნქტების საფუძველზე, საჩხერის მუნიციპალიტეტის საკრებულო ადგენს: |
მუხლი 1 |
შეტანილ იქნეს ცვლილება, „საჩხერის მუნიციპალიტეტის 2018 წლის ბიუჯეტის განსაზღვრის შესახებ“ საჩხერის მუნიციპალიტეტის საკრებულოს 2017 წლის 22 დეკემბრის №46 დადგენილებაში (სსმ,28/12/2017 წ; სარეგისტრაციო კოდი: 190020020.35.130.016255) და დადგენილების დანართი ჩამოყალიბდეს თანდართული რედაქციით. |
მუხლი 2 |
დადგენილება ამოქმედდეს გამოქვეყნებისთანავე. |
|
დანართი
|
თავი I
საჩხერის მუნიციპალიტეტის ბიუჯეტის მაჩვენებლები
|
მუხლი 1.
საჩხერის მუნიციპალიტეტის ბიუჯეტის ბალანსი |
განისაზღვროს მუნიციპალიტეტის ბიუჯეტის ბალანსი თანდართული რედაქციით:
ათას ლარებში
|
მუხლი 2.
საჩხერის მუნიციპალიტეტის ბიუჯეტის შემოსულობები, გადასახდელები და ნაშთის ცვლილება |
განისაზღვროს საჩხერის მუნიციპალიტეტის ბიუჯეტის შემოსულობები, გადასახდელები და ნაშთის ცვლილება თანდართული რედაქციით:
ათას ლარებში
|
თავი II
საჩხერის მუნიციპალიტეტის ბიუჯეტის შემოსავლები |
მუხლი 3.
საჩხერის მუნიციპალიტეტის ბიუჯეტის შემოსავლები |
განისაზღვროს საჩხერის მუნიციპალიტეტის 2018 წლის ბიუჯეტის შემოსავლები 21258.6 ათასი ლარის ოდენობით.
ათას ლარებში
|
მუხლი 4.
საჩხერის მუნიციპალიტეტის ბიუჯეტის გადასახადები |
განისაზღვროს საჩხერის მუნიციპალიტეტის 2018 წლის ბიუჯეტის გადასახადები 1100.0 ათასი ლარის ოდენობით.
ათას ლარებში
|
მუხლი 5.
საჩხერის მუნიციპალიტეტის ბიუჯეტის გრანტები |
განისაზღვროს საჩხერის მუნიციპალიტეტის 2018 წლის ბიუჯეტის გრანტები 18225.1 ათასი ლარის ოდენობით.
ათას ლარებში
|
მუხლი 6.
საჩხერის მუნიციპალიტეტის ბიუჯეტის სხვა შემოსავლები |
განისაზღვროს საჩხერის მუნიციპალიტეტის 2018 წლის ბიუჯეტის სხვა შემოსავლები 1933.5 ათასი ლარის ოდენობით.
ათას ლარებში
|
თავი III
საჩხერის მუნიციპალიტეტის ბიუჯეტის ხარეჯები, არაფინანსური აქტივები და მათი ფუნქციონალური კლასიფიკაცია |
მუხლი 7.
საჩხერის მუნიციპალიტეტის ბიუჯეტის ხარჯები |
განისაზღვროს საჩხერის მუნიციპალიტეტის 2018 წლის ბიუჯეტის ხარჯები 8614.9 ათასი ლარის ოდენობით, თანდართული რედაქციით.
ათას ლარებში
|
მუხლი 8.
საჩხერის მუნიციპალიტეტის ბიუჯეტის არაფინანსური აქტივების ცვლილება |
განისაზღვროს საჩხერის მუნიციპალიტეტის 2018 წლის ბიუჯეტის არაფინანსური აქტივების ცვლილება 14133.1 ათასი ლარის ოდენობით, მათ შორის:
ა) განისაზღვროს საჩხერის მუნიციპალიტეტის 2018 წლის ბიუჯეტის არაფინანსური აქტივების ზრდა 14146.1 ათასი ლარის ოდენობით, თანდართული რედაქციით:
ათას ლარებში
ბ) განისაზღვროს საჩხერის მუნიციპალიტეტის 2018 წლის ბიუჯეტის არაფინანსური აქტივების კლება 13.0 ათასი ლარის ოდენობით, მათ შორის:
ათას ლარებში
|
მუხლი 9.
საჩხერის მუნიციპალიტეტის ბიუჯეტის ხარჯებისა და არაფინანსური აქტივების ზრდის ფუნქციონალური კლასიფიკაცია |
განისაზღვროს საჩხერის მუნიციპალიტეტის ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში, თანდართული რედაქციით:
ათას ლარებში
|
თავი IV
საჩხერის მუნიციპალიტეტის ბიუჯეტის მთლიანი სალდო, ფინანსური აქტივების ცვლილება და სარეზერვო ფონდი |
მუხლი 10.
საჩხერის მუნიციპალიტეტის ბიუჯეტის მთლიანი სალდო |
განისაზღვროს საჩხერის მუნიციპალიტეტის 2018 წლის ბიუჯეტის მთლიანი სალდო -1489.4 ათასი ლარის ოდენობით. |
მუხლი 11.
საჩხერის მუნიციპალიტეტის ბიუჯეტის ფინანსური აქტივების ცვლილება |
1. განისაზღვროს საჩხერის მუნიციპალიტეტის 2018 წლის ბიუჯეტის ფინანსური აქტივების ცვლილება -1683.2 ათასი ლარის ოდენობით.
2. განისაზღვროს საჩხერის მუნიციპალიტეტის 2018 წლის ბიუჯეტის ფინანსური აქტივების ზრდა 180.0 ათასი ლარის ოდენობით, თანდართული რედაქციით: ათას ლარებში
3. განისაზღვროს საჩხერის მუნიციპალიტეტის 2018 წლის ბიუჯეტის ფინანსური აქტივების კლება - 1863.2 ათასი ლარის ოდენობით, თანდართული რედაქციით:
|
მუხლი 12.
საჩხერის მუნიციპალიტეტის ბიუჯეტის ვალის საპროგნოზო მოცულობა |
განისაზღვროს საჩხერის მუნიციპალიტეტის ბიუჯეტის ვალის საპროგნოზო მოცულობა 2018 წლის დასაწყისისათვის 520.625 ათასი ლარის ოდენობით.
|
მუხლი 13.
საჩხერის მუნიციპალიტეტის ბიუჯეტის სარეზერვო ფონდი |
განისაზღვროს საჩხერის მუნიციპალიტეტის 2018 წლის ბიუჯეტის სარეზერვო ფონდის მოცულობა 64.0 ათასი ლარის ოდენობით. |
მუხლი 14.
საჩხერის მუნიციპალიტეტის ბიუჯეტის წინა წლებში წარმოქმნილი ვალდებულებების დაფარვა და სასამართლოს გადაწყვეტილებების აღსრულების ფინანსური უზრუნველყოფის ფონდი |
საჩხერის მუნიციპალიტეტის ბიუჯეტის წინა წლებში წარმოქმნილი ვალდებულებების დაფარვა და სასამართლოს გადაწყვეტილებების აღსრულების ფინანსური უზრუნველყოფის ფონდი 2018 წლისათვის განისაზღვრა 222.7 ათასი ლარით. |
თავი V
საჩხერის მუნიციპალიტეტის ბიუჯეტის პრიორიტეტები 2018-2021 წლებისათვის პროგრამები/ქვეპროგრამები |
მუხლი 15.
საჩხერის მუნიციპალიტეტის ბიუჯეტის პრიორიტეტები, პროგრამები/ქვეპროგრამები |
განისაზღვროს საჩხერის მუნიციპალიტეტის ბიუჯეტის პრიორიტეტები (პირველი დონე), მათ ფარგლებში განსახორციელებელი პროგრამები (მეორე დონე) და ქვეპროგრამები (მესამე დონე) შემდეგი რედაქციით:
1. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00) მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალიტეტის ინფრასტრუქტურის შემდგომი გაუმჯობესება და აღნიშნული მიმართულება ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება დასუფთავების ღონისძიებები, მუნიციპალიტეტის ინფრასტრუქტურის მშენებლობისა და რეაბილიტაციის გარდა პრიორიტეტის ფარგლებში განხორციელდება არსებული ინფრასტრუქტურის ექსპლოატაციასთან დაკავშირებული ხარჯების დაფინანსება, რაც თავის თავში გულისხმობს საგზაო ინფრასტრუქტურის მოვლა-შენახვას. გაგრძელდება არსებული გარე განათების ქსელის მოვლა-პატრონობა, დასუფთავების ღონისძიებები, სანიაღვრე არხების შლამისა და ნატანისაგან გაწმენდა, მათი აღდგენა და მოვლა-პატრონობა, სპორტული მოედნების მოწყობა, არსებული სკვერებისა მოვლა-შენახვა და მოწყობა, გამწვანების სამუშაოები და სხვა. 1.1 საგზაო ინფრასტრუქტურის მშენებლობა, რეაბილიტაცია და მოვლა-შენახვა (პროგრამული კოდი 03 01) პროგრამის ფარგლებში განხორციელდება საჩხერის მუნიციპალიტეტში არსებული რეაბილიტირებული ცენტრალური გზების მდგომარეობის შენარჩუნება, ასევე დაგეგმილია მისასვლელ და საუბნო გზაზე რკინა-ბეტონის საფარის მოწყობა, ქუჩების რებილიტაცია. მდინარეებზე ხიდ-ბოგირების მოწყობა, ასევე გზის საფარის თოვლისგან გაწმენდა საჭიროების შემთხვევაში. დაიგეგმა მუნიციპალიტეტში საყრდენი კედლების, ხიდ-ბოგირების, ქალაქ საჩხერეში ქუჩების, მისასვლელი და საუბნო გზების საპროექტო სახარჯთაღრიცხვო დოკუმენტაციის მომზადება, საგზაო ნიშნების დამონტაჟება, კერძოდ საგზაო ვიდეოკამერების და კამერებთან დასაყენებელი აბრების შეძენა. 1. საყრდენი კედლების მოწყობა (პროგრამული კოდი 03 01 01) პროგრამის ფარგლებში დაგეგმილია ქ. საჩხერეში კოსტავას და დურმიშიძის ქუჩების დამაკავშირებელ ჩიხებში, მუნიციპალიტეტის სხვადასხვა უბნებში საყრდენი კედლების მოწყობის საპროექტო-სახარჯთაღრიცხვო დოკუმენტაციის მომზადება. ჩატარდება საყრდენი კედლების რეაბილიტაცია ქ. საჩხერეში მაჭავარიანის I შესახვევში, რუსთაველის, 26 მაისის. საყრდენი კედლები მოეწყობა ქ. საჩხერეში მელიქიშვილის ქუჩაზე, მუნიციპალიტეტის სოფლებში საირხეში, ჭორვილაში და მერჯევში. საყრდენი კედლის მოწყობა-რეაბილიტაცია მოხდება ქ. საჩხერეში ახალგაზრდობის ქუჩაზე, სოფლებში: სხვიტორში, ქორეთში, კალვათაში და სპეთში. საირხეში მესხების უბანში, ქ. საჩხერეში კონსტიტუციის ქუჩაზე ფერდობზე ქვის ლოდის გადამაგრებისათვის მოეწყობა საყრდენი კედელი. ასევე სოფ. ქორეთში – ნათელა გრძელიშვილის სახლის მიმდებარედ; ილია ჭავჭავაძის ქუჩაზე; ბარათაშილის ქუჩაზე; რუსთაველის ქუჩაზე ყოფილი საბაგირო გზის ანძასთან საყრდენი კედლების მოწყობა. 1.1.2 თოვლისაგან გზის გაწმენდის სამუშაოები (პროგრამული კოდი 03 01 02) ქვეპროგრამის ფარგლებში გათვალისწინებულია თოვლისაგან გზების გაწმენდა და მოყინულ გზებზე მარილის მოყრა, ამით დაცული იქნება მოქალაქეების უსაფრთხო გადაადგილება. 1.1.3 ხიდების, ბოგირების მშენებლობა და რეაბილიტაცია (პროგრამული კოდი 03 01 04) ქვეპროგრამის ფარგლებში გათვალისწინებულია მუნიციპალიტეტში არსებულ მდინარეებზე: შუშაზე და იზვარაზე ხიდის, ჭალის ადმინისტრაციულ ერთეულში სოფელ საკოხიაში ხიდბოგირის და სხვა ხიდებისა და ხიდბოგირების რეაბილიტაცია. დაიგეგმა სხვადასხვა სოფლებში ხიდ-ბოგირების საპროექტო-სახარჯთაღრიცხვო დოკუმენტაციის მომზადება. დაგეგმილია სოფელ პერევში საცალფეხო ხიდის რეაბილიტაცია, ხოლო სოფელ ჭალოვანში ლაშიათხების უბანში ხიდ-ბოგირის მოწყობა. ქ. საჩხერეში გომართლის I შესახვევში სანიაღვრე არხზე მოხდება ხიდ ბოგირი რებილიტაცია, ასევე მოხდება რაბილიტაცია ხიდ-ბოგირების სოფლებში: ჯალაურთაში ცარციძეების უბანში, კალვათაში გულიაშვილების უბანში, კორბოულში სისვაძეები-შალიახიების უბანში, შომახეთში ლაშხების და წყივილების უბანში, ჭორვილაში ივანაშვილებისა და მჭედლიშვილების უბანში და საირხეში მესხების უბნაში. მოეწყობა ხიდ-ბოგირები სოფ. ღონაში – შამანაძეების გასასვლელში (ღელე), სოფ. კორბოულში – კილაძეები-გოგატიშვილების უბანში და სხვა. 1. საგზაო ნიშნების დამონტაჟება და ქუჩების მონიშვნითი სამუშაოები (პროგრამული კოდი 030105) ქვეპროგრამის ფარგლებში იგეგმება მდინარე ჯრუჭულასთან საჩხერის მუნიციპალიტეტის მიმანიშნებელი სტელას მოწყობა, საგზაო ვიდეოკამერებისა და კამერებთან დასაყენებელი აბრების მოწყობა. 1.1.5 ქალაქ საჩხერეში ქუჩების რეაბილიტაცია (პროგრამული კოდი 03 01 06) პროგრამის ფარგლებში დაგეგმილია ქ. საჩხერის ადმინისტრაციულ ერთეულში საავტომობილო გზებზე რკინაბეტონის და ასფალტის საფარის მოწყობა; ქ. საჩხერეში დ. აღმაშენებლის ქუჩაზე; ქ. საჩხერეში დოსითეოს წერეთლის ქუჩაზე საავტომობილო გზის რეაბილიტაცია; ქ. საჩხერეში ივ. გომართლის ქუჩაზე ხუთსართულიანი კორპუსის უკანა ეზოს კეთილმოწყობის სამუშაოები; ქ. საჩხერეში თამარ მეფის ქუჩაზე ახალ დასახლებაში არსებული ს/გზების რკინაბეტონის საფარის მოწყობა; ქალაქ საჩხერეში აღმაშენებლის ქუჩაზე მრავალსართულიანი კორპუსის ეზოს მოწყობა, ბამბეულის ახალ დასახლებაში შიდა გზების მოწყობა; ქ. საჩხერეში თამარ მეფის ქუჩაზე მძიმე წონიანი სასწორის სამშენებლო სამუშაოები; ასევე მოეწყობა რკინა-ბეტონის გზა გრიშაშვილის ქუჩაზე, იაშვილის ქუჩაზე სასაფლაოსაკენ მიმავალ გზაზე, რუსთაველის ქუჩის ჩიხში, აკ. წერეთლის ქუჩის ჩიხში, 26 მაისის ქუჩის ჩიხში, კონსტიტუციის ქუჩაზე, მელიქიშვილის ქუჩაზე, მაჭავარიანის I ჩიხში, – კოსტავასა და დურმიშიძის ქუჩის შემაერთებელ გზაზე რკინა/ბეტონის საფარის მოწყობა. ქ. საჩხერეში ლ. ლაშხის ქუჩაზე და ჭავჭავაძის ჩიხში ადგილობრივი მნიშვნელობის საავტომობილო გზების საფარის მოწყობა და სხვა. 1.1.6 მისასვლელი და საუბნო გზების კეთილმოწყობა (პროგრამული კოდი 03 01 08) პროგრამის ფარგლებში დაგეგმილია სხვადასხვა სოფლებში რკინა-ბეტონის გზების მოწყობა და გზების რეაბილიტაციის პროექტირება, რითაც გაუმჯობესდება მუნიციპალიტეტის სოფლებში ფეხითა და ავტომობილით მოსახლეობის უსაფრთხო გადაადგილება. კერძოდ, დაგეგმილია შემდეგი სამუშაოები: საჩხერე-ქორეთის, სოფელ სპეთში (ხიდიდან სარიტუალო დარბაზამდე; საჯარო სკოლამდე), სოფელ კორბოულში (ჩიჩინას გორიდან იუსტიციის სახლამდე), საავტომობილო გზების პროექტირება. სოფლებში: ორღულში, ღონაში, დრბოში, საკოხიაში, პერევში, კორბოულში, შომახეთში, ნიგვზარაში, სარეკში, ბაჯითში, მოხვაში, ცხომარეთში, საირხეში, ჭორვილაში, ქორეთში (გოგატიშვილების უბნებში), მერჯევში, ივანწმინდაში, გორისაში, ჯალაურთაში, მოძვში, ჭალოვანში, ღოდორაში, სავანეში, ბახიოთში, მახათაურში, იტავაზაში, ეთო-ეხვევში, სპეთში, ცხამში, არგვეთში, ლიჩში, ჩიხაში (ქვედა სამების ეკლესიისკენ მიმავალ გზაზე ცუხიშვილების უბანში), სხვიტორში, პასიეთში, ხვანში, წმანში, ქვემოხევში და სხვა მისასვლელი და საუბნო გზების კეთილმოწყობა; ქვედა ორღულში კალმახელიძეების უბანში გზაზე გაბიონის მოწყობა. ასევე ჩამოთვლილი სოფლების სხვადასხვა უბნებში მისასვლელი გზების საპროექტო დოკუმენტაციის მომზადება. სოფელ სხვიტორი-ჩიხის დამაკავშირებელი გზის პროექტირება. ციხე „მოდინახესაკენ“ მიმავალ გზაზე რკინა-ბეტონის საფარის მოწყობა; გაგრძელდება სოფელ ცხამში საავტომობილო გზის რეაბილიტაციის სამუშაოები, ჩიხისა ადმინისტრაციულ ერთეულში შემავალი სოფლების საუბნო გზებზე რკინა-ბეტონის საფარის მოწყობა. მოხდება გზების მოხრეშვა ზედა ორღულში, არგვეთის ადმინისტრაციულ ერთეულში შემავალ სოფლებში, კორბოულში შეყლაშვილები-კაპანაძეების სასაფლაოსკენ მიმავალ გზაზე, გორისაში, ბაჯითში მე-6 ქუჩაზე, ჭორვილაში ზუბიაშვილისა და ბერიძეების უბნებში, ხვანში. გაგრძელდება ზემოთ ჩამოთვლოლ თითქმის ყველა სოფელის საუბნო გზების რკინაბეტონის საფარის მოწყობა. საჩხერე-ქორეთის საავტომობილო გზაზე ასფალტო-ბეტონის საფარის მოწყობა, სოფელ კორბოულში ჩიჩინას გორადან საზოგადოებრივი მომსახურების ცენტრამდე გზის რეაბილიტაცია. მოხდება სოფელ მერჯევისა და საირხის ადმინისტრაციული ერთეულების დამაკავშირებელი გზის რებილიტაცია. მოხდება სტიქიის შედეგად დაზიანებული გზების სარებილიტაციო სამუშაოები სოფლებში: ქორეთის ადმინისტრაციულ ერთეულში, საირხეში, ჩიხა – ზურაბ ჭიღლაძის სახლიდან ბანძელაძეების უბნისაკენ, სარეკი – ჭიღლაძეების, კუტალაძეებისა და პეტრიაშვილების უბანში, მოძვი – საბიაშვილების უბნამდე მისასვლელ გზაზე , მერჯევი – სოსო დეკანოიძის სახლის მიმდებარედ; ფრიდონი დეკანოიძის სახლის მიმდებარედ; საჯარო სკოლის მიმდებარედ; ნანა ქავთარაძის სახლის მიმდებარედ, სოფელ ივანწმინდაში – მერი ჯალაბაძის სახლის მიმდებარედ, ქორეთში – გაბაძეების უბანში ომარი გაბაძის სახლის მიმდებარედ, საირხეში – გელბახიანების უბანში, ჭორვილაში – მჭედლიშვილები-გოგატიშვილების უბანში, გორისაში – ქვედა შეყლაშვილების უბანში, სავანეში – ცარციძეების უბანში, ბახიოთში – ცენტრალურ საავტომობილო გზაზე, ღოდორასა და სოფ. ხვანში, მოხვაში, კორბოულში – ღონღაძეები-მაქაძეების და სადუნიშვილების უბანში, შომახეთი – ფოფხაძეების უბანში, ნიგვზარაში – ჩოკნარის უბანში, სადაც მოეწყობა რკინაბეტონის გზები. გაგრძელდება რეგიონალური განვითარების ფონდის მიერ საჩხერის მუნიციპალიტეტში გზების სამშენებლო-სარეაბილიტაციო სამუშაოები და სხვა. 1.2 კომუნალური ინფრასტრუქტურის მშენებლობა-რეაბილიტაცია და ექსპლოატაცია (პროგრამული კოდი 03 02) პროგრამის ფარგლებში განხორციელდება საკანალიზაციო სისტემების, კოლექტორებისა და გამწმენდი ნაგებობების ექსპლოატაცია, გარე განათების ქსელის მოვლა. უზრუნველყოფილი იქნება ქ. საჩხერისა და მუნიციპალიტეტის სხვა დასახლებული პუნქტების დასუფთავება და ნაგვის გატანა. 1.2.1 მდინარის ნაპირსამაგრი ნაგებობების მოწყობა, რებილიტაცია და ექსპლოატაცია (პროგრამული კოდი 03 02 01) პროგრამის ფარგლებში გათვალისწინებულია სოფელ ჭალოვანში მდინარეებზე ფიცხავასა და ძირულაზე ნაპირსამაგრი გაბიონების მოწყობის პროექტირება. ქ. საჩხერეში გომართლის I შესახვევში საირმულაზე გაბიონის მოწყობა, ასევე მოეწყობა გაბიონები სოფლებში: მერჯევში, ჭალაში სატიტის უბანში და მდინარე შუშაზე, დარყაში სკოლასთან მდინარე დარყულაზე, ხვანში რიკაძეების უბანში. მოეწყობა გაბოინები სოფლებში: ჭალაში – მდ.ყვირილაზე, დარყაში – მდ. დარყულაზე, გამოღმა არგვეთში – მდ. ლეშურაზე, კობახიძეების უბანში და სხვა. 1.2.2 დასუფთავების ღონისძიებები (პროგრამული კოდი 03 02 02) ქვეპროგრამის ფარგლებში გათვალისწინებულია ქ. საჩხერის ქუჩების, სკვერების, მოედნების ყოველდღიური დასუფთავება. ქ. საჩხერიდან და მუნიციპალიტეტის რიგი სოფლებიდან და ცენტრალური საავტომობილო გზის პირებიდან ნაგვის გატანა, ნაგავსაყრელამდე მიტანა, არსებული სანაგვე ურნების დეზინფექცია და სხვა. ამ ღონისძიებების განხორციელებით უზრუნველყოფილი იქნება ესთეტიკურად სუფთა გარემო და კეთილსაიმედო სანიტარიული მდგომარეობა. ხორციელდება ნაგვის ურნების შეძენა. 1.2.3 საკანალიზაციო სისტემის, კოლექტორების და გამწმენდი ნაგებობების რეაბილიტაცია (პროგრამული კოდი 03 02 03) პროგრამის ფარგლებში გათვალისწინებულია ქ. საჩხერეში რუსთაველის ქუჩაზე სადრენაჟო სამუშაოების პროექტირება; სოფელ იცქისის საკანალიზაციო სისტემის მოწყობის პროექტირება (ქსელი და მაგისტრალი), დაიგეგმა სოფლებში: გორისაში, საირხეში, ჭორვილასა და მერჯევში სანიაღვრე არხების რეაბილიტაციისათვის პროექტირება-მოწყობა; სოფელ იცქისში მოეწყობა საკანალიზაციო სისტემა. მოხდება ქ. საჩხერეში ივ. გომართლის ქუჩის ჩასახვევში საწისქვილო არხისა და საირხულას კალაპოტის გაწმენდა, მოეწყობა სანიაღვრე არხები: სოფელ ჩიხაში სხვადასხვა უბანში, სავანეში მაკასარაშვილების უბანში, საირხეში ქველაძეების, სოფრომაძეები-შუკაკიძეების უბანში, ჭორვილაში და სხვა. 1.2.4 ბინათმშენებლობა (პროგრამული კოდი 03 02 04) პროგრამის ფარგლებში გათვალისწინებულია საცხოვრებელო კორპუსების ფასადების რეაბილიტაცია: ქ. საჩხერეში, ბამბეულის დასახლებაში დ. აღმაშენებლის ქუჩაზე და სხვა, რაც შეცვლის ქალაქის იერსახეს. დაიგეგმა მრავალბინიან საცხოვრებელ სახლებში დ. აღმაშენებლის და მ. მაჭავარიანის ქუჩებზე ლიფტების პროექტირება შშმ პირებისათვის. 1.2.5 საჩხერის მუნიციპალიტეტის მოსახლეობის წყალმომარაგება (პროგრამული კოდი 03 02 05) პროგრამის ფარგლებში გათვალისწინებულია მუნიციპალიტეტის ადმინისტრაციულ ერთეულებში სასმელი წყლის პროექტირება და სასმელი წყლის სისტემის მოწყობა. კერძოდ: ჩიხის და ქორეთის ადმინისტრაციულ ერთეულებში სასმელი წყლის შიდა ქსელის პროექტირება, სოფელ ცხამის სასმელი წყლის პროექტირება, სოფელ შომახეთში სასმელი წყლის სისტემის მოწყობა (ხორციელდება პროექტი „სამოქალაქო ბიუჯეტის ფარგლებში); სოფლებში ბახიოთში ერაძეების უბანში, დურევში ნადირაძეების უბანში სასმელი წყლის ქსელის მოწყობა, კორბოულში გოგატიშვილების უბანში სასმელი წყლის ქსელის რეაბილიტაცია და სხვა. 1.2.6 გარე განათება რეაბილიტაცია და ექსპლოატაცია (პროგრამული კოდი 03 02 06) მოსახლეობის კომფორტული და უსაფრთხო გადაადგილებისათვის აუცილებელ პირობას წარმოადგენს მუნიციპალიტეტის დასახლებული პუნქტების განათება, რისი გათვალისწინებითაც ქვეპროგრამის ფარგლებში დაფინანსდება ქ. საჩხერეში არსებულ გარე განათების ქსელზე მოხმარებული ელექტროენერგიის ხარჯები, ასევე გარე განათების ქსელის მოვლა-პატრონობა, ქსელის გაფართოების სამუშაოები და სხვა. 1.3 მუნიციპალიტეტის კეთილმოწყობის ღონისძიებები (პროგრამული კოდი 03 03) პროგრამის ფარგლებში განხორციელდება ქ. საჩხერის გამწვანება; სკვერების მოვლა-პატრონობა და მასთან დაკავშირებული სხვა ღონისძიებები, ასევე 2018 წელს დაგეგმილია ახალი სკვერების და დასასვენებელი ადგილების მოწყობა. 1.3.1 ქ. საჩხერის გამწვანების მოვლა-პატრონობა (პროგრამული კოდი 03 03 01) ქვეპროგრამის ფარგლებში გათვალისწინებულია ქ. საჩხერის ქუჩებში, სკვერებში და მოედნებზე არსებული მრავალწლიანი ნარგავების მოვლა-პატრონობა, მათი გასხვლა-გადაბელვა, სკვერებში და გაზონებში ერთწლიანი ნარგავების, ყვავილების და სხვათა დარგვა და მოვლა-პატრონობა. გარე-განათების ქსელის ტექნიკური გამართულობის უზრუნველყოფა და სხვა. 1.3.2 სკვერების მოწყობა (პროგრამული კოდი 03 03 03) ამ ქვეპროგრამით გათვალისწინებულია ქ. საჩხერეში ს.დურმიშიძის ქუჩაზე ყოფილი კომისარიატის ტერიტორიაზე სკვერის მოწყობის სამუშაოები; ჩიჩინას გორაზე დასასვენებელი სკვერის მოწყობა (სამოქალაქო ბიუჯეტი); ქალაქ საჩხერეში წერეთლის ქუჩაზე ყოფილი სპორტული სკოლის მიმდებარე ტერიტორიაზე სკვერის მოწყობა და სხვა, რაც ეფექტურ გარემოს შეუქმნის მუნიციპალიტეტის მოსახლეობას. ასევე დაგეგმილია ყოფილი მეთესლეობის ტერიტორიაზე სკვერის მოწყობის საპროექტო დოკუმენტაციის მომზადება, სოფელ სარეკში სკვერის მოწყობა და სხვა. 1.4 სოფლის მხარდაჭერის პროგრამის ფარგლებში განხორციელებული პროექტები (პროგრამული კოდი 03 04) ამ ქვეპროგრამით გათვალისწინებულია მუნიციპალიტეტის ადმინისტრაციულ ერთეულებში ჭალასა და გორისაში ადმინისტრაციული ერთეულის შენობის მშენებლობა, ჭალის სარიტუალო დარბაზისა და მოხვის ამბულატორიის გაზმომარაგების სისტემის მოწყობა, სოფელ ბახიოთში მოსაცდელის რეაბილიტაცია და სხვა. 2. განათლება (პროგრამული კოდი 04 00) მომავალი თაობის აღზრდის მიმართებით ზოგად განათლებასთან ერთად მნიშვნელოვანი როლი ენიჭება სკოლამდელ განათლებას, რაც თვითმმართველი ერთეულის საკუთარი უფლებამოსილებებს განეკუთვნება და შესაბამისად მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში წელს განხორციელდება საბავშვო ბაღების ფუნქციონირებისათვის საჭირო ხარჯების დაფინანსება. ამასთან, ამ პრიორიტეტის ფარგლებში გათვალისწინებულია ზოგადი განათლების ხელშეწყობა და სკოლისგარეშე დაწესებულებების დაფინანსება. 2.1 სკოლამდელი განათლება (პროგრამული კოდი 04 01) საჩხერის მუნიციპალიტეტში დღეისათვის ფუნქციონირებს 21 ერთეული საბავშვო ბაღი, რომელიც შედგება 44 სააღმზრდელო ჯგუფისაგან. საბავშვო ბაღებს საერთო ხელმძღვანელობას უწევს ამ მიზნით მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირი – საჩხერის გაერთიანებული საბავშვო ბაღი. არსებულ ბაღებში ირიცხება 1371 აღსაზრდელი, რომელთა აღზრდას მოემსახურება 326 აღმზრდელი და ტექნიკური მუშაკი. სკოლამდელი განათლების განვითარების სისტემის მიზანია აღსაზრდელთა მომზადება სასკოლო ეტაპისათვის. პროგრამის ფარგლებში მოხდება სკოლამდელი განათლების ხარისხის გაუმჯობესების ხელშეწყობა, ხელმისაწვდომობის უზრუნველყოფა და ხარისხის მართვის ეფექტიანი სისტემის ჩამოყალიბება. ასევე, სკოლამდელი აღზრდის დაწესებულებების ეფექტიანი ფუნქციონირების უზრუნველყოფა, რომელიც გულისხმობს: სკოლამდელი აღზრდის სფეროში მართვის პოლიტიკის განხორციელებას, სტანდარტების შესაბამისი სააღმზრდელო პროგრამა/მეთოდოლოგის დახვეწას, სტანდარტების შესაბამისი კვებით უზრუნველყოფას, აღსაზრდელთა უსაფრთხოების მიზნით საბავშვო ბაღების ინფრასტრუქტურის განვითარებას და სხვა. 2.2 ზოგადი განათლების ხელშეწყობა (პროგრამული კოდი 04 02) პროგრამის ფარგლებში მოხდება სკოლა-პანსიონატის ხელშეწყობა -სუბსიდირება საჭირო ლიტერატურის შესაძენად. 2.3 ა(ა) იპ – საჩხერის მოსწავლე-ახალგაზრდობის სახლი (პროგრამული კოდი 04 03) მოსწავლე-ახალგაზრდობის სწორი უნარ-ჩვევების ჩამოყალიბებისათვის მნიშვნელოვანია მოსწავლე-ახალგაზრდობის დაწესებულებების მიზანმიმართული საქმიანობა. სწორედ ამიტომ ამ პროგრამის ფარგლებში ამ საქმიანობის შეუფერხებელი განხორციელებისათვის განსაზღვრულია მოსწავლე-ახალგაზრდობის სახლის ხარჯების დაფინანსება. აქ ფუნქციონირებს შემოქმედებითი და ტექნიკური წრეები, სადაც მოსწავლე-ახალგაზრდობა ეუფლება შესაბამის სკოლისგარეშე განათლებას. 2.4 სკოლამდელი აღზრდის დაწესებულებების მშენებლობა, რებილიტაცია და აღჭურვა (პროგრამული კოდი 04 04) პროგრამის ფარგლებში გათვალისწინებულია მუნიციპალიტეტში საბავშვო ბაღების მშენებლობა და რებილიტაცია: სოფელ ჭალის, სოფელ სხვიტორის, სოფელ საირხის, სოფელ სარეკის, სოფელ ჩიხის, ქ. საჩხერეში აკ. წერეთლის საბავშვო ბაღების რეაბილიტაცია. სოფელ არგვეთის საბავშვო ბაღის მშენებლობა და სხვა. 3. კულტურა, რელიგია, ახალგაზრდული და სპორტული ღონისძიებები (პროგრამული კოდი 05 00) მუნიციპალიტეტის ინფრასტრუქტურული და ეკონომიკური განვითარების პარალელურად აუცილებელია კულტურული ტრადიციების დაცვისა და ღირსეული გაგრძელების ხელშეწყობა. ამასთანავე, ერთ-ერთი პრიორიტეტია ახალგაზრდობის მრავალმხრივი ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი აგრძელებს კულტურული, სპორტული და რელიგიური ორგანიზაციების და ახალგაზრდული ღონისძიებების ფინანსურ მხარდაჭერას, წარმატებული და იმედისმომცემი სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლენა. 3.1 სპორტის განვითარების ხელშეწყობა (პროგრამული კოდი 05 01) პროგრამის ფარგლებში განხორციელდება სპორტული სკოლისა და საცურაო აუზის ფინანსური მხარდაჭერა, რათა მათ ჰქონდეთ შესაძლებლობა, უზრუნველყონ სპორტსმენებისათვის სავარჯიშოდ შესაბამისი პირობების შექმნა. ამასთან, ამ პროგრამის ფარგლებში დაგეგმილია სხვადასხვა სპორტული ღონისძიებების მოწყობა და გაგრძელდება იმედისმომცემ სპორტსმენებზე ჯილდოების გაცემა. 3.1.1 სპორტული ღონისძიებების დაფინანსება (პროგრამული კოდი 05 01 01) ქვეპროგრამის ფარგლებში განსაზღვრულია მუნიციპალიტეტის მასშტაბის სპორტული ღონისძიებების მოწყობა. კერძოდ: ფეხბურთში, ჭადრაკში, ჩოგბურთში, ძალოსნობაში, ჭიდაობაში და სხვა. ამასთან, იმედისმომცემ სპორტსმენზე წლის განმავლობაში გაიცემა სხვადასხვა სახის ჯილდოები. 3.1.2 ა(ა)იპ – საჩხერის სასპორტო სკოლა (პროგრამული კოდი 05 01 02) ა(ა)იპ – საჩხერის სასპორტო სკოლა მთლიანად ფინანსდება მუნიციპალიტეტის ბიუჯეტით. აქ არსებულ 11 სპორტულ წრეში ჯანმრთელობას იკაჟებს 510 ბავშვი. 3.1.3 ა(ა)იპ – საჩხერის საცურაო აუზი (პროგრამული კოდი 05 01 03) ა(ა)იპ – საჩხერის საცურაო აუზი საკუთარ შემოსავლებთან ერთად დაფინანსებას ღებულობს მუნიციპალიტეტის ბიუჯეტიდანაც. აქ სპორტული მკურნალობის კურსს გადიან სქოლიოზითა და სხვადასხვა ტრავმებით დაავადებული ბავშვები. 3.1.4 სპორტული ობიექტების მშენებლობა, რეაბილიტაცია (პროგრამული კოდი 05 01 04) პროგრამის ფარგლებში განხორციელდება სპორტული მოედნების რებილიტაცია- ასევე პროექტირება. გაგრძელდება სპორტული მოედნების მოეწყობა. კერძოდ: საჩხერის ცენტრალური სტადიონის პროექტირება და სარეკონსტრუქციო სამუშაოები; ქ. საჩხერეში მე-3 საბავშვო ბაღის მიმდებარედ სპორტული მოედნის რეაბილიტაცია; სოფელ კორბოულში ტალახაძეების, ძაღლიძვლების და სისვაძეების უბნებში სპორტული მოედნის მოწყობა. სოფელ ნიგვზარაში საფეხბურთო და სარაგბო მოედნის მოწყობა, ქ. საჩხერეში ძალოსნობის დარბაზის გაზიფიცირება, ეზოს კეთილმოწყობა, მოეწყობა ცენტრალური სტადიონის წყალმომარაგების სისტემა მინდვრის მოსარწყავად და სხვა. 3.1.5 ა(ა)იპ – „ოლიმპიურ ჩემპიონ ლაშა ტალახაძის სახელობის საჩხერის ძალოსნობის დარბაზი“ (პროგრამული კოდი 05 01 05) პროგრამის ფარგლებში დაგეგმილია ა(ა)იპ-,,ოლიმპიურ ჩემპიონ ლაშა ტალახაძის სახელობის საჩხერის ძალოსნობის დარბაზის“ სუბსიდირება. ახალი დარბაზი მეტ სტიმულს და დაინტერესებას მისცემს მუნიციპალიტეტის ახალგაზრდობას მათი ფიზიკური მომზადებისა და გაჯანსაღების მიზნით. 3.2 კულტურის განვითარების ხელშეწყობა (პროგრამული კოდი 05 02) მუნიციპალიტეტის კულტურული ტრადიციების დაცვის მიზნით პროგრამის ფარგლებში გაგრძელდება კულტურული დაწესებულებების ფინანსური მხარდაჭერა, ასევე განხორციელდება და მოეწყობა სხვადასხვა კულტურული ღონისძიებები, მათ შორის: გამოჩენილი ადამიანების საიუბილეო, საშობაო-საახალწლო, თეატრალურ-მუსიკალური ღონისძიებები, სადღესასწაულო დღეებში სხვადასხვა გასართობი და სანახაობრივი ღონისძიებები და სხვა. ასევე პროგრამის ფარგლებში გათვალისწინებულია მუნიციპალიტეტის მიერ ა(ა)იპ-ის ფორმით დაფუძნებული სახელოვნებო სკოლების, ბიბლიოთეკების, კულტურის სახლების და მუზეუმების, სულ 8 ერთეული კულტურულ-საგანმანათლებლო დაწესებულების დაფინანსება. შრომის ანაზღაურებასთან ერთად პროგრამა ითვალისწინებს სხვა მიმდინარე ხარჯების დაფინანსებასაც. 3.2.1 კულტურული ღონისძიებების დაფინანსება (პროგრამული კოდი 05 02 01) ამ ქვეპროგრამის ფარგლებში განსაზღვრულია დაფინანსდეს გამოჩენილი ადამიანების საიუბილეო, საშობაო-საახალწლო, თეატრალურ-მუსიკალური ღონისძიებები, გამოჩენილ მხატვართა ნამუშევრების გამოფენა, ქვეპროგრამის ფარგლებში ასევე დაფინანსდება ტრადიციული დღესასწაული „საჩხერლობა“. 3.2.2 კულტურული ობიექტების მშენებლობა, რეაბილიტაცია (პროგრამული კოდი 05 02 02) პროგრამის ფარგლებში მოხდება სოფელ ჯრუჭში ჯრუჭის მონასტრის რეაბილიტაცია და გაზიფიცირება. 3.2.3 სსიპ – აკაკი წერეთლის სახელმწიფო მუზეუმი (პროგრამული კოდი 05 02 07) პროგრამის ფარგლებში ფინანსდება გრანტით. 3.3 ახალგაზრდული ორგანიზაციების ღონისძიებების დაფინანსება (პროგრამული კოდი 05 04) პროგრამის ფარგლებში დაფინანსდება სხვადასხვა ახალგაზრდული ღონისძიებები, რაც ხელს შეუწყობს ახალგაზრდების ცნობიერების ამაღლებას, სახელმწიფოებრივი აზროვნების განვითარებას, ესთეტიკურ აღზრდას, ახალგაზრდების ჩართულობას თავისი ქალაქისა და ქვეყნის განვითარებაში. 3.4 ჭიათურისა და საჩხერის ეპარქია (პროგრამული კოდი 05 05) პროგრამის ფარგლებში განხორციელდება მუნიციპალიტეტში არსებული ეკლესია-მონასტრების ფუნქციონირების ხელშეწყობა. 4. მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00) მოსახლეობის ჯანმრთელობის დაცვის ხელშეწყობა და მოსახლეობის სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. არსებული რესურსების ფარგლებში გაგრძელდება სოციალურად დაუცველი მოსახლეობის სხვადასხვა დახმარებებით და შეღავათებით უზრუნველყოფა. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს მოსახლეობის დაცვას სხვადასხვა გადამდები და ინფექციური დაავადებისაგან. 4.1 ჯანდაცვის პროგრამები (პროგრამული კოდი 06 01) პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას, კერძოდ:
4.2 სოციალური პროგრამები (პროგრამული კოდი 06 02) პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენისათვის გარკვეული შეღავათებითა და სოციალური დახმარებებით უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო ხარჯების ანაზღაურებას, მოხუცებულთა, მიუსაფართა და სოციალურად დაუცველთა კვებით უზრუნველყოფას, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარებას, ავადმყოფთა დახმარებას, სხვადასხვა ორგანიზების და ღონისძიებების სუბსიდირებას და სხვა სოციალურ ღონისძიებებს, რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას. 4.2.1 ავადმყოფთა სოციალური დაცვა (პროგრამული კოდი 06 02 01) ქვეპროგრამის ფარგლებში გათვალისწინებულია ავადმყოფთა სოციალური დაცვა. ამ მიზნით მუნიციპალიტეტის ბიუჯეტიდან გაიცემა დახმარება შემდეგი სახის ავადმყოფებზე და შემდეგი ოდენობით: 1. საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც ესაჭიროება გეგმური და გადაუდებელი სტაციონარულ-ქირურგიული ოპერაცია და სხვა სამედიცინო მომსახურება მიეცემა დახმარება ერთჯერადად, არაუმეტეს 2000 (ორი ათასი) ლარამდე ოდენობით. 2. საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც ესაჭიროება სხვადასხვა სახის კვლევა, მიეცემა დახმარება ერთჯერადად, არაუმეტეს 500 (ხუთასი) ლარამდე ოდენობით, ხოლო შეზღუდული შესაძლებლობის სტატუსის მქონე მოქალაქეს არაუმეტეს 1000 (ათასი) ლარამდე ოდენობით. 3. საჩხერის მუნიციპალიტეტის ტერიტორიაზე რეგისტრირებულ, ეპილეფსიით დაავადებულ მოქალაქეს მიეცემა დახმარება ყოველთვიურად არაუმეტეს 50 (ორმოცდაათი) ლარამდე ოდენობით. 4. საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელიც თირკმლის უკმარისობის გამო გადის დიალიზით მკურნალობის კურსს სხვადასხვა ქალაქში, მიეცემა დახმარება ყოველთვიურად 120 (ას ოცი) ლარის ოდენობით. 5. საჩხერის მუნიციპალიტეტის ტერიტორიაზე რეგისტრირებულ ონკოჰემატოლოგიური დაავადების (ლეიკემია) მქონე არასრულწლოვან მოქალაქეს მიეცემა დახმარება ყოველთვიურად 200 (ორასი) ლარის ოდენობით, ხოლო სრულწლოვან მოქალაქეს მიეცემა დახმარება ყოველთვიურად 100 (ასი) ლარის ოდენობით. 4.2.2 შეზღუდული შესაძლებლობის მქონე პირთა სოციალური დაცვის უზრუნველყოფა (პროგრამული კოდი 06 02 02) ამ ქვეპროგრამის ფარგლებში განსაზღვრულია შეზღუდული შესაძლებლობის პირთა სოციალური უზრუნველყოფა, ყრუთა კავშირისა და შეზღუდული შესაძლებლობის მქონე პირთა სუბსიდირება. 4.2.2.1 შეზღუდული შესაძლებლობის მქონე პირთა სოციალური დაცვა (პროგრამული კოდი 06 02 02 01) საჩხერის მუნიციპალიტეტის ტერიტორიაზე რეგისტრირებულ შეზღუდული შესაძლებლობის სტატუსის მქონე, არასრულწლოვან მოქალაქეს მიეცემა დახმარება ერთჯერადად 150 (ას ორმოცდაათი) ლარის ოდენობით. 4.2.2.2 საქართველოს ყრუთა კავშირის საჩხერის ფილიალის ხარჯების სუბსიდირება (პროგრამული კოდი 06 02 02 02) ამ პროგრამის ფარგლებში უნარშეზღუდულ ბავშვებზე გაიცემა სუბსიდია სხვადასხვა ხარჯისათვის. 4.2.3 ომის და შრომის ვეტერანებზე და მათ ოჯახებზე ფულადი ფორმით გასაცემი დახმარებები (პროგრამული კოდი 06 02 03) 1. საჩხერის მუნიციპალიტეტის ტერიტორიაზე რეგისტრირებულ ომის მონაწილე ვეტერანს, რომელიც ასევე არის შეზღუდული შესაძლებლობის სტატუსის მქონე, მიეცემა დახმარება ერთჯერადად 200 (ორასი) ლარის ოდენობით. 2. საჩხერის მუნიციპალიტეტის ტერიტორიაზე რეგისტრირებულ მეორე მსოფლიო ომში მონაწილეზე ვეტერანებზე (საჩხერის სოციალური მომსახურების სააგენტოს მიერ მოწოდებული სიის შესაბამისად), 9 მაისის დღესასწაულთან დაკავშირებით გაიცემა დახმარება ერთჯერადად 500 (ხუთასი) ლარის ოდენობით. 4.2.4 ოჯახებისა და ბავშვების სოციალური დაცვა (პროგრამული კოდი 06 02 04) 1. საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც შეეძინება მეოთხე ან/და მეხუთე შვილი (0-18 წლის ჩათვლით) მიეცემა დახმარება ერთჯერადად 200 (ორასი) ლარის ოდენობით, ხოლო მეექვსე და მეტი შვილის შეძენის შემთხვევაში (0-18 წლის ჩათვლით), 500 (ხუთასი) ლარის ოდენობით. 2. საჩხერის მუნიციპალიტეტის ტერიტორიაზე რეგისტრირებულ ხანდაზმულს (100 წელი და ზევით) მიეცემა დახმარება ერთჯერადად 500 (ხუთასი) ლარის ოდენობით. 3. აკრედიტებულ უმაღლეს სასწავლებელში სწავლის საფასურის თანადაფინანსება 500 (ხუთასი) ლარამდე ოდენობით, ერთჯერადად გაეწევათ: დედით ან მამით ობოლ, მარტოხელ მშობლის სტატუსის მქონე, მრავალშვილიან ოჯახში მცხოვრებ (4 და მეტი შვილი, 20 წლის ჩათვლით), სოციალურად დაუცველ ოჯახში მცხოვრებ (რომელთაც აქვთ მინიჭებული 57000 ჩათვლით სარეიტინგო ქულა), საქართველოს ოკუპირებული ტერიტორიიდან იძულებით გადაადგილებული მშობლის და შეზღუდული შესაძლებლობის სტატუსის მქონე მშობლის სტუდენტებს, ხოლო შეზღუდული შესაძლებლობის სტატუსის მქონე სტუდენტს – 1000 (ათასი) ლარამდე ოდენობით. 4. საჩხერის მუნიციპალიტეტის ტერიტორიაზე რეგისტრირებულ და მუდმივად მცხოვრებ ოჯახებს, რომლებიც ცხოვრობენ მძიმე საცხოვრებელ პირობებში, არ აქვთ ალტერნატიული საცხოვრებელი ფართი და საკუთარი სახსრებით ეწევიან საცხოვრებელი სახლის აღდგენა-გამაგრებით სამუშაოებს, საცხოვრებელი პირობების გაუმჯობესების მიზნით მიეცემათ დახმარება ერთჯერადად არაუმეტეს 2000 (ორი ათასი) ლარამდე ოდენობით. 5. საჩხერის მუნიციპალიტეტის ტერიტორიაზე რეგისტრირებულ მოქალაქეს განსაკუთრებულ შემთხევაში, სამუშაო ჯგუფის დასკვნის საფუძველზე, შესაძლებელია მიეცეს დახმარება ერთჯერადად, არაუმეტეს 2000 (ორი ათასი) ლარამდე ოდენობით. 4.2.5 უმუშევართა და მარჩენალდაკარგულ პირთა სოციალური დაცვა (პროგრამული კოდი 060205) 1. საჩხერის მუნიციპალიტეტის ტერიტორიაზე რეგისტრირებულ დედით ან მამით ობოლ არასრულწლოვან მოქალაქეს მიეცემა დახმარება ერთჯერადად 150 (ას ორმოცდაათი) ლარის ოდენობით. 2. საჩხერის მუნიციპალიტეტის ტერიტორიაზე რეგისტრირებულ მარტოხელა მშობლის სტატუსის მქონე მოქალაქეს მიეცემა დახმარება ერთჯერადად 150 (ას ორმოცდაათი) ლარის ოდენობით. 4.2.6 უფასო სასადილოს დაფინანსება (პროგრამული კოდი 06 02 06) ქვეპროგრამის ფარგლებში საჩხერის მუნიციპალიტტეის ტერიტორიაზე რეგისტრირებულ, სოციალურად შეჭირვებულ მოქალაქეს „უფასო სადილით“ უზრუნველყოფის მიზნით გაეწევა დახმარება და დღეში ერთჯერ მიეცემა უფასო სადილი (მენიუს შესაბამისად). 4.2.7 სარიტუალო ხარჯები (პროგრამული კოდი 06 02 07) 4.2.7.1 ქვეპროგრამის ფარგლებში გათვალისწინებულია მუნიციპალიტეტის ტერიტორიაზე მცხოვრები უპატრონო მიცვალებულთა სარიტუალო უზრუნველყოფის ხარჯები თითოეულზე 300 (სამასი) ლარის ოდენობით. 4.2.7.2 მუნიციპალიტეტის ბიუჯეტიდან ანაზღაურდება შემდეგი სახის სარიტუალო მომსახურება 250 (ორას ორმოცდაათი) ლარის ოდენობით: ა) საქართველოს ტერიტორიული მთლიანობისათვის მებრძოლ ვეტერანთა სარიტუალო მომსახურება; ბ) სხვა ქვეყნის ტერიტორიაზე მებრძოლ ვეტერანთა სარიტუალო მომსახურება; გ) მეორე მსოფლიო ომის მონაწილე ვეტერანთა სარიტუალო მომსახურება. 4.2.8 საჩხერე – პერევის და პერევი-საჩხერის საავტობუსო რეისების სუბსიდირება (პროგრამული კოდი 06 02 09) ქვეპროგრამის ფარგლებში განხორციელდება კონფლიქტურ ზონაში მდებარე სოფელ პერევის მოსახლეობისათვის ქ. საჩხერედან და პირიქით უფასო საავტობუსო რეისები. ამ მომსახურებით ისარგებლებენ, როგორც პერევის, ასევე მიმდებარე სოფლებში მცხოვრები მოსახლეობა. 4.2.9 სტიქიური უბედურების შედეგად დაზარალებული მოსახლეობის დახმარება (პროგრამული კოდი 06 02 10) 1. საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც სტიქიური უბედურების/ხანძრის შედეგად დაეწვა საცხოვრებელი სახლი, მიეცემა დახმარება 5000 (ხუთი ათასი) ლარამდე ოდენობით. 4.2.10 საცხოვრებლით უზრუნველყოფა (პროგრამული კოდი 06 02 11) აღნიშნული პროგრამით გათვალისწინებულია საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც არ აქვს თავშესაფარი, საცხოვრებლით უზრუნველყოფის მიზნით, ბინის დაქირავებისათვის მიეცემა დახმარება ყოველთვიურად 130 (ას ოცდაათი) ლარამდე ოდენობით. 4.2.11 ჯანდაცვის ობიექტების დაფინანსება (პროგრამული კოდი 06 03) პროგრამის ფარგლებში გათვალისწინებულია სასწრაფო სამედიცინო დახმარების შენობის მშენებლობა. ასევე დაიგეგმა საჩხერის რაიონული საავადმყოფო პოლიკლინიკური გაერთიანებისათვის ჰემოდიალიზის განყოფილებისათვის შესაბამისი მოწყობილობის შეძენა. 4.2.12 ინტეგრირებული დღის ცენტრი (პროგრამული კოდი 06 04) ამ პროგრამის ფარგლებში გათვალისწინებულია ოჯახურ მხარდაჭერას მოკლებულ ხანდაზმულთა კეთილდღეობაზე ზრუნვისათვის ცენტრის სუბსიდირება. 5. წარმომადგენლობითი და აღმასრულებელი ორგანოების დაფინანსება (პროგრამული კოდი 01 00). პრიორიტეტი მოიცავს ისეთ ღონისძიებებს, რომლებიც ადმინისტრაციული ხასიათისაა და ხელს უწყობს სისტემის გამართულ ფუნქციონირებას, როგორიცაა მუნიციპალიტეტის საკრებულოს, მუნიციპალიტეტის მერის სტრუქტურული ერთეულების აპარატის შენახვის ხარჯები, მათ შორის: შრომის ანაზღაურება, საქონელი და მომსახურება, არაფინანსური აქტივების ზრდა და სხვა. ასევე, მოიცავს ბიუჯეტის სარეზერვო ფონდს, წინა წლებში წარმოქმნილი დავალიანებების დაფარვისა და სასამართლო გადაწყვეტილებების აღსრულების ფონდს, კადრების მომზადება-გადამზადებასთან კვალიფიკაციის ამაღლებასა და სტაჟირებასთან დაკავშირებულ ხარჯებს. 6. თავდაცვა, საზოგადოებრივი წესრიგი და უსაფრთხოება (პროგრამული კოდი 02 00) საქართველოს შეიარაღებული ძალების საბრძოლო მზადყოფნის ამაღლებისათვის საჩხერის მუნიციპალიტეტში ხორციელდება წვევამდელთა აღრიცხვა, მათი ჯანმრთელობის მდგომარეობის გამოკვლევა და გაწვევის პუნქტებამდე ტრანსპორტირების უზრუნველყოფა, რაც დაფინანსებულია მუნიციპალიტეტის საკუთარი და დელეგირებული უფლებამოსილების ფარგლებში . 6.1 ქვეყნის თავდაცვისუნარიანობის ამაღლების ხელშეწყობა (პროგრამული კოდი 02 02) ქვეყნის თავდაცვისუნარიანობის ამაღლების ხელშეწყობა კანონმდებლობების მიხედვით თვითმმართველი ერთეულისათვის წარმოადგენს დელეგირებულ უფლებამოსილებას და ამ პროგრამის ფარგლებში გამოყოფილი ასიგნებები მთლიანად მოხმარდება მუნიციპალიტეტის სამხედრო სამსახურის მიერ წვევამდელთა სამხედრო აღრიცხვის ღონისძიებების; წვევამდელთა გაწვევის ორგანიზების, მათი ჯანმრთელობის მდგომარეობის გამოკვლევის; შესაბამის გამწვევ პუნქტებამდე ტრანსპორტირების; რეზერვის აღრიცხვის; გაწვევის ორგანიზებისა და სხვა კანონმდებლობებით გათვალისწინებული ღონისძიებების დაფინანსებას. პროგრამის განხორციელებით უზრუნველყოფილი იქნება სამხედრო ვალდებულთა სრული აღრიცხვა, შეიარაღებულ ძალებში სამსახურის პოპულარიზაცია და ახალგაზრდობაში ცხოვრების ჯანსაღი წესის დამკვიდრება. |
თავი VI
საჩხერის მუნიციპალიტეტის ბიუჯეტის ასიგნებები |
მუხლი 16.
საჩხერის მუნიციპალიტეტის ბიუჯეტის ასიგნებები
|
განისაზღვროს საჩხერის მუნიციპალიტეტის ბიუჯეტის ასიგნებები პროგრამული კლასიფიკაციის მიხედვით, თანდართული რედაქციით:
ათას ლარებში
|
თავი VII
მარეგულირებელი ნორმები |
მუხლი 17 |
საჩხერის მუნიციპალიტეტის 2018 წლის ბიუჯეტის ასიგნებების დაფინანსება გაგრძელდეს სახელმწიფო ხაზინის ერთიანი ანგარიშიდან საქართველოს ფინანსთა სამინისტროს სახელმწიფო ფინანსების მართვის საინფორმაციო (ელექტრონული) სისტემის მეშვეობით. |
მუხლი 18 |
საჩხერის მუნიციპალიტეტის 2018 წლის ბიუჯეტის ასიგნებების გადანაწილება და ცვლილებები პროგრამულ კლასიფიკაციაში განხორციელდეს დამტკიცებული წლიური ასიგნებების ფარგლებში საქართველოს საბიუჯეტო კოდექსის და საჩხერის მუნიციპალიტეტის საკრებულოს მიერ დადგენილი წესის თანახმად. |
მუხლი 19 |
2018 წლის განმავლობაში საჩხერის მუნიციპალიტეტის ბიუჯეტის დაფინანსებაზე მყოფი დაწესებულებებისა და ორგანიზაციების მოსამსახურეებზე ჯილდო და დანამატი გაიცეს მათთვის შესაბამისი ბიუჯეტებით დამტკიცებული ასიგნებების ფარგლებში. |
მუხლი 20 |
საჩხერის მუნიციპალიტეტის ბიუჯეტით განსაზღვრული პროგრამებისა და ქვეპროგრამების განხორციელება, ამ პროგრამებისა და ქვეპროგრამების ფარგლებში გაფორმებულ სახელმწიფო შესყიდვების შესახებ ხელშეკრულების შესრულებაზე კონტროლი (ინსპექტირება), დაევალოთ მერიის სტრუქტურული ერთეულების სამსახურებს კანონმდებლობით დადგენილი წესით. |
მუხლი 21 |
პროგრამებისა და ქვეპროგრამების განმახორციელებელი ორგანიზაციების ნუსხა დამტკიცდეს მუნიციპალიტეტის მერის მიერ და მასვე მიენიჭოს ცვლილებების შეტანის უფლებამოსილება. |
მუხლი 22 |
მუნიციპალიტეტის 2018 წლის ბიუჯეტით გათვალისწინებული პროგრამული კოდი 0104-დან დაფინანსდება წინა წლების დავალიანებები, სასამართლოს გადაწყვეტილებით დაკისრებული თანხები, საქართველოს კანონმდებლობით დადგენილი წესით იძულებით ჩამოჭრილი თანხები და მუნიციპალიტეტის მიერ აღიარებული ვალდებულებები.
წინა წლებში წარმოქმნილი ფაქტობრივი დავალიანებების დასაფარავად ბიუჯეტის დაფინანსებაზე მყოფმა საბიუჯეტო ორგანიზაციებმა და დაწესებულებებმა შესაძლებელია გამოიყენონ 2018 წელს მათთვის გამოყოფილი ასიგნებები იმ პირობით, რომ არ დაიშვება ახალი დავალიანების დაგროვება, რისთვისაც მთელი პასუხისმგებლობა ეკისრებათ აღნიშნულ ორგანიზაციებს. |
მუხლი 23 |
საქართველოს საბიუჯეტო კოდექსის 82-ე მუხლის თანახმად მუნიციპალიტეტის საფინანსო სამსახურმა მოამზადოს საჩხერის მუნიციპალიტეტის 2018 წლის ბიუჯეტის კვარტალური განწერა საბიუჯეტო კლასიფიკაციის შესაბამისად. |
მუხლი 24 |
საქართველოს სახელმწიფო ბიუჯეტიდან გამოყოფილი მიზნობრივი ტრანსფერი 190,0 ათასი ლარი მიიმართოს გადამდებ და არაგადამდებ დაავადებათა ეპიდემიოლოგიური ზედამხედველობის განსახორციელებლად; ქვეყნის თავდაცვისუნარიანობის ამაღლების ხელშეწყობის დასაფინანსებლად და მუნიციპალიტეტის ტერიტორიაზე რეგისტრირებული ვეტერანების სარიტუალო ხარჯებისათვის. |
მუხლი 25 |
2018 წლის მუნიციპალიტეტის ბიუჯეტის სარეზერვო ფონდის მოცულობა განისაზღვროს 64.0 ათასი ლარის ოდენობით, სარეზერვო ფონდიდან თანხის გამოყოფა განხორციელდეს მუნიციპალიტეტის მერის ინდივიდუალური ადმინისტრაციულ-სამართლებრივი აქტის საფუძველზე. |
დოკუმენტის კომენტარები