„საჯარო სამართლის იურიდიული პირის – ქართველოლოგიის, ჰუმანიტარული და სოციალური მეცნიერებების ფონდის (რუსთაველის ფონდის) შექმნისა და მისი წესდების დამტკიცების შესახებ“ საქართველოს მთავრობის 2007 წლის 17 მაისის №103 დადგენილებაში ცვლილებებისა და დამატებების შეტანის თაობაზე“

საქართველოს მთავრობის

დადგენილება №35

2010 წლის 11 თებერვალი

ქ. თბილისი

„საჯარო სამართლის იურიდიული პირის – ქართველოლოგიის, ჰუმანიტარული და სოციალური მეცნიერებების ფონდის (რუსთაველის ფონდის) შექმნისა და მისი წესდების დამტკიცების შესახებ“ საქართველოს მთავრობის 2007 წლის 17 მაისის №103 დადგენილებაში ცვლილებებისა და დამატებების შეტანის თაობაზე

    მუხლი 1

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „საჯარო სამართლის იურიდიული პირის – ქართველოლოგიის, ჰუმანიტარული და სოციალური მეცნიერებების ფონდის (რუსთაველის ფონდის) შექმნისა და მისი წესდების დამტკიცების შესახებ“ საქარ-თველოს მთავრობის 2007 წლის 17 მაისის №103 დადგენილებით (სსმ III, 2007 წელი, №70, მუხ. 767) დამტკიცებულ წესდებაში შეტანილ იქნეს შემდეგი ცვლილებები და დამატებები:

1. მე-4 მუხლის:

ა) პირველი პუნქტი ჩამოყალიბდეს ახალი რედაქციით:

„1. ფონდის წარმომადგენლობისათვის უფლებამოსილი პირია და მის საქმიანობას ხელმძღვანელობს ფონდის დირექტორი, რომელსაც 4 წლის ვადით, საქართველოს განათლებისა და მეცნიერების მინისტრის წარდგინებით, თანამდებობაზე ნიშნავს და თანამდებობიდან ათავისუფლებს საქართველოს პრემიერ-მინისტრი. ერთი და იგივე პირი ფონდის დირექტორად შეიძლება დაინიშნოს ზედიზედ მხოლოდ ორჯერ.“;

ბ) მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) სამეცნიერო საბჭოსთან შეთანხმებით აცხადებს სახელმწიფო სამეცნიერო გრანტებისა და სხვადასხვა სახის გრანტების კონკურსებს, ადგენს საგრანტო კონკურსის გამართვისა და საგრანტო განაცხადების მიღების ვადებს;“;

გ) მე-3 პუნქტს დაემატოს შემდეგი შინაარსის „ბ¹“ ქვეპუნქტი:

„ბ¹) საქართველოს კანონმდებლობის შესაბამისად გამოსცემს ინდივიდუალურ ადმინისტრაციულ-სამართლებრივ აქტებს;“;

დ) მე-3 პუნქტის „ზ“, „თ“ და „ი“ ქვეპუნქტები ჩამოყალიბდეს შემდეგი რედაქციით:

„ზ) ფონდის ბიუჯეტის შესაბამისად, საქართველოს განათლებისა და მეცნიერების სამინისტროსთან შეთანხმებით, ამტკიცებს ფონდის საშტატო განრიგს და ამ განრიგით გათვალისწინებულ თანამშრომელთა ანაზღაურების ოდენობებს;

თ) საქართველოს კანონმდებლობით დადგენილი წესით, ფონდის თანამშრომლებთან აფორმებს და წყვეტს შრომით ხელშეკრულებებს, საჭიროების შემთხვევაში აწყობს კონკურსს, მათ მიმართ გამოიყენებს წახალისებისა და დისციპლინური პასუხისმგებლობის ზომებს, ამტკიცებს ფონდის შინაგანაწესს;

ი) სამეცნიერო საბჭოსთან შეთანხმებით საქართველოს მთავრობას წარუდგენს ფონდის მუშაობის ყოველწლიურ ანგარიშს;“;

ე) მე-3 პუნქტის „ლ“ ქვეპუნქტი ჩამოყალიბდეს შემდეგი რედაქციით:

„ლ) სამეცნიერო საბჭოსთან შეთანხმებით, თანამდებობაზე ნიშნავს და თანამდებობიდან ათავისუფლებს დირექტორის მოადგილე(ებ)ს. ფონდის დირექტორის არყოფნის ან მის მიერ მოვალეობის შესრულების შეუძლებლობის შემთხვევაში, დირექტორის ინდივიდუალური ადმინისტრაციულ-სამართლებრივი აქტით განსაზღვრული მოადგილე ასრულებს დირექტორის მოვალეობას;“.

2. მე-5 მუხლში:

ა) დაემატოს შემდეგი შინაარსის 7¹ პუნქტი:

„7¹. საბჭო უფლებამოსილია, თუ მას ესწრება წევრთა სრული შემადგენლობის უმრავლესობა. საბჭო გადაწყვეტილებებს იღებს დამსწრე წევრთა უმრავლესობით, მაგრამ არანაკლებ სრული შემადგენლობის ერთი მესამედისა.“;

ბ) მე-8 პუნქტი ჩამოყალიბდეს შემდეგი რედაქციით:

„8. საქართველოს განათლებისა და მეცნიერების მინისტრი საქართველოს მთავრობის კვოტით თანამდებობრივად შედის სამეცნიერო საბჭოს შემადგენლობაში და თავმჯდომარეობს სამეცნიერო საბჭოს სხდომებს. თავმჯდომარის არყოფნის შემთხვევაში, სხდომას თავმჯდომარეობს თავმჯდომარის მოადგილე.“;

გ) დაემატოს შემდეგი შინაარსის 8¹ და 8² პუნქტები:

„8¹. სამეცნიერო საბჭო, წევრთა სრული შემადგენლობის უმრავლესობით, საკუთარ წევრთაგან ირჩევს სამეცნიერო საბჭოს თავმჯდომარის მოადგილეს. სამეცნიერო საბჭოს თავმჯდომარის მოადგილის კანდიდატურის წარდგენის უფლება აქვს სამეცნიერო საბჭოს თავმჯდომარეს.

8². სამეცნიერო საბჭო, წევრთა სრული შემადგენლობის უმრავლესობით, საკუთარ წევრთაგან ირჩევს სამეცნიერო საბჭოს მდივანს. სამეცნიერო საბჭოს მდივნის მიერ მოვალეობის შესრულების შეუძლებლობის შემთხვევაში, მის ფუნქციებს, სამეცნიერო საბჭოს დავალებით, ასრულებს სამეცნიერო საბჭოს ერთ-ერთი წევრი.“;

დ) დაემატოს შემდეგი შინაარსის მე-12 პუნქტი:

„12. სამეცნიერო საბჭოს სხდომის დროს იწარმოება სხდომის ოქმი, რომელიც ფორმდება სხდომის გამართვიდან 5 სამუშაო დღის ვადაში. სამეცნიერო საბჭოს სხდომის ოქმს ხელს აწერენ სამეცნიერო საბჭოს თავმჯდომარე და მდივანი.“.

3. მე-7 მუხლის „გ“ ქვეპუნქტი ამოღებულ იქნეს.

4. წესდებას დაემატოს 7¹ მუხლი შემდეგი რედაქციით:

     „მუხლი 7¹. ინტერესთა კონფლიქტი

დაუშვებელია ფონდის მიერ გამოცხადებული საგრანტო პროექტების კონკურსში ამავე ფონდის თანამშრომლის მონაწილეობა.“.

5. მე-11 მუხლის:

ა) მე-2 პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) საშტატო განრიგისა და ხელფასის ფონდის განსაზღვრა;“;

ბ) მე-2 პუნქტს დაემატოს შემდეგი შინაარსის „ვ“ ქვეპუნქტი:

„ვ) თანამშრომელთა მატერიალური წახალისებისათვის გამოსაყოფი სახსრების, აგრეთვე საჯარო სამართლის იურიდიული პირის მიერ შესაძენი საწვავისა და გასაწევი საკომუნიკაციო ხარჯების ლიმიტების განსაზღვრა.“.

    მუხლი 2

დადგენილება ამოქმედდეს გამოქვეყნებისთანავე.

პრემიერ-მინისტრი ნ. გილაური