„აბაშის მუნიციპალიტეტის ადგილობრივი თვითმმართველობის ორგანოებში საქმისწარმოების ტიპობრივი ინსტრუქციის დამტკიცების შესახებ” აბაშის მუნიციპალიტეტის საკრებულოს 2015 წლის 1 სექტემბრის №29 დადგენილებაში ცვლილების შეტანის თაობაზე

ა)  დადგენილებით  დამტკიცებული „აბაშის  მუნიციპალიტეტის  ადგილობრივი თვითმმართველობის ორგანოებში საქმისწარმოების ტიპობრივი ინსტრუქციის“ მე-3  მუხლის პირველი პუნქტი  ჩამოყალიბდეს შემდეგი რედაქციით:

„1. კონტროლს ინსტრუქციით დადგენილი პროცედურების შესრულებაზე ახორციელებს აბაშის  მუნიციპალიტეტის ადგილობრივი თვითმმართველობის ორგანოები: საკრებულოში – საკრებულოს აპარატი, მერიაში – ადმინისტრაციული სამსახური (ტექსტში შემდგომ –  შესაბამისი სამსახურები).“;

ბ)  დადგენილებით  დამტკიცებული „აბაშის  მუნიციპალიტეტის  ადგილობრივი თვითმმართველობის ორგანოებში საქმისწარმოების ტიპობრივი ინსტრუქციის“ მე-9 მუხლის პირველი პუნქტი  ჩამოყალიბდეს შემდეგი რედაქციით:

„1. მუნიციპალიტეტის მერს/საკრებულოს თავმჯდომარეს განსახილველად გადაეცემა დოკუმენტები, რომლებიც მიღებულია საკანონმდებლო, სამთავრობო და სხვა სახელმწიფო დაწესებულებებიდან, შეიცავენ ინფორმაციას თვითმმართველობის ორგანოს საქმიანობის პრინციპულ საკითხებზე და რომელთა შესრულება მოითხოვს ხელმძღვანელობის პრინციპული ხასიათის გადაწყვეტილებას. დანარჩენ დოკუმენტებს წინასწარი განხილვის შემდეგ მუნიციპალიტეტის კანცელარია გადასცემს შემსრულებლებს.“;

გ) დადგენილებით  დამტკიცებული ,,აბაშის  მუნიციპალიტეტის  ადგილობირვი თვითმმართველობის ორგანოებში საქმისწარმოების ტიპობრივი ინსტრუქციის“ მე-10 მუხლის პირველი პუნქტი ჩამოყალიბდეს შემდეგი რედაქციით:

„1. მერი/საკრებულოს თავმჯდომარე შემოსულ დოკუმენტებზე რეზოლუციის სახით დავალებებს აძლევენ სტრუქტურული ერთეულების ხელმძღვანელებს.“.