დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს პარლამენტთან არსებული აუდიტორული საქმიანობის შესახებ“ საქართველოს პარლამენტის 1995 წლის 30 ივნისის დადგენილებით დამტკიცებულ საქართველოს პარლამენტთან არსებული აუდიტორული საქმიანობის საბჭოს დებულებაში ცვლილებისა და დამატების შეტანის თაობაზე | |
|---|---|
| დოკუმენტის ნომერი | 1008 |
| დოკუმენტის მიმღები | საქართველოს პარლამენტი |
| მიღების თარიღი | 22/02/2005 |
| დოკუმენტის ტიპი | საქართველოს პარლამენტის დადგენილება |
| გამოქვეყნების წყარო, თარიღი | სსმ, 30, 16/03/2005 |
| ძალის დაკარგვის თარიღი | 01/01/2013 |
| სარეგისტრაციო კოდი | 00000000.00(0).00.000000 |
საქართველოს პარლამენტის დადგენილება
„საქართველოს პარლამენტთან არსებული აუდიტორული საქმიანობის შესახებ“ საქართველოს პარლამენტის 1995 წლის 30 ივნისის დადგენილებით დამტკიცებულ საქართველოს პარლამენტთან არსებული აუდიტორული საქმიანობის საბჭოს დებულებაში ცვლილებისა და დამატების შეტანის თაობაზე
საქართველოს პარლამენტი ადგენს:
1. „საქართველოს პარლამენტთან არსებული აუდიტორული საქმიანობის შესახებ“ საქართველოს პარლამენტის 1995 წლის 30 ივნისის დადგენილებით დამტკიცებულ საქართველოს პარლამენტთან არსებული აუდიტორული საქმიანობის საბჭოს დებულებაში შეტანილ იქნეს შემდეგი ცვლილება და დამატება:
ა) მე-3 მუხლი ჩამოყალიბდეს შემდეგი რედაქციით:
„მუხლი 3. აუდიტორული საბჭოს მართვა და ორგანიზაციული სტრუქტურა
1. აუდიტორული საბჭოს მართვის უმაღლესი ორგანოა აუდიტორული საბჭოს კოლეგია. კოლეგიას ჰყავს თავმჯდომარე, რომელიც იმავდროულად არის აუდიტორული საბჭოს თავმჯდომარე.
2. აუდიტორული საბჭოს საქმიანობას ოპერატიულად მართავს აუდიტორული საბჭოს თავმჯდომარე, ხოლო მისი არყოფნისას – თავმჯდომარის მოადგილე.
3. აუდიტორული საბჭოს თავმჯდომარეს და მის მოადგილეს საფინანსო-საბიუჯეტო კომიტეტის წარდგინებით, 5 წლის ვადით თანამდებობაზე ნიშნავს და თანამდებობიდან ათავისუფლებს საქართველოს პარლამენტი.
4. აუდიტორული საბჭოს კოლეგიის შემადგენლობას აუდიტორული საბჭოს თავმჯდომარის წარდგინებით ამტკიცებს საქართველოს პარლამენტის ბიურო.“;
ბ) მე-6 მუხლს დაემატოს შემდეგი შინაარსის მე-5 პუნქტი:
„5. აუდიტორული საბჭოს სტრუქტურას, საშტატო განრიგს და მოსამსახურეთა თანამდებობრივი სარგოს განაკვეთებს აუდიტორული საბჭოს თავმჯდომარის წარდგინებით საფინანსო-საბიუჯეტო კომიტეტთან შეთანხმებით ამტკიცებს საქართველოს პარლამენტის თავმჯდომარე.“.
2. დაევალოს საფინანსო-საბიუჯეტო კომიტეტს, ერთი თვის ვადაში წარუდგინოს პარლამენტს აუდიტორული საქმიანობის საბჭოს თავმჯდომარისა და მისი მოადგილის კანდიდატურები.
3. ეს დადგენილება ამოქმედდეს გამოქვეყნებისთანავე.
საქართველოს პარლამენტის
თავმჯდომარე ნ. ბურჯანაძე
თბილისი,
2005 წლის 22 თებერვალი.
№1008–Iს
დოკუმენტის კომენტარები