„საქართველოს ეროვნული უშიშროების საბჭოს აპარატის დებულების დამტკიცების შესახებ“ საქართველოს პრეზიდენტის 2014 წლის 25 მარტის №114 ბრძანებულებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „საქართველოს ეროვნული უშიშროების საბჭოს აპარატის დებულების დამტკიცების შესახებ“  საქართველოს პრეზიდენტის 2014 წლის 25 მარტის №114 ბრძანებულებაში (www.matsne.gov.ge, 27.03.2014, 010210050.08.002.016919)  შეტანილ იქნეს ცვლილება და ბრძანებულებით დამტკიცებული დებულების მე-4 მუხლის მე-4 და მე-5 პუნქტები ჩამოყალიბდეს შემდეგი რედაქციით:

„4. აპარატის სტრუქტურაში იქმნება პროტოკოლის და საორგანიზაციო საქმეთა განყოფილება, რომელსაც ხელმძღვანელობს განყოფილების უფროსი.

5. პროტოკოლის და საორგანიზაციო საქმეთა განყოფილების ფუნქციები და ამოცანებია:

ა) აპარატში მიმდინარე დავალებების შესრულების კოორდინაცია და შესრულების პროცესის შესახებ რეგულარული ანგარიშების მომზადება;

ბ) აპარატში მიმდინარე დავალებების შესრულებისას წარმოშობილი ხარვეზების აღმოფხვრის ხელშეწყობა;

გ) ეროვნული უშიშროების საბჭოს სხდომების ორგანიზება;

დ) აპარატის თანამდებობის პირთა ოფიციალური შეხვედრებისა და ღონისძიებების დაგეგმვა, საპროტოკოლო უზრუნველყოფა;

ე) აპარატის თანამშრომლების მივლინების ორგანიზება;

ვ) საქართველოს სახელისუფლებო ორგანოების პროტოკოლის სამსახურებთან ურთიერთობა;

ზ) საბჭოს მდივნის ცალკეული დავალებების შესრულება.“.