„ბავშვის შვილად აყვანისა და მინდობით აღზრდის მსურველი პირის სავალდებულო მოსამზადებელი კურსის ადმინისტრირების წესის დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2017 წლის 29 დეკემბრის №01-75/ნ ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

„ბავშვის შვილად აყვანისა და მინდობით აღზრდის მსურველი პირის სავალდებულო მოსამზადებელი კურსის ადმინისტრირების წესის დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2017 წლის 29 დეკემბრის №01-75/ნ ბრძანებით (www.matsne.gov.ge, 29/12/2017, 470230000.22.035.016483) დამტკიცებული ,,ბავშვის შვილად აყვანისა და მინდობით აღზრდის მსურველი პირის სავალდებულო მოსამზადებელი კურსის ადმინისტრირების წესი“ ჩამოყალიბდეს თანდართული რედაქციით.

ის პირები, რომლებმაც მინდობით აღმზრდელის (მინდობით აღზრდის) გადამზადება გაიარეს/გადიან ორგანიზაციებში („საქართველოს ბავშვები“ და „World Vision International“-ის საქართველოს ფილიალი) და ფლობენ ან 2018 წლის 1 ივლისამდე მიიღებენ აღნიშნული ორგანიზაციების მიერ გაცემულ სერთიფიკატს, ჩაითვალონ ამ ბრძანებით დამტკიცებული წესის შესაბამისად სერტიფიცირებულად.

ბრძანება, გარდა ბრძანებით დამტკიცებული წესის მე-7 მუხლის მე-4 პუნქტისა ამოქმედდეს გამოქვეყნებისთანავე, ხოლო ბრძანებით დამტკიცებული წესის მე-7 მუხლის მე-4 პუნქტი ამოქმედდეს 2019 წლის 1 იანვრიდან.