„საქართველოს სასჯელაღსრულებისა და პრობაციის სამინისტროს სისტემაში სახელმწიფო სპეციალური წოდებების მინიჭების წესის დამტკიცების თაობაზე“ საქართველოს სასჯელაღსრულებისა და პრობაციის მინისტრის 2015 წლის 30 ივნისის №65 ბრძანებაში ცვლილების შეტანის შესახებ

„8¹. უმცროსი სახელმწიფო სპეციალური წოდების მქონე მოსამსახურის მიერ „საქართველოს სასჯელაღსრულებისა და პრობაციის სამინისტროს სპეციალურ პენიტენციურ სამსახურში კონკურსის ჩატარების, მოსამსახურის შერჩევის, სპეციალური შემოწმების, გამოსაცდელი ვადის გავლისა და სამსახურებრივი დაწინაურების, ასევე სასწავლო კურსის სახეების, სასწავლო კურსის გავლის, სერტიფიცირებისა და პერიოდული გადამზადების წესის დამტკიცების შესახებ“ საქართველოს სასჯელაღსრულებისა და პრობაციის მინისტრის 2017 წლის 2 ივნისის №47 ბრძანებით დამტკიცებული წესით გათვალისწინებული სასწავლო კურსის შემაჯამებელი გამოცდის ჩაბარების შემთხვევაში, გამოსაცდელი ვადის გასვლის მომდევნო დღიდან, მოსამსახურეს ენიჭება საშუალო სახელმწიფო სპეციალური წოდება – „იუსტიციის უმცროსი ლეიტენანტი“, თუ მას აქვს უმაღლესი განათლების დამადასტურებელი შესაბამისი დოკუმენტი და თუ მისი თანამდებობისათვის ზღვრულ სპეციალურ სახელმწიფო წოდებად დადგენილია საშუალო, უფროსი ან უმაღლესი სახელმწიფო სპეციალური წოდება.

8². სამინისტროს გენერალური ინსპექციის, საგამოძიებო დეპარტამენტისა და პრობაციის ეროვნული სააგენტოს უმცროსი სახელმწიფო სპეციალური წოდების მქონე მოსამსახურეთათვის საშუალო სახელმწიფო სპეციალური წოდების – „იუსტიციის უმცროსი ლეიტენანტის“ მინიჭება ხდება გამოსაცდელი ვადის გასვლის მომდევნო დღიდან, თუ მას აქვს უმაღლესი განათლების დამადასტურებელი შესაბამი დოკუმენტი და თუ მისი თანამდებობისათვის ზღვრულ სპეციალურ სახელმწიფო წოდებად დადგენილია საშუალო, უფროსი ან უმაღლესი სახელმწიფო სპეციალური წოდება.

8³. უმცროსი სახელმწიფო სპეციალური წოდების მქონე იმ მოსამსახურეს, რომელიც თანამდებობაზე ინიშნება გამოსაცდელი ვადის გარეშე, საშუალო სახელმწიფო სპეციალური წოდების – „იუსტიციის უმცროსი ლეიტენანტის“ მინიჭება ხდება თანამდებობაზე დანიშვნიდან 3 თვის გასვლის მომდევნო დღიდან, თუ მას აქვს უმაღლესი განათლების დამადასტურებელი შესაბამი დოკუმენტი და თუ მისი თანამდებობისათვის ზღვრულ სპეციალურ სახელმწიფო წოდებად დადგენილია საშუალო, უფროსი ან უმაღლესი სახელმწიფო სპეციალური წოდება.

8⁴. მოსამსახურის უშუალო ხელმძღვანელის შუამდგომლობის საფუძველზე, ამ წესის მე-3 მუხლის მე-4, მე-5 და მე-7 პუნქტებით გათვალისწინებული პირი უფლებამოსილია უმცროსი სახელმწიფო სპეციალური წოდების მქონე მოსამსახურეს საშუალო სახელმწიფო სპეციალური წოდება – „იუსტიციის უმცროსი ლეიტენანტი“ მიანიჭოს გამოსაცდელი ვადისა და ამ მუხლის 8³ პუნქტით დადგენილი ვადის გასვლამდე.“.

2. სამინისტროს გენერალური ინსპექციის, საგამოძიებო დეპარტამენტისა და პრობაციის ეროვნული სააგენტოს იმ უმცროსი სახელმწიფო სპეციალური წოდების მქონე მოსამსახურეებს, რომლებმაც ამ ბრძანების ამოქმედებამდე გაიარეს გამოსაცდელი ვადა, საშუალო სახელმწიფო სპეციალური წოდება – „იუსტიციის უმცროსი ლეიტენანტი“ მიენიჭოთ ამ ბრძანებით დადგენილი წესით.

3. უმცროსი სახელმწიფო სპეციალური წოდების მქონე იმ მოსამსახურეებს, რომლებიც ამ ბრძანების ამოქმედებამდე დაინიშნენ თანამდებობაზე გამოსაცდელი ვადის გარეშე, საშუალო სახელმწიფო სპეციალური წოდება – „იუსტიციის უმცროსი ლეიტენანტი“ მიენიჭოთ ამ ბრძანებით დადგენილი წესით.