„საქართველოს სასჯელაღსრულებისა და პრობაციის სამინისტროს №18 ბრალდებულთა და მსჯავრდებულთა სამკურნალო დაწესებულების დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 27 აგვისტოს №114 ბრძანებაში ცვლილების შეტანის თაობაზე

1. მე-10 მუხლის „ე“ ქვეპუნქტი ჩამოყალიბდეს შემდეგი რედაქციით:

„ე) ამანათების მიღება-გაგზავნის ორგანიზება და კონტროლი;“ .

2. მე-11 მუხლის „დ“ ქვეპუნქტი ჩამოყალიბდეს შემდეგი რედაქციით:

„დ) ბრალდებულთა/მსჯავრდებულთა და მათი ნივთების შემოწმება;“ .

3. 34-ე მუხლი ჩამოყალიბდეს შემდეგი რედაქციით:

„მუხლი 34. ამანათების მიღება-შემოწმება

დაწესებულებაში ბრალდებულისათვის/მსჯავრდებულისათვის განკუთვნილი ამანათის მიღებასა და შემოწმებას უზრუნველყოფს დეპარტამენტის სპეციალური შემოწმების სამმართველოს №8 განყოფილება, „საქართველოს სასჯელაღსრულებისა და პრობაციის სამინისტროს №8 პენიტენციური დაწესებულების დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 27 აგვისტოს №117 ბრძანებით დამტკიცებული დებულების შესაბამისად.“.

4. 51-ე მუხლის:

ა) მე-7 პუნქტი ჩამოყალიბდეს შემდეგი რედაქციით:

„7. ბრალდებულისათვის/მსჯავრდებულისათვის გადასაცემ ამანათს/გზავნილს განყოფილება იღებს მხოლოდ სრულწლოვანი ფიზიკური პირისაგან ან ფოსტით.“;

ბ) მე-10 პუნქტი ამოღებულ იქნეს;

გ) მე-11 პუნქტი ჩამოყალიბდეს შემდეგი რედაქციით:

„11. ამანათის/გზავნილის მიღების შემდეგ შესაბამისი მოსამსახურე უბრუნებს ამანათის/გზავნილის მიმტანს პირს პირადობის დამადასტურებელ დოკუმენტს და განცხადების პირველ ეგზემპლარს, ხოლო მეორე ეგზემპლარს ურთავს ბრალდებულის/მსჯავრდებულის პირად საქმეს, ბრალდებულის/მსჯავრდებულის მიერ ამანათის/გზავნილის ხელწერილით მიღების შემდეგ. თუ ბრალდებული/მსჯავრდებული უარს იტყვის ხელის მოწერაზე, განცხადებაზე კეთდება შესაბამისი აღნიშვნა.“;

დ) მე-12 და მე-13 პუნქტები ამოღებულ იქნეს;

ე) მე-15 პუნქტი ამოღებულ იქნეს;

ვ) მე-7 პუნქტი ჩამოყალიბდეს შემდეგი რედაქციით:

„18. ამანათის/გზავნილის შემცველობის ჩამონათვალი რეგისტრირდება სპეციალურ ჟურნალში, რის შემდეგაც იგი ხელწერილით გადაეცემა ადრესატს.“;

ზ) მე-19 პუნქტი ამოღებულ იქნეს.

5. 63-ე მუხლი ჩამოყალიბდეს შემდეგი რედაქციით:

„მუხლი 63. დაწესებულებაში შესვლის წესი

1. დაწესებულებაში შესვლის წესი და შესაბამისი პროცედურები განისაზღვრება „საქართველოს სასჯელაღსრულებისა და პრობაციის სამინისტროს №8 პენიტენციური დაწესებულების დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 27 აგვისტოს №117 ბრძანებით დამტკიცებული დებულების შესაბამისად.

2. დაწესებულებაში შემსვლელი და დაწესებულებიდან გამომსვლელი პირების შემოწმებას უზრუნველყოფს დეპარტამენტის სპეციალური შემოწმების სამმართველოს №8 განყოფილება, „საქართველოს სასჯელაღსრულებისა და პრობაციის სამინისტროს №8 პენიტენციური დაწესებულების დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 27 აგვისტოს №117 ბრძანებით დამტკიცებული დებულების შესაბამისად.“.

6. 64-ე და 65-ე მუხლები ამოღებულ იქნეს.