ბორჯომის მუნიციპალიტეტის 2018 წლის ბიუჯეტის დამტკიცების შესახებ" ბორჯომის მუნიციპალიტეტის საკრებულოს 2017 წლის 27 დეკემბრის №24 დადგენილებაში ცვლილების შეტანის შესახებ

„მუხლი 2. ბორჯომის ბიუჯეტის შემოსულობები, გადასახდელები და ნაშთის ცვლილება    

განისაზღვროს ბორჯომის ბიუჯეტის შემოსულობები 20.295.7 ათ.ლარით, გადასახდელები  25.715.1  ათ.ლარით და ნაშთის ცვლილება  -5.419.4 ათ.ლარით თანდართული რედაქციით:

“.

„მუხლი 3. ბორჯომის მუნიციპალიტეტის ბიუჯეტის შემოსავლები

განისაზღვროს ბორჯომის მუნიციპალიტეტის ბიუჯეტის შემოსულობები 20.295.7 ათასი ლარის ოდენობით:

„მუხლი 4. ბორჯომის მუნიციპალიტეტის ბიუჯეტის გადასახადები

განისაზღვროს ბორჯომის მუნიციპალიტეტის ბიუჯეტის გადასახადები 6.980.0 ათასი ლარის ოდენობით:

“.

„მუხლი  5. ბორჯომის მუნიციპალიტეტის  ბიუჯეტის  გრანტები

განისაზღვროს  ბორჯომის მუნიციპალიტეტის ბიუჯეტის გრანტები 2.685.7   ათასი ლარის ოდენობით:

“.

„მუხლი  6.  ბორჯომის მუნიციპალიტეტის   ბიუჯეტის    სხვა   შემოსავლები

განისაზღვროს  ბორჯომის მუნიციპალიტეტის ბიუჯეტის სხვა შემოსავლები     10.590.0  ათასი ლარის ოდენობით:

“.

„მუხლი 7. ბორჯომის  მუნიციპალიტეტის  ბიუჯეტის   ხარჯები

განისაზღვროს ბორჯომის მუნიციპალიტეტის ბიუჯეტის ხარჯები 12.588.0  ათასი ლარის ოდენობით,  თანდართული რედაქციით:

“.

„მუხლი 8.   ბორჯომის  მუნიციპალიტეტის ბიუჯეტის  არაფინანსური აქტივების ცვლილება

განისაზღვროს, ბორჯომის მუნიციპალიტეტის ბიუჯეტის არაფინანსური აქტივების ცვლილება 13.011.0 ლარის ოდენობით, მათ შორის:

ა) განისაზღვრო,ს ბორჯომის მუნიციპალიტეტის  ბიუჯეტის არაფინანსური აქტივების ზრდა 13.051.0  ლარით, თანდართული რედაქციით:

 ბ) განისაზღვროს ბორჯომის მუნიციპალიტეტის არაფინანსური აქტივების კლება 40.0 ათასი ლარის ოდენობით   თანდართული რედაქციით:

“.

„მუხლი 9. ბორჯომის ბიუჯეტის ხარჯებისა და არაფინანსური აქტივების ზრდის ფუნქციონალური კლასიფიკაცია

განისაზღვროს ბორჯომის მუნიციპალიტეტის ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში, თანდართული რედაქციით: 

“.

„მუხლი 10. ბორჯომის მუნიციპალიტეტის ბიუჯეტის მთლიანი სალდო

განისაზღვროს ბორჯომის მუნიციპალიტეტის ბიუჯეტის მთლიანი სალდო  -5.339.9  ათასი ლარის ოდენობით.“

„მუხლი 11. ბორჯომის მუნიციპალიტეტის ბიუჯეტის ფინანსური აქტივების ცვლილება

1. განისაზღვროს ბორჯომის მუნიციპალიტეტის ბიუჯეტის ფინანსური აქტივების ცვლილება -5.419.4 ათასი ლარის ოდენობით.

2. განისაზღვროს ბორჯომის მუნიციპალიტეტის ბიუჯეტის ფინანსური აქტივების კლება  5.419.4  ათასი ლარის ოდენობით."

„მუხლი 12. ბორჯომის მუნიციპალიტეტის ბიუჯეტის ვალდებულებების ცვლილება

განისაზღვროს ბორჯომის მუნიციპალიტეტის ბიუჯეტის ვალდებულებების ცვლილება -76.1 ლარის ოდენობით.“

„მუხლი 13. მუნიციპალიტეტის ბიუჯეტის პრიორიტეტები და პროგრამები

1. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება საგზაო ინფრასტრუქტურის მშენებლობა-რეაბილიტაცია, ქალაქის საცხოვრებელი უბნების ეზოების მოასფალტება და განათება, დასასვენებელი პარკების და მაღალსართულიანი საცხოვრებელი კორპუსების კეთილმოწყობა, სასმელი წყლის სისტემების და სახურავების რეაბილიტაცია, სოფლებში სასმელი წყლის სისტემების მოწყობა და რეაბილიტაცია. მუნიციპალური ინფრასტრუქტურის მშენებლობისა და რეაბილიტაციის გარდა პრიორიტეტის ფარგლებში განხორციელდება არსებული ინფრასტრუქტურის მოვლა შენახვა და დაფინანსდება მის ექსპლოატაციასთან დაკავშირებული ხარჯები.

1.1 საგზაო ინფრასტრუქტურის მშენებლობა-რეაბილიტაცია და მოვლა-შენახვა (პროგრამული კოდი 03 01)

პროგრამით გათვალისწინებულია მუნიციპალიტეტის ტერიტორიაზე გზების, ხიდების, ქუჩის ფეხით სავალი ნაწილების და მოსაცდელების რეაბილიტაცია, შიდასაქალაქო გზების მოწესრიგება.

1.1.1 მუნიციპალიტეტის ტერიტორიაზე გზების რეაბილიტაცია (პროგრამული კოდი 03 01 01)

ქვეპროგრამის ფარგლებში განხორციელდება მუნიციპალიტეტში არსებული რეაბილიტირებული გზების მდგომარეობის შენარჩუნება და ახალი, მეორე მნიშვნელობის გზებისა და შიგა საქალაქო გზების რეაბილიტაცია, განხორციელდება ქ. ბორჯომში შიდა ქუჩების კერძოდ:ნიკოლაძის, 9 აპრილის ქ. ჩიხის, მესხეთის ქ.№127-ის მიმდებარე ჩიხის, რაზმაძის ქუჩის ჩიხების, გურამიშვილის, ჭყონდიდელის, ბარათაშვილის, 300 არაგველის, რ.ვეფხვაძის, ზაქარიაძის, მაზმიშვილის, ზეინკლიშვილის, ხანძთელის, შანიძის ქ. №9-11 ქუჩების, დაბა ახალდაბის, ბაკურიანის და და წაღვერის, სოფლებში: საკირე, ტაძრისი, ქვაბისხევი, ჭობისხევი, ზანავი,რველიმ, ყვიბისი, ტბა, ცემი, მზეთამზე,ვარდგინეთისა და დაბის საავტომობილო გზების რეაბილიტაცია . ასევე განხორციელდება ცხრაწყაროს უღელტეხილიდან სოფ. ბალანთამდე მისასვლელი გზის მოხრეშვა.

1.1.2. ფეხით სავალი ნაწილის მოპირკეთება. მოსაცდელების რეაბილიტაცია (პროგრამული კოდი 03 01 02)

ქვეპროგრამის ფარგლებში განხორციელდება მუნიციპალიტეტის ტერიტორიაზე კიბეების, ბილიკების და მოაჯირების რეაბილიტაცია.ასევე მოხდება გამსახურდიას ქუჩის ფეხით სავალი ნაწილის რეაბილიტაციის დასრულება. ქვეპროგრამის ფარგლებში განხორციელდება ქ.ბორჯომში აღმაშენებლის ქუჩის ფეხით სავალი ნაწილის რეაბილიტაცია.

1.1.3 მუნიციპალიტეტის ტერიტორიაზე ხიდების რეაბილიტაცია (პროგრამული კოდი 03 01 03)

ქვეპროგრამის ფარგლებში განხორციელდება: ქ.ბორჯომში ე.წ „ სილამაზის ხიდის“, რობაქიძისა და მესხეთის ქუჩის დამაკავშირებელი ხიდის, თორის ქუჩაზე მდებარე მდ.გუჯარულაზე გადასასვლელის ხიდის, სოფ. დვირში, ყვიბისში, რველში, დაბა ახალდაბაში არსებული ხიდების რეაბილიტაცია.

1.1.4 გარე-ვიდეო სამეთვალყურეო,სიჩქარის შემზღუდველი ბარიერების და სიჩქარის რადარების შეძენა-დამონტაჟება (პროგრამული კოდი 03 01 04)

ქვეპროგრამის ფარგლებში განხორციელდება სიჩქარის რადარებისა და სამეთვალყურეო კამერების შეძენა-მონტაჟი.

1.2 კომუნალური ინფრასტრუქტურის მშენებლობა-რეაბილიტაცია და ექსპლოატაცია (პროგრამული კოდი 03 02)

პროგრამის ფარგლებში დაგეგმილია გარე განათების მოწყობა, რეაბილიტაცია და ექსპლოატაცია, დასუფთავების ღონისძიებები, კანალიზაციის სისტემის მოწყობა, სანიაღვრე არხების მოწყობა-მოვლა, წყლის სისტემის რეაბილიტაცია, ინფრასტრუქტურული პროექტების და ამხანაგობების თანადაფინანსება.

1.2.1. წყალსადენებისა და საკანალიზაციო სისტემების მოწყობა-რეაბილიტაცია და მოვლა-პატრონობა (პროგრამის კოდი 03 02 01)

 ქვეპროგრამის ფარგლებში განხორციელდება სოფ. სადგერსა და ტბაზე საკანალიზაციო ქსელის რეაბილიტაცია და სოფ ზანავში სასმელი წყლის შიდა ქსელის რეაბილიტაცია. ასევე განხორციელდება დაბა ბაკურიანში საზოგადოებრივი ტუალეტების კანალიზაციის რეაბილიტაცია

1.2.2. საცხოვრებელი და არასაცხოვრებელი შენობების რეაბილიტაცია (პროგრამული კოდი 03 02 03)

ქვეპროგრამის ფარგლებში განსაზღვრულია ქ.ბორჯომში ადმინისტრაციული შენობის რეაბილიტაცია.ასევე განხორციელდება ბორჯომის მუნიციპალიტეტის ტერიტორიაზე არსებული ამბულატორიების ოთახების რეაბილიტაცია. ასევე ქვეპროგრამის ფარგლებში დასრულდება ქ. ბორჯომში სასწრაფო სამედიცინო დახმარების სამსახურის ცენტრის მშენებლობა, ბორჯომის კულტურისა და ხელოვნების ცენტრის და თოჯინების თეატრის შენობის რეაბილიტაცია და ტაძრისის ამბულატორიის რეაბილიტაცია. პროგრამის ფარგლებში განხორციელდება ყოფილი ინფექციური საავადმყოფოს შენობის სახურავის რეაბილიტაცია.

1.2.3. ბინათმესაკუთრეთა ამხანაგობების ხელშეწყობის პროგრამა (პროგრამული კოდი 03 02 04)

ქვეპროგრაის ფარგლებში განხორციელდება საცხოვრებელი სახლების ბრტყელი და ქანობიანი სახურავების შეკეთება, ლიფტების, კომუნიკაციების, სადარბაზოების, ფასადების, კიბეების, თაღების, შენობების კაპიტალური გამაგრების, აივნების, საერთო სარგებლობის ჭიშკრის ან სადარბაზოს კარების, მიშენებების მდგრადობის განსაზღვრის, სადარბაზოებში მოძრაობის სენსორული სანათების დამონტაჟების, შენობების კაპიტალური გამაგრების სამუშაოები. სადარბაზოებში შესასვლელის გაღების ვიდეო/აუდიო სისტემის დამონტაჟების სამუშაოები საცხოვრებელი სახლების ბინათმესაკუთრეთა ამხანაგობების თანადაფინასებით. სახურავების რეაბილიტაცია განხორციელდება: ქ.ბორჯომში გამსახურდიას ქ. №2 და №3, წმ.ნინოს ქ. №35, აღმაშენებლის ქ. №32, ფიროსმანის ქ. №4, ხანძთელის ქ. №7,კოსტავას ქ. №39, პეტრიწის ქ. №9, ერეკლეს ქ. №19, თორის ქ. №6, გორგასლის ქ. №3, აბრამაშვილის ქ. №1, ზეინკლიშვილის ქ. №7. სადარბაზოების რეაბილიტაცია განხორციელდება:თორის ქ. №116 (პირველი სართული),რუსთაველის ქ. №115. ლიფტების რეაბილიტაცია განხორციელდება: რუსატველის ქ. №69 და სანატორიუმ „პლატო“. ასევე მოხდება ერეკლეს ქ. №19-ში კიბის რეაბილიტაცია .

1.2.4 საყრდენი კედლების რეაბილიტაცია (პროგრამული კოდი 03 02 05)

ქვეპროგრამით განხორციელდება ბორჯომის მუნიციპალიტეტის ტერიტორიაზე საყრდენი კედლების რეაბილიტაცია, კერძოდ: ქ.ბორჯომში-ტაბიძის ქ.№12, სააკაძის ქ. №49,ვაშლოვანის ქ. №48, 300 არაგველის ქ. №4, გრ. ხანძთელის ქ. №5, ფიროსმანის ქ. №7, 9, 16, ბესიკის ქ. №9, გურამიშვილის ქ, თამარ მეფის ქ. №31, წმ. ნინოს ქ. №33,35,37 და რუსთაველის ქუჩაზე.ასევე მოხდება აკაკი ხორავას ქუჩაზე მდინარის ნაპირსამაგრი კედლის რეაბილიტაცია და სოფ. ყვიბისსა და სოფ.ტაძრისში მოხდება გაბიონის მოწყობა.ასევე განხორციელდება სოფ. ვარდგინეთში გზის გამყოლი კედლის რეაბილიტაცია.

 1.2.5 დასუფთავების, ნაგავმზიდი სპეც. მანქანის და სანაგვე ურნების შესყიდვა (პროგრამული კოდი 03 02 06)

 ქვეპროგრამის ფარგლებში გათვალისწინებულია სანაგვე ურნებისა და კონტეინერების შესყიდვა.ასევე განხორციელდება ნაგავმზიდი სპეც. მანქანისა და ქუჩების სარეცხი და სახვეტი მანქანის შეძენა.

1.2.6 გარე განათების ბოძების მონტაჟი, სპეც მანქანის შესყიდვა (პროგრამული კოდი 03 02 07)

ქვეპროგრამის ფარგლებში განხორცილედება გარე-განათების ახალ ქსელზე დაერთება.

1.2.7 ბორჯომის დასუფთავება და კეთილმოწყობა (პროგრამული კოდი 03 02 11)

ქვეპროგრამის ფარგლებში გათვალისწინებულია ქალაქის ყოველდღიური დაგვა-დასუფთავება და ნარჩენების გატანა, ასევე საცხოვრებელი კორპუსების შიდა ბუნკერების და გარე ქსელის ბუნკერების საყოფაცხოვრებო ნარჩენებისგან გათავისუფლება. ზამთრის პერიოდში განხორციელდება გზების ტექნიკური მარილით დამუშავება, ხოლო დიდთოვლიანობის შემთხვევაში ჭარბი თოვლისგან გათავისუფლება. ასევე განხორციელდება ხეების გადაბელვა და სანიტარიული ჭრა, არსებული სანიაღვრე არხების მოვლა-პატონობა,ასევე მოხდება მდინარეების სანაპიროების დასუფთავება.

1.2.8 ბორჯომის გარე-განათება (პროგრამული კოდი 03 02 12)

 დღე-ღამის ნებისმიერ დროს მოსახლეობის კომფორტული და უსაფრთხო გადაადგილებისათვის აუცილებელ პირობას წარმოადგენს ქალაქის განათება, რისი გათვალისწინებითაც ქვეპროგრამის ფარგლებში დაფინანსდება გარე განათების არსებული ქსელის მოვლა-პატრონობა, განათებასთან დაკავშირებით სარემონტო,სარესტავრაციო, სარეკლამო და სხვა სამუშაოების ჩატარება. ასევე განხორციელდება საახალწლო გარე -განათების მონტაჟი/დემონტაჟი.

1.2.9 ბორჯომის სოფლის წყალი (პროგრამული კოდი 03 02 13)

ქვეპროგრამის ფარგლებში გათვალისწინებულია მუნიციპალიტეტის ტერიტორიაზე წყალსადენის სისტემის რეაბილიტაცია, მოსახლეობის 24 საათიანი, სუფთა წყლით უზრუნველყოფა, ასევე საკანალიზაციო სისტემების რეაბილიტაცია და მოვლა-პატრონობა.

1.2.10 უმეთვალყურეოდ დარჩენილი ცხოველების პოპულაცია (პროგრამული კოდი 03 02 14) 

 ქვეპროგრამის ფარგლებში განხორციელდება მუნიციპალიტეტის ტერიტორიაზე უმეთვალყურეოდ დარჩენილი ძაღლების გადაყვანა, კასტრაცია, სტერილიზაცია, აცრები და დაბირკვა.

1.3 ქალაქის კეთილმოწყობის ღონისძიებები (პროგრამული კოდი 03 03)

პროგრამის ფარგლებში განხორციელდება არსებული სკვერებისა და პარკების კეთილმოწყობის სამუშაოები, შადრევნების მოვლა-შენახვა და ექსპლოატაცია, ქალაქის საკუთრებაში არსებული სხვადასხვა სპორტული მოედნებისა და ატრაქციონების რეაბილიტაცია და სხვა ღონისძიებები.

1.3.1. სანიაღვრე და სარწყავი არხების გაწმენდა და კეთილმოწყობა (პროგრამული კოდი 03 03 01)

ქვეპროგრამის ფარგლებში გამხორციელდება მუნიციპალიტეტის ტერიტორიაზე სანიაღვრე არხების რეაბილიტაცია. ასევე დასრულდება თორისა და აღმაშენებლის ქუჩებზე მდებარე სანიაღვრე არხების რეაბილიტაცია.

1.3.2. სკვერების კეთილმოწყობა (პროგრამული კოდი 03 03 02)

ქვეპროგრამის ფარგლებში განხორციელდება სკვერების მოწყობა, კერძოდ: აღმაშენებლის, ერეკლეს, პეტრიწისა და გამარჯვების ქუჩების გადაკვეთაზე, მესხეთის ქუჩიდან რობაქიძის ქუჩაზე გადასასვლელი ხიდის მიმდებარედ. ასევე მოხდება ე.წ. დიდი მინდორის ტერიტორიის კეთილმოწყობა. ასევე დასრულდება დაბა ახალდაბაში მდებარე სკვერის რეაბილიტაცია. მოხდება სოფ. სადგერსა და ტაძრისში სკვერების რეაბილიტაცია.

1.3.3. ატრაქციონებისა და სპორტული მოედნების მოწყობა(პროგრამული კოდი 03 03 03)

ქვეპროგრამის ფარგლებში განხორციელდება დაბა წაღვერში, დაბა ანდეზიტში, სოფ. ტიმოთესუბანში, სოფ. ბეშეთში, სოფ.კორტანეთში, სოფ. ტაბაწყურში სპორტული მოედნების მოწყობა და ქ. ბორჯომში მესხეთის ქ. №29-ში, რუსთაველის ქ. №69,73-ის მიმდებარედ, ხანძთელის ქ. №30-ში, ფალიაშვილის სახელობის სკვერში-საბავშვო ატრაქციონების მოწყობა.

1.3.4 სასაფლაოების მოვლა-პატრონობა (პროგრამული კოდი 03 03 04)

პროგრამა ითვალისწინებს მუნიციპალიტეტის ტერიტორიაზე განთავსებული სასაფლაოს მოვლა-პატრონობას, ხეების მოჭრას გადაბელვას და დასუფთავებას.

1.3.5 სამშენებლო სარემონტო, სახარჯთაღრიცხვო და საპროექტო დოკუმენტაციის შედგენა (პროგრამული კოდი 03 03 05)

ქალაქში დაგეგმილი სამშენებლო-სარეაბილიტაციო სამუშაოების საფუძველს მოქმედი სამშენებლო ნორმებითა და წესების გათვალისწინებით შესაბამისი საპროექტო-სახარჯთაღრიცხვო დოკუმენტაცია წარმოადგენს. ხოლო საჭიროების შემთვევებში აუცილებელია შესაბამისი გეოლოგიური კვლევების წარმოებაც. ასევე აუცილებელია სამშენებლო–სარეაბილიტაციო სამუშაოების ტექნიკური ზედამხედველობა და შესრულებულ სამუშაოებზე შესაბამისი ექსპერტიზის ჩატარება, რომლის ფარგლებშიც ხორციელდება შესრულებული სამუშაოების საპროექტო-სახარჯთაღრიცხვო დოკუმენტაციასთან შესაბამისობის დადგენა. ქვეპროგრამის ფარგლებში გათვალისწინებულია ზემოღნიშნული ღონისძიებების განხორციელებისათვის საჭირო ხარჯების დაფინანსება.ქვეპროგრამის ფარგლებში ასევე განხორციელდება მუნიციპალიტეტის საპროექტო დოკუმენტაციისა და სამშენებლო სამუშაოების ტექნიკური ზედამხედველობის მომსახურეობის დაფინანსება.ქვეპროგრამის ფარგლებში მოხდება სამოქალაქო ბიუჯეტის ფარგლებში მოსახლეობის მიერ წარმოდგენილი პრიორიტეტების საპროექტო-სახარჯთაღრიცხვო დოკუმენტაციის შედგენა.

1.3.6 ბორჯომის გამწვანება 2012 (პროგრამული კოდი 03 03 06)

ქვეპროგრამის ფარგლებში განხორციელდება არსებული სკვერებისა და პარკების მოვლა-პატრონობა და მათი კეთილმოწყობა, მოწესრიგდება გამწვანების ზოლები.

1.4 სოფლის მხარდაჭერის პროგრამა (პროგრამული კოდი 03 05)

2016 წლის გადმომავალი ნაშთის საფუძველზე განხორციელდება სოფლის მხარდაჭერის პროგრამის ფარგლებში სოფ. ყვიბისში მდებარე ხიდის რეაბილიტაცია.

1.5 ტრანსპორტის სუბსიდირება (პროგრამული კოდი 03 06)

კვლავ აქტუალური რჩება შიდა საქალაქო ტრანსპორტის გამართული მუშაობის უზრუნველყოფა. საწვავისა და მარაგ ნაწილების სულ უფრო მზარდი ფასები ასახვას პოულობს მგზავრობის საფასურზე. პროგრამის ძირითადი დანიშნულებაა შიდასაქალაქო ტრანსპორტით მოსარგებლე მოსახლეობისათვის არსებული ტარიფის შენარჩუნება შესაბამისი ორგანიზაციის სუბსიდირების გზით. ქვეპროგრამის ფარგლებში ფინანსდება ბორჯომის მუნიციპალიტეტის საჯარო სკოლებში მოსწავლეთა ტრანსპორტირების ხარჯები. ასევე პროგრამის ფარგლებში განხორციელდება მე-12 კლასის მოსწავლეების ექსკურსიების მოწყობა.

1.6 სატრანსპორტო საშუალებების შეძენა (პროგრამული კოდი 03 07)

პროგრამის ფარგლებში განხორციელდება სატრანსპორტო საშუალებების კერძოდ ავტობუსების შესყიდვა.

2. წარმომადგენლობითი და აღმასრულებელი ორგანოების დაფინანსება

მუნიციპალიტეტის აღმასრულებელი და წარმომადგენლობითი ორგანოების დაფინანსება მოიცავს: კადრების კვალიფიკაციის ამაღლების ხარჯებს, ვალის მომსახურებას და მასთან დაკავშირებულ ხარჯებს, სარეზერვო ფონდსა და წინა წლებში წარმოქმნილი დავალიანებების დაფინანსებას. ასევე დაფინანსდება სამოქალაქო ბიუჯეტის განვითარების პროგრამის ხარჯები.პროგრამის ფარგლებში განხორციელდება მუნიციპალიტეტის ვებგვერდის განახლება. ასევე განხორციელდება საახალწლო ნაძვისხის შეძენა.

3. განათლება (პროგრამული კოდი 04 00)

 მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად თვითმმართველობის ერთ-ერთ პრიორიტეტს წარმოადგენს, რომლის ფარგლებში მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება. მათი რეაბილიტაცია, ინვენტარით უზრუნველყოფა.

3.1 ა(ა)იპ –„ბაკურიანის სკოლამდელი აღზრდის დაწესებულება“(პროგრამული კოდი 04 01 01)

დაბა ბაკურიანში ფუნქციონირებს საბავშვო ბაღი, ყველა ხარჯი ფინანსდება მუნიციპალიტეტის ბიუჯეტიდან. 

3.1.1. ა(ა)იპ –ბორჯომის სკოლამდელი აღზრდის დაწესებულებების გაერთიანება „ბორჯომის ჯანმრთელი მომავალი“(პროგრამული კოდი 04 01 02)

ბორჯომის მუნიციპალიტეტში ფუნქციონირებს 10 საბავშვო ბაღი, პროგრამის ფარგლებში მუნიციპალიტეტის ბიუჯეტი აფინანსებს ბაღების ფუნქციონირებასთან დაკავშირებულ ყველა ხარჯს, მათ შორის მასწავლებელთა და აღმზრდელთა ხელფასებს და ბაღების სხვა მიმდინარე ხარჯებს,ინვენტარისა და ავეჯის შეძენას.

3.1.2 ა(ა)იპ – ბორჯომის სკოლამდელი აღზრდის დაწესებულებების რეაბილიტაცია (პროგრამული კოდი 04 01 03)

ქვეპროგრამის ფარგლებში განხორციელდება ბაღების რეაბილიტაცია, კერძოდ მოხდება: სოფ. დვირში საბავშვო ბაღის მშენებლობა, სოფ. ციხისჯვარში არსებული შენობის რეაბილიტაცია და სოფ. ტაძრისში საბავშვო ბაღის ეზოს შემოღობვა.

3.2 საჯარო სკოლების ფინანსური დახმარება (პროგრამული კოდი 04 02)

ქვეპროგრამის ფარგლებში განხორციელდება მოსწავლეების საერთაშორისო ახალგაზრდულ ბანაკებში გასამგზავრებლად ბილეთების შეძენა.

4.კულტურა, რელიგია ახალგაზრდობის ხელშეწყობა და სპორტი (პროგრამული კოდი 05 00)

ინფრასტრუქტურული და ეკონომიკური განვითარების პარალელურად აუცილებელია ხელი შეეწყოს კულტურული ტრადიციების დაცვას და ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, თვითმმართველობა განაგრძობს კულტურული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლენა. ასევე ახალგაზრდებში ცხოვრების ჯანსაღი წესის წახალისების მიზნით გასატარებელ ღონისძიებებს.

4. სპორტის განვითარების ხელშეწყობა (პროგრამული კოდი 05 01)

 პროგრამის ფარგლებში დაგეგმილია სპორტული სკოლების ფუნქციონირების ხელშეწყობა მომავალი სპორტული თაობის აღსაზრდელად. ასევე განხორციელდება სხვადასხვა სპორტული ორგანიზაციების და ღონისძიებების ფინანსური მხარდაჭერა ნიჭიერი სპორტსმენების აღზრდისა და წახალისების მიზნით.

4.1.1 ა(ა)იპ –„ბორჯომის სკოლისგარეშე სასპორტო გაერთიანება“(პროგრამული კოდი 05 01 01)

ქვეპროგრამა მოიცავს ა(ა)იპ –„ბორჯომის სკოლისგარეშე სასპორტო გაერთიანების“ 530–მდე სპორტსმენის დაფინანსებას, გაერთიანება მოიცავს სპორტის 18 სახეობას და უზრუნველყოფს ამ სახეობების განვითარებას, მოზარდთა მაქსიმალური რაოდენობის ჩაბმას და მათთვის საწვრთნელი პირობების შექმნას. უზრუნველყოფს სპორტსმენთა სხვადასხვა ტურნირებში მონაწილეობას.

4.1.2. სპორტული ღონისძიებები (პროგრამული კოდი 05 01 02)

ქვეპროგრამით განხორციელდება მუნიციპალიტეტში სხვადასხვა სპორტული ღონისძიებები, ტურნირები კალათბურთში , ფრენბურთში სკოლის მოსწავლეთა შორის, მინი–ფეხბურთი მოსწავლეთა შორის, მოხდება წარმატებული სპორტსმენების დაჯილდოება წახალისება მიღწეული შედეგებისათვის. განხორციელდება სარაგბო კლუბის დაფინანსება. 2018 წელს განხორციელდება შემდეგი სპორტული ღონისძიებები:

• ვაჟთა და გოგონათა ტურნირი კალათბურთში სკოლის მოსწავლეთა შორის, (წელიწადში 2-ჯერ)
• ტურნირი ფრენბურთში გოგონებსა და ვაჟებს შორის,(წელიწადში 2-ჯერ)
• მინი–ფეხბურთი მოსწავლეებს შორის,(წელიწადში 2-ჯერ)
• ბორჯომის მუნიციპალიტეტის მინი–ფეხბურთის საზაფხულო ტურნირი მოყვარულთა შორის,
• ფრენბურთის ტურნირი(წარმოება დაწესებულებებს შორის)
• კალათბურთის ჩემპიონატი (წარმოება დაწესებულებებს შორის),
• მინი ფეხბურთი წარმოება დაწესებულებებს შორის,
• ვაჟთა და გოგონათა ტურნირი მაგიდის ჩოგბურთში სკოლის მოსწავლეებს შორის,(წელიწადში 2-ჯერ)
• ვაჟთა და გოგონათა ტურნირი მძლეოსნურ ესტაფეტაში სკოლის მოსწავლეებს შორის,(წელიწადში 2-ჯერ)
• წარჩინებული სპორტსმენების წახალისება.

 ქვეპროგრამის ფარგლებში ასევე განხორციელდება ბორჯომის სარაგბო კლუბის დაფინანსება.

4.2 კულტურის განვითარების ხელშეწყობა (პროგრამული კოდი 05 02)

კულტურული ტრადიციების დაცვის მიზნით პროგრამის ფარგლებში გაგრძელდება სხვადასხვა კულტურული ობიექტების ფინანსური მხარდაჭერა, ასევე განხორციელდება სხვადასხვა კულტურული ღონისძიებები, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებები.

4.2.1 სამუსიკო სკოლა (ქვეპროგრამის კოდი 05 02 01)

ქვეპროგრამის ფარგლებში ფინანსდება მუსიკალური სკოლა, სადაც სწავლობს 350 მოსწავლე. ასევე ფინანსდება მუსიკალურ სკოლასთან არსებული ანსამბლი „ბორჯომი - 2012“. პროგრამის მიზანია მისცეს მოსწავლეებს დაწყებითი სამუსიკო განათლება და აზიაროს მუსიკალური ხელოვნების საფუძვლებს.

4.2.2 საბიბილიოთეკო გაერთიანება (ქვეპროგრამის კოდი 05 02 02)

ქვეპროგრამის ფარგლებში ფინანსდება ა(ა)იპ –„ბორჯომის საბიბლიოთეკო გაერთიანება“, სადაც ხდება ბიბლიოგრაფიული და საინფორმაციო მუშაობის ხელშეწყობა, წიგნადი ფონდების შევსება, დაკომპლექტება და სრული აღრიცხვა, ყველა ასაკის მკითხველის მომსახურება საჭირო ინფორმაციით და საბიბლიოთეკო დოკუმენტებით.

4.2.3 კულტურისა და ხელოვნების ცენტრი (ქვეპროგრამის კოდი 05 02 03)

ქვეპროგრამა ითვალისწინებს: ა(ა)იპ –„კულტურისა და ხელოვნების ცენტრის“ მიერ ორგანიზებული ღონისძიებების დაფინანსებას, როგორებიცაა: ხელოვნების დარგების განვითარების ხელშეწყობა, თეატრის აღორძინება, ნიჭიერი ინდივიდუალური შემსრულებლებისა და შემოქმედებითი კოლექტივების საქმიანობის ხელშეწყობა, სამუსიკო და ქორეოგრაფიული ნიმუშების შესწავლისა და პოპულარიზაციისათვის სათანადო პირობების შექმნა.

4.2.4 ეროვნული, სახალხო და საგანმანათლებლო ღონისძიებები (პროგრამული კოდი 05 02 05)

 ქვეპროგრამის ფარგლებში ხორციელდება სხვადასხვა კულტურული ღონისძიებების ორგანიზება და სადღესასწაულო ღონისძიებების მოწყობა:

1. ბაკურიანობა;
2. ქალთა საერთაშორისო და დედის დღისადმი მიძღვნილი ღონისძიება „მღერიან, ცეკვავენ და ხუმრობენ ბორჯომელები“;
3. მხიარულთა და საზრიანთა ჩემპიონატი სასკოლო კლუბებს შორის,
4. ფაშიზმზე გამარჯვების დღე;
5. საქართველოს დამოუკიდებლობის დღე;
6. თ. ამირეჯიბის სახელობის მუსიკის შემსრულებელთა მესამე ეროვნული კონკურსი,
7. ბორჯომობა 2018
8. მასწავლებლის საერთაშორისო დღის აღნიშვნა
9. ახალი წელი( ბორჯომში და ბაკურიანში).
10. ანიმაციური ფილმების მე-10 საერტაშორისო ფესტივალი „თოფუზი“.
11. კულტურის,მუსიკის,განათლების სფეროში წარმატებული მოსწავლეების წახალისება.
12. ფუძეობა სამცხე-ჯავახეთი 2018.

 ქვეპროგრამის ფარგლებში დაფინანსდება სატელევიზიო გადაცემა „ეტალონი“ და ასევე დაფინანსდება ეტალონში გამარჯვებული ბავშვი ყოველთვიური სტიპენდიით.

4.2.5 ბორჯომის მუნიციპალიტეტის ტერიოტორიაზე კლუბების და პარკის სარეაბილიტაციო სამუშაოები (პროგრამული კოდი 05 02 06)

ქვეპროგრამის ფარგლებში დასრულდება ცენტრალურ პარკში მდებარე აუზის სახურავის რეაბილიტაცია.

4.2.6 კულტურული მემკვიდრეობის დაცვა, ადგილობრივი მნიშვნელობის კულტურული მემკვიდრეობის მოვლა-პატრონობა და რეაბილიტაცია (05 02 08)

ქვეპროგრამის ფარგლებში განხორციელდება ბიბლიოგრაფიული მასალის თავმოყრა და მისი ელექტრონული სახით მომზადება,ექსპედიციების ორგანიზება, წარწერების პალეოგრაფიული პირების მომზადება და ფოტოფიქსაცია, ბორჯომის ხეობის წარწერების კორპუსის ბეჭდურ ვარიანტზე მუშაობა და ნაშრომის პრეზენტაცია.

4.3. ბორჯომ-ბაკურიანის ეპარქია (პროგრამული კოდი 05 03)

ქვეპროპროგრამის ფარგლებში განხორციელდება თვითმმართველობის ტერიტორიაზე არსებული ეკლესია-მონასტრების ფინანსური მხარდაჭერა, ასევე ზოგიერთ ტაძარსა და მის მიმდებარე ტერიტორიაზე განხორციელდება მცირე სარეაბილიტაციო სამუშაოები.

4.4 საინფორმაციო მომსახურება (პროგრამული კოდი 05 04)

 პროგრამით განხორციელდება განცხადებებისა და ინფორმაციის გამოქვეყნება პრესაში, ტელევიზიასა და ინტერნეტპორტალებში, რაც უზრუნველყოფს მოსახლეობისათვის ინფორმაციის მიწოდებას.

5. მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

 მოსახლეობის ჯანმრთელობის დაცვის ხელშეწყობა და მათი სოციალური დაცვა ერთ-ერთ მთავარ პრიორიტეტს წარმოადგენს. თვითმმართველობა არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებითა და შეღავათებით უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ მუნიციპალიტეტის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებისაგან. 

5.1 საზოგადოებრივი ჯანდაცვის მომსახურება (პროგრამული კოდი 06 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას, კერძოდ:

- საგანმანათლებლო, სააღმზრდელო, საზოგადოებრივი მნიშვნელობის დაწესებულებებში სანიტარიული და ჰიგიენური ნორმების დაცვის ზედამხედველობა და პრევენციული ღონისძიებების განხორციელება;

- პროფილაქტიკური აცრების კალენდრით გათვალისწინებული იმუნოპროფილაქტიკისთვის სამინისტროს მიერ მოწოდებული მასალების მიღების შენახვისა და განაწილების უზრუნველყოფა სამედიცინო მომსახურების მიმწოდებელთათვის, შესრულების მონიტორინგი;

- პრევენციული და ეპიდემიოლოგიური კონტროლის ღონისძიებების დაგეგმვა ეპიდსაშიშროებისას; ეპიდსიტუაციის გამწვავების დროული გამოვლენის ხელშეწყობა და მათზე სწრაფი რეაგირება, პროფილაქტიკურ ღონისძიებათა გატარება;

- მუნიციპალიტეტის ტერიტორიაზე პირველადი ეპიდკვლევის ხელშეწყობა;

- მუნიციპალიტეტის ტერიტორიაზე დაავადებების გავრცელების პრევენციიის მიზნით დერატიზაციის, დეზინფექციის, დეზინსექციის ღონისძიებათა ორგანიზება.

- მუნიციპალიტეტის ტერიტორიაზე განთავსებულ საზოგადოებრივი მნიშვნელობის დაწესებულებებში სანიტარიული ნორმების დაცვის ზედამხედველობა, მათ შორის საზოგადოებრივი მნიშვნელობის დაწესებულებებში ესთეტიკური და კოსმეტიკური პროცედურების განმახორციელებელ პირთა მიერ ამ კანონის მე-5 მუხლის 31-ე და 32-ე პუნქტებით გათვალისწინებული ვალდებულებების შესრულების კონტროლი;

 - ,,ტუბერკულოზის კონტროლის შესახებ“ საქართველოს კანონით საზოგადოებრივი ჯანდაცვის ცენტრებისათვის განსაზღვრული უფლებამოსილებების განხორციელება.

- რუტინული სამედიცინო სტატისტიკის მოპოვება-ანალიზი;

- სხვადასხვა პროფილაქტიკური ჯანდაცვითი პროგრამების ლოჯისტიკა, მათ შორის არაგადამდებ დაავადებათა პრევენციის და ჯანმრთელობაზე მავნე ფაქტორების ზემოქმედებაზე მოსახლეობის ინფორმირების გზით ჯანმრთელობის დაცვის ხელშეწყობა, მასობრივი მოშხამვების, აგრეთვე პროფესიული დაავადებების თავიდან აცილება,

- პრობლემური ადგილობრივი სამედიცინო პროგრამების შესახებ რეკომენდაციების მიწოდება;

- ცხოვრების ჯანსაღი წესის და უნარჩვევების დამკვიდრების, მოსახლეობის ჯანმრთელობის ხელშეწყობის მიზნით საინფორმაციო საშუალებებით სოციალური მობილიზაციის ორგანიზება და ადამიანის ჯანმრთელობისათვის უსაფრთხო გარემოს უზრუნველყოფა;

- ჯანმრთელობაზე, რისკ-ფაქტორებზე მონიტორინგი.

- არსებობის შემთხვევაში ცოფის კერის ლიკვიდაცია და დაკბენილი მოსახლეობის ზუსტი აღრიცხავა, სასწრაფო შეტყობინების სისტემის დახვეწა და გაუმჯობესება;

- დაავადებათა გავრცელების ეტაპობრივი შემცირება მისი კონტროლის გზით.

5.1.1 ჯანდაცვის ცენტრი (პროგრამული კოდი 06 01 01)

ქვეპროგრამის ფარგლებში ზედამხედველობის სისტემით მიღებული მონაცემების რეგისტრაცია, შეფასება, დაზუსტება, სტატისტიკური ანგარიშგება და გადაცემა დადგენილი წესის მიხედვით, პირველადი ეპიდკვლევის განხორციელება და ეპიდსაწინააღმდეგო ღონისძიებების დაგეგმვა-ანგარიშგება. მუნიციპალიტეტის ტერიტორიაზე გადამდებ დაავადებებზე ინფორმაციის დამუშავება და მათი პრევენცია. იმუნოპროფილაქტიკის ლოჯისტიკის უზრუნველყოფა.მუნიციპალიტეტის ტერიტორიაზე გადამტანების ფაუნის გავრცელების შესწავლა, დადგენა.

2018 წელს განხორციელდება ადგილობრივი სტრატეგიული მუნიციპალური პროგრამა - სკოლამდელი ასაკის ბავშვთა ჰელმინთებით ინვაზირების პროფილაქტიკისა და მკურნალობის ხელშეწყობის ადგილობრივი მუნიციპალური პროგრამა.

პროგრამის ბენეფიციარი იქნება ბორჯომის მუნიციპალიტეტის ტერიტორიაზე მცხოვრები 3-დან 6 წლის ასაკის ჩათვლით 730-მდე მოზარდი, რომლებსაც ანტიჰელმითური პრეპარატის პროფილაქტიკური და სამკურნალო დოზის გაცემის წინ ასევე ჩაუტარდებათ უფასო სამედიცინო მარტივი გამოკვლევა გამჭვირვალე პოლიეთილენის მწებავი ლენტით, გამოკვლევა მოხდება ორგანიზებულად სკოლამდელი აღზრდის დაწესებულებებში. პროგრამის ფარგლებში ასევე იწარმოებბს სკოლამდელი აღზრდის დაწესებულებებში პოლიეთილენის გამჭვირვალე მწებავი ლენტით იატაკის, კარის სახელურების, სათამაშო ინვენტარის გამოკვლევა ენტერობიოზის კვერცხებზე. ინვაზირების შემთხვევაში დაავადებულ ბავშვზე გაიცემა ანტიჰელმითური მედიკამენტის სამკურნალო დოზა, ხოლო და კონტაქტირებულებზე პროფილაქტიკური დოზები.

2018 წელს ასევე განხორციელდება „C ჰეპატიტს მართვის“ სახელწიფო პროგრამის განხორციელების „სკრინინგი“ ხელშეწყობის 2018 წლის ადგილობრივი მუნიციპალური პროგრამა. ამ პროგრამის ფარგლებში მოხდება მუნიციპალიტეტის მოსახლეობის უფასო სკრინინგი დჯსჯეც მიერ მოწოდებული ტესთ სისტემბით და სახარჯი მასალებით, დადებითი შემთხვების დროული რეფერალი პროვაიდერ კლინიკებში.

2018 წელს განხორციელდება მუნიციპალიტეტის ტერიტორიაზე განთავსებულ საზოგადოებრივი მნიშვნელობის დაწესებულებებში სანიტარიული ნორმების დაცვის მიზნით ესთეტიკური და კოსმეტიკური პროცედურების განმახორციებელ პირთა საწავლების ხელსეწყობის ადგილობრივი მუნიციპალური პროგრამა. პროგრამის ფარგლებში განხორციელდება ა.ა.ი.პ ბორჯომის საზოგადოებრივი ჯანდაცვის ცენტრის მიერ საზოგადოებირივ მნიშვნელობის ობიექტებში (სილამაზის, ტატუირების, პირსინგის, აკუპუნქტური სალონები/კაბინეტები) საქართველოს შრომის, ჯანმრთელობის და სოციალური დაცვის მინისტრის ბრძანების შესაბამისად მათ მიერვე შემუშავებული კითხვარით არსებული ვითარების შეფასება და მომუშავე პერსონალის სწავლება საქართველოს მთავრობის 2015 წლის 14 სექტემბრის № 473 დადგენილების ტექნიკური რეგლამნეტი- „საზოგადოებრივი მნიშვნელობის დაწესებულებებში ესთეტიკური და კოსმეტიკური პროცედურების წარმოებისას ინფექციების პრევენციისა და კონტროლის სანიტარიული მორმების დამტკიცების“ შესახებ და საქართველოს მთავრობის 2015 წლის 24 აპრილის დადგენილება №185 „სამედიცინო, საზოგადოებრივი ჯანმრთელობისა და საზოგადოებრივი მნიშვნელობის დაწესებულებებში დეზინფექციისა და სტერილიზაციის ტექნიკური რეგლამენტის დამტკიცების“ შესახებ მოთხოვნების შესაბამისად.

5.1.2 ამბულატორიული და გადაუდებელი სამედიცინო მომსახურეობის ხელშეწყობა (პროგრამული კოდი 06 01 03)

ქვეპროგრამის ფარგლებში მოხდება დაბა ბაკურიანში რეანომობილის ბრიგადის ბინის ქირავნობის უზრუნველყოფა.

5. 2 მოსახლეობის სოციალური უზრუნველყოფა (პროგრამული კოდი 06 02)

პროგრამა ითვალისწინებს ბორჯომის მუნიციპალიტეტის ტერიტორიაზე მუდმივად მცხოვრები და განცხადებით მომართვამდე უწყვეტად არანაკლებ 1 (ერთი) წლის განმავლობაში რეგისტრირებული მოსახლეობის სხვადასხვა ფენებისათვის, სოციალური პირობების გაუმჯობესების მიზნით, გარკვეული შეღავათებითა და სოციალური დახმარებებით უზრუნველყოფას, მორალურ და ფსიქოლოგიურ თანადგომას, ეკონომიური პირობების გაუმჯობესებას.  

5.2.1 სტაციონარული სამედიცინო მომსახურება და დაავადებათა ადრეული გამოვლენა და სკრინინგი (პროგრამული კოდი 06 02 01)

აღნიშნული ქვეპროგრამით 100%-ით დაფინანსდებიან ის სოციალურად დაუცველი პირები, რომლებიც რეგისტრირებული არიან „სოციალურად დაუცველი ოჯახების მონაცემთა ერთიან ბაზაში“ და მინიჭებული აქვთ სოციალურ ეკონომიკური მდგომარეობის ამსახველი მოქმედი სარეიტინგო ქულა 0-დან 100 001 ქულამდე და საჭიროებენ სამედიცინო დახმარებას. მაქსიმალური გასაცემი თანხა 5000 ლარი.

 დაფინანსება გათვალისწინებულია საყოველთაო და ნებისმიერი სხვა დამზღვევი კომპანიის დაფინანსების ზემოთ დარჩენილ თანხაზე, ასევე იმ მომსახურეობაზე, რომელიც არ ფინანსდება არცერთი სადაზღვევო კომპანიის მიერ.

 ბენეფიციარები რომელთა სარეიტინგო ქულა 100 001-დან 160 000-მდეა, დაფინანსდებიან შემდეგი სახით:

• 1 000 ლარამდე სამედიცინო მომსახურება დაფინანსდება - 80%-ით.
• 1 001 ლარიდან - 3 000 ლარამდე დაფინანსდება 70 %-ით
• 3 001 ლარის ზევით 50 %-ით მაქსიმალური გასაცემი თანხა 2000 ლარი.

ის ბენეფიციარები, რომლებიც არ არიან რეგისტრირებული „სოციალურად დაუცველი ოჯახების ერთიან ბაზაში“, მაგრამ საჭიროებენ სამედიცინო სტაციონარულ მომსახურებას დაფინანსდებიან 50%-ით. მაქსიმალური გასაცემი თანხა 1000 ლარი.

დაფინანსება გათვალისწინებულია საყოველთაო და ნებისმიერი სხვა დამზღვევი კომპანიის დაფინანსების ზემოთ დარჩენილ თანხაზე, ასევე იმ მომსახურეობაზე, რომელიც არ ფინანსდება არცერთი სადაზღვეო კომპანიის მიერ.

წელიწადში ორჯერადად დაავადებათა ადრეული გამოვლენისა და სკრინინგის მიზნით ჩატარდეს მოწვეული ექიმი-ონკოლოგების მიერ მოსახლეობის მასიური გასინჯვა.

100 ლარამდე წარმოდგენილი ანგარიშ-ფაქტურა და მინდობით აღზრდაში განთავსებული მზრუნველობა მოკლებული ბავშვები ყველა შემთხვევაში დაფინანსდება სრულად.

დაფინანსება გათვალისწინებულია საყოველთაო და ნებისმიერი სხვა დამზღვევი კომპანიის დაფინანსების ზემოთ დარჩენილ თანხაზე, ასევე იმ მომსახურეობაზე, რომელიც არ ფინანსდება არცერთი სადაზღვეო კომპანიის მიერ.

პროგრამის მოქმედება არ ვრცელდება: ქვეყნის ფარგლებს გარეთ მკურნალობაზე, ტრანსპლანტაციის ხარჯებზე, ესთეტიკურ, პლასტიკურ ქირურგიაზე და კურორტულ მომსახურეობაზე. ასევე არ დაფინანსდება არჩეული იმპლანტანტის აყვანილი ექიმის და „ვიპ პალატის“ ღირებულება. ასევე დაფინანსება არ განხორციელდება იმ სამედიცინო დაწესებულებათა მიმართებაში თუ ისინი არ მონაწილეოიბენ საყოველთაო ჯანმრთელობის დაცვის სახელმწიფო პროგრამაში. დაფინანსების მისაღებად წარმოდგენილი უნდა იქნას: სამედიცინო მომსახურეობის დაფინანსების მსურველი პირის განცხადება, პირადობის დამადასტურებელი მოწმობის ასლი (საჭიროების შემთხვევაში დევნილი დამადასტურებელი საბუთის ასლი), სამედიცინო დაწესებულებიდან ფორმა №100 (დედანი) , ინვოისი (დედანი), კალკულაცია (დედანი), სოციალური მომსახურეობის სააგენტოს საყოველთაო ჯანდაცვის დეპარტამენტის მიერ გაცემული საგარანტიო მიმართვის ასლი, სადაზღვეო კომპანიის მიერ გაცემული წერილობითი ინფორმაცია მოქალაქის დაფინანსების ან არდაფინანსების თაობაზე და სოციალურად დაუცველი ოჯახების მონაცემთა ერთიან ბაზაში რეგისტრაციის ამონაწერი. მინდობით აღზრდაში მყოფი ბავშვის დაფინანსების შემთხვევაში წარმოდგენილი იქნეს მეოურვეობის დამადასტურებელი ცნობა.

 ბენეფიციარების სტაციონარული დაფინანსება მოხდება წელიწადში ერთჯერადად ბორჯომის მუნიციპალიტეტის ტერიტორიაზე მუდმივად მცხოვრები და განცხადებით მომართვამდე უწყვეტად არანაკლებს 1 (ერთი) წლის განმავლობაში რეგისტრირებულ მოქალაქეებზე. ანაზღაურება მოხდება სამედიცინო დაწესებულების მიერ შესრულებული სამუშაოს საბოლოო დოკუმენტაციის წარმოდგენის საფუზველზე უნაღდო ანგარიშწორებით.

5.2.2 უფასო სასადილოს დაფინანსება (პროგრამული კოდი 06 02 02)

 ქვეპროგრამის ფარგლებში გათვალისწინებულია სოციალურად დაუცველი მოსახლეობისა და სხვა უმწეო მდგომარეობაში მყოფი, კერძოდ მოძრაობის უნარშეზღუდული, მარტოხელა, ინვალიდი, ასაკით პენსიონერების და უმუშევართა, სულ 260 ბენეფიციარის ყოველდღიურად კვებით უზრუნველყოფა.

5.2.3 ვეტერანთა დაკრძალვის ხარჯები (პროგრამული კოდი 06 02 03)

 ქვეპროგრამის ფარგლებში გათვალისწინებულია მიზნობრივი ტრანსფერის ფარგლებში სამშობლოს დაცვისას დაღუპულთა და ომის შემდეგ გარდაცვლილ მეომართა დაკრძალვის ხარჯების ანაზღაურება, თითოეულ ბენეფიციარზე 250 ლარის ოდენობით, ხოლო იძულებით გადაადგილებულ პირთა – დევნილთა დაკრძალვის ხარჯების ანაზღაურება, თითოეულ ბენეფიციარზე 100 ლარის ოდენობით. დახმარების მისაღებად წარმოსადგენი დოკუმენტები: გარდაცვალების მოწმობის ასლი, ნათესაური კავშირის დამადასტურებელი საბუთი (დაბადების მოწმობა, ქორწინების მოწმობა) დევნილის მოწმობის ასლი ,თუ დევნილია, ოჯახის წევრის განცხადება , ანგარიშის ნომერი ბანკიდან.

5.2.4 მეორე მსოფლიო ომის მონაწილეთა და საქართველოს ტერიტორიული მთლიანობის აღდგენის ომში მონაწილე შშმ ვეტერანთა დახმარება (პროგრამული კოდი 06 02 05)

 ქვეპროგრამით გათვალისწინებულია 9 მაისთან დაკავშირებით ვეტერანებისათვის ერთჯერადი ფულადი დახმარების გაწევას 200 ლარის ოდენობით თითოეულ ვეტერანზე და 26 მაისთან დაკაშირებით დიდი სამამულო ომისა და ტერიტორიული მთლიანობისათვის მებრძოლი ინვვალიდი ვეტერანებისათვის ერთჯერადი ფულადი დახმარების გაწევას 100 ლარის ოდენობით. აღნიშნული ღონისძიება არის მატერიალური და მორალური მხარდაჭერა ვეტერანების მიმართ. 

5.2.5 ახალდაბადებული ბავშვიანი ოჯახების დახმარება (პროგრამული კოდი 06 02 06)

ქვეპროგრამის ფარგლებში დახმარება გაიცემა იმ ოჯახებზე, რომლის ახალშობილი დაიბადა მიმდინარე წელს ან წინა წლის ბოლო 3 თვის განმავლობაში და მისი ასაკი არ აღემატება 6 თვეს. აღნიშულ დახმარებას მიიღებს მუნიციპალიტეტში მცხოვრები 300-მდე ბენეფიციარი, თითო 150 ლარს პირველ ბავშვის, 200 ლარს მეორე ბავშვის, 300 ლარს მესამე ბავშვის, 400 ლარს მეოთხე ბავშვის, 500 ლარს მეხუთე და ზემოთ ბავშვების შეძენაზე. დახმარების მისაღებად აუცილებელი მოთხოვნაა ახალდაბადებულების მშობლების რეგისტრაცია ბორჯომის მუნიციპალიტეტისნტერიტორიაზე და მარტოხელა დედის შემთხვევაში დედის რეგისტრაცია ბორჯომში. პროგრამა ითვალისწინებს ბორჯომის მუნიციპალიტეტის ტერიტორიაზე მუდმივად მცხოვრები და განცხადებით მომართვამდე უწყვეტად არანაკლებს 1 (ერთი) წლის განმავლობაში რეგისტრირებული მოსახლეობის დახმარებას.

5.2.6 18 წლამდე ასაკის დედ-მამით ობოლი ბავშვების დახმარება (პროგრამული კოდი 06 02 07)

ქვეპროგრამით გათვალისწინებულია დედ-მამით ობოლ ბავშვთა კვებისა და განათლების მიღებისათვის ყოველთვიური ფულადი დახმარება 250 ლარის ოდენობით .

5.2.7 სტიქიის შედეგად დაზარალებული ოჯახების ბინით უზრუნველყოფა (პროგრამული კოდი 06 02 08)

ქვეპროგრამის ფარგლებში გათვალისწინებულია სტიქიის შედეგად დაზარალებული ოჯახების ბინის ქირით უზრუნველყოფა .

5.2.8 ღვაწლმოსილი ადამიანების დახმარება (პროგრამული კოდი 06 02 10)

ქვეპროგრამით გაიცემა ყოველთვიური მატერიალური დახმარება 100 ლარის ოდენობით, რაც წარმოადგენს ღვაწლმოსილი ადამიანების სოციალური პირობების გაუმჯობესებას, მათ მატერიალურ და მორალურ მხარდაჭერას .

5.2.9 18 წლამდე ასაკის ოთხი და მეტშვილიანი ოჯახების დახმარება (პროგრამული კოდი 06 02 11)

ქვეპროგრამის ფარგლებში 18 წლამდე ასაკის ოთხი და მეტშვილიანი ოჯახები მიიღებენ ყოველთვიურ ფულად დახმარებას, ოთხშვილიანი ოჯახი მიიღებს ყოველთვიურად 150 ლარს, ხოლო ყოველ მომდევნო შვილზე 50 ლარს. ასევე 150 ლარით ყოველთვიურად დაფინანსდებიან 18 წლამდე ასაკის ის სამშვილიანი ოჯახები, რომელთაც ერთ-ერთი შვილი ჰყავთ შშმ პირი. პროგრამა ითვალისწინებს ბორჯომის მუნიციპალიტეტის ტერიტორიაზე მუდმივად მცხოვრები და განცხადებით მომართვამდე უწყვეტად არანაკლებს 1 (ერთი) წლის განმავლობაში რეგისტრირებული მოსახლეობის დახმარებას.

5.2.10 სოციალურად დაუცველი მოსახლეობის მედიკამენტებით უზრუნველყოფა (პროგრამული კოდი 06 02 13)

პროგრამა ითვალისწინებს ბორჯომის მუნიციპალიტეტის ტერიტორიაზე მუდმივად მცხოვრები და განცხადებით მომართვამდე უწყვეტად არანაკლებს 1 (ერთი) წლის განმავლობაში რეგისტრირებული მოსახლეობის სხვადასხვა ფენებისათვის გარკვეული შეღავათებითა და სოციალური დახმარებებით უზრუნველყოფას.

ა) ქვეპროგრამის ფარგლებში ისარგებლებენ ის სოციალურად დაუცველი პირები, რომლების რეგისტრირებული არიან „სოციალურად დაუცველი ოჯახების მონაცემთა ერთიან ბაზაში“ და მინიჭებული აქვთ სოციალურ-ეკონომიკური მდგომარეობის ამსახველი მოქმედი სარეიტინგო ქულა 0-160 000-მდე. აღნიშნული ბენეფიციარები დაფინანსდებიან 150 ლარით სტაციონარში წოლის შემდგომ.

ის ბენეფიციარები, რომლებიც არ არიან რეგისტრირებული „სოციალურად დაუცველი ოჯახების ერთიან ბაზაში“, მაგრამ საჭიროებენ მედიკამენტოზურ მკურნალობას, სტაციონარში წოლის შემდეგ დაფინანსდებიან 100 ლარით.

ბ) ონკოლოგიური ავადმყოფების (1 და 2 კლინიკური ჯგუფი) ქიმიოთერაპიისა და რადიოთერაპიის მკურნალობის ლიმიტი განისაზღვროს 1500 ლარით. წარმოდგენილი ფორმა №100 გაცემული უნდა იყოს შესაბამისი ონკოლოგიური დაწესებულების მიერ და მასში აღნიშნულ იქნეს ქიმიოთერაპიისთვის განსაზღვრული მედიკამენტების ჩამონათვალი ჩანაწერის ან რეცეპტის სახით. ხოლო რაიონის ონკოლოგის მიერ შევსებული ფორმა №100-ის (ჩანაწერი მედიკამენტების ჩამონათვალით), რეცეპტის და აფთიაქიდან წარმოდგენილი კალკულაციის(დედანი) საფუძველზე გაეწიოს დახმარება 150 ლარის ოდენობით. (1, 2 და 4 კლ . ჯგუფებს)

გ)დიალიზზე მყოფი მოქალაქეების მედიკამენტებით უზრუნველყოფა მოხდება ყოველთვიურად 50 ლარის ოდენობით. დიალიზზე მყოფმა პაციენტებმა დახმარების მისაღებად უნდა წარმოადგინონ შემდეგი დოკუმენტაცია: წმ. პანტელეიმონ მკურნალის სახელობის კლინიკის მკურნალი ექიმის მიერ წარმოდგენილი ფორმა №100 (დედანი ერთჯერადად), რეცეპტი-ასლი (წარმოადგინოს ყოველთვიურად), ინვოისი აფთიაქიდან (დედანი) , პირადობის დამადასტურებელი მოწმობის ასლი და განცხადება.

დ) მედიკამენტების შეძენისთვის კვარტალში ერთჯერადად დაფინანსდებიან მოქალაქეები 100 ლარის ოდენობით, რომლებსაც მინიჭებული აქვთ - შშმ სტატუსი კერძოდ: ენცეფალოპათიით, პარკინსონის დაავადებით(კანკალა რიგიდული ფორმით) და 18 წლამდე ასაკის ეპილეფსიით დაავადებული პაციენტები.

ე) ასევე დაფინანსდებიან ის ბენეფიციარები რომლებიც იმყოფებიან მუდმივ მწოლიარე მდგომარეობაში არ ექვემდებარებიან გადაადგილებას და ესაჭიროებათ მედიკამენტებისა და ჰიგიენური საშუალებების შეძენა .

გარდა ბ), გ) და დ) პუნქტებისა, ბენეფიციართა მედიკამენტოზური უზრუნველყოფა მოხდება წელიწადში ერთჯერადად.

დაფინანსების მისაღებად – სამედიცინო მომსახურეობის დაფინანსების მსურველი პირი წარადგენს განცხადებას, რომელსაც უნდა დაერთოას: პირადობის დამადასტურებელი მოწმობის ასლი (საჭიროების შემთხვევაში დევნილის დამადასტურებელი საბუთის ასლი), სამედიცინო დაწესებულებიდან ცნობბა ჯანმრთელობის მდგომარეობის შესახებ ფორმა №100-დედანი, გაცემული ბოლო 1 თვის მანძილზე რომლის მე-17პუნქტში მკურნალი ექიმის მიერ აღნიშნული იქნება იმ სამკურნალო საშუალებების ჩამონათვალი, რომლის მიღება აუცილებელია პაციენტისათვის საავადმყოფოდან გაწერის შემდგომ.ფორმა №100-ის ექიმის მიერ ხელით შევსების შემთხვევაში, ზემოთ აღნიშნულ პუნქტში სავალდებულოა დანიშნულების ჩამონათვალი და იმავე დღეს გაცემული რეცეპტი. კალკულაცია აფთიაქიდან (დედანი) და სოციალურად დაუცველი ოჯახების მონაცემთა ერთიან ბაზაში რეგისტრაციის ამონაწერი.

5.2.11 სოციალური დახმარებები (პროგრამული კოდი 06 02 14)

ქვეპროგრამით დაფინანსდებიან :

• ახალდაქორწინებულთა დახმარება ერთჯერადად 150 ლარით .
• 18 წლამდე შშმ ბავშვები 100 ლარით დაფინანსდებიან ყოველთვიურად .
• ას წელს გადაცილებულ მოქალაქეთა დახმარება – 100 ლარით ყოველთვიურად .
• საახალწლოდ და აღდგომის დღესასწაულზე დახმარება 100 ლარის ოდენობით მიეცემეა შემდეგ კატეგორიებს: მრავალშვილიანი ოჯახები, დედ-მამით ობოლი ბავშვები, მარტოხელა მშობლები, 18 წლამდე ასაკის შშმ პირები, დიდი სამამულო ომის ვეტერანები, მათთან გათანაბრებული და მარჩენალ დაკარგული პირები, საქართველოს ტერიტორიული მთლიანობისთვის ომის ვეტერანი ინვალიდები (მ/შორის დევნილები),სხვა სახელმწიფოს ტერიტორიაზე ომის მონაწილე ვეტერანები (ავღანეთის ომის ვეტერანები), ჩერნობილის ავარიისას დაზარალებული მოქალაქეები, 9 აპრილის მშვიდობიანი აქციის დარბევის დროს დაზარალებბური პირები. 
• მრავალშვილიან ოჯახებზე და დედ-მამით ობოლ ბავშვების მეურვეებზე კომუნალური გადასახადის წილობრივი დაფინანსება.

• დედ-მამით ობოლ 18 წლამდე ბავშვებზე ბავშვთა საერთაშორისო დღესთან დაკავშირებით 200 ლარის ოდენობის ერთჯერადი ფულადი დახმარება.

• მრავალშვილიან დედებზე რომლებსაც ჰჰყავთ 18 წლამდე ოთხი და მეტი შვილი და ასევე 18 წლამდე სამშვილიანი დედები რომელთა ერთი შვილი შშმ სტატუსის მქონეა „დედის დღესთან“ დაკავშირებით მიიღებენ ერთჯერად დახმარებას 150 ლარის ოდენობით.

ქვეპროგრამის ფარგლებში განხორციელდება ქ.ბორჯომში აღმაშენებლის ქ №31-ში მდებარე შშმ ცენტრის კომუნალური გადასახადების დაფინანსება.

6. თავდაცვა, საზოგადოებრივი წესრიგი და უსაფრთხოება (პროგრამული კოდი 02 00)

ქვეყნის თავდაცვისუნარიანობის ხარისხის ამაღლების ხელშეწყობის მიზნით ქ. ბორჯომში ხორციელდება სამხედრო აღრიცხვის და გაწვევის, წვევამდელთა სამედიცინო შემოწმებისა და ტრანსპორტირების ღონისძიებები.პერსონალისათვის სათანადო წვრთნების ჩატარება და პროფესიული დონის ამაღლება. არსებული რესურსების ფარგლებში კომუნალური პირობების გაუმჯობესება და პერსონალის სიცოცხლის დაზღვევა. შეიარაღებული ძალების საბრძოლო მზადყოფნის ამაღლებისათვის წვევამდელთა გაწვევის პუნქტებამდე ტრანსპორტირების უზრუნველყოფა და სარეზერვო ძალების მობილიზება.

6.1 ქვეყნის თავდაცვისუნარიანობის ამაღლების ხელშეწყობა (პროგრამული კოდი 02 03)

 შეიარაღებული ძალების თავდაცვისუნარიანობის ამაღლების მიზნით ხორციელდება მოსწავლეთა პირველადი აღრიცხვა, წვევამდელთა გაწვევის პუნქტებამდე ტრანსპორტირება და სამედიცინო შემოწმება. ასევე სარეზერვო ძალების მობილიზება“.

„ მუხლი 14.  მუნიციპალიტეტის ბიუჯეტის ასიგნებები

განისაზღვროს ბორჯომის მუნიციპალიტეტის ბიუჯეტის ასიგნებები საბიუჯეტო კლასიფიკაციის მიხედვით თანდართული რედაქციით: