დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„ტექნიკური რეგლამენტის − ბორჯომ-ხარაგაულის დაცული ტერიტორიების მენეჯმენტის გეგმის დამტკიცების თაობაზე“ საქართველოს მთავრობის 2014 წლის 3 იანვრის №13 დადგენილებაში ცვლილების შეტანის შესახებ | |
---|---|
დოკუმენტის ნომერი | 342 |
დოკუმენტის მიმღები | საქართველოს მთავრობა |
მიღების თარიღი | 26/06/2018 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 28/06/2018 |
ძალის დაკარგვის თარიღი | 09/07/2020 |
სარეგისტრაციო კოდი | 300160070.10.003.020658 |
|
„ტექნიკური რეგლამენტის − ბორჯომ-ხარაგაულის დაცული ტერიტორიების მენეჯმენტის გეგმის დამტკიცების თაობაზე“ საქართველოს მთავრობის 2014 წლის 3 იანვრის №13 დადგენილებაში ცვლილების შეტანის შესახებ
|
მუხლი 1 |
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „ტექნიკური რეგლამენტის − ბორჯომ-ხარაგაულის დაცული ტერიტორიების მენეჯმენტის გეგმის დამტკიცების თაობაზე“ საქართველოს მთავრობის 2014 წლის 3 იანვრის №13 დადგენილებაში (www.matsne.gov.ge, 14/01/2014, 300160070.10.003.017605) შეტანილ იქნეს ცვლილება და დადგენილებით დამტკიცებული „ტექნიკური რეგლამენტის − ბორჯომ-ხარაგაულის დაცული ტერიტორიების მენეჯმენტის გეგმის“: 1. მე-5 მუხლი ჩამოყალიბდეს შემდეგი რედაქციით: „მუხლი 5. მენეჯმენტის გეგმის შემუშავების პროცესი მენეჯმენტის გეგმის მომზადების პროცესში მონაწილეობას იღებდნენ სსიპ − დაცული ტერიტორიების სააგენტო, ბორჯომ-ხარაგაულის ეროვნული პარკის ადმინისტრაცია და ადგილობრივი თვითმმართველობის ორგანოები.“. 2. 33-ე მუხლის მე-2 პუნქტს დაემატოს შემდეგი შინაარსის „ე“ ქვეპუნქტი: „ე) ბუნების მართვადი დაცვის ზონა: ე.ა) ბორჯომ-ხარაგაულის ეროვნულ პარკში ბუნების მართვადი დაცვის ზონა ეწყობა ეროვნული პარკის სასიცოცხლო გარემოს დაცვის, მოვლისა და აღდგენითი ღონისძიებების განსახორციელებლად, რაც ადამიანის მიერ სპეციალური აღდგენითი და მოვლითი ღონისძიებების განხორციელებას მოითხოვს, აგრეთვე მანიპულაციური მეცნიერული კვლევის, ტურიზმისა და საგანმანათლებლო საქმიანობისათვის; ე.ბ) ეროვნული პარკის ბუნების მართვადი დაცვის ზონაში გაერთიანებული ტერიტორიების სხვადასხვა მონაკვეთებში ფიქსირდება მასიურად მოთხრილ-მოტეხილი ხე-ტყე, რომელიც გამოწვეულია სტიქიური მოვლენის (ძლიერი ქარი, თოვლი) მიერ. ტყეების მასიური ჩახერგილობის გამო, არსებობს მაღალი რისკი ხანძრის გაჩენისა და ტყის მავნებელ-დაავადებების გავრცელებისა. აღნიშნული პროცესი უნდა დარეგულირდეს იმგვარად, რომ ჩახერგილ ხე-ტყეში გაჩენილმა ხანძარმა და მავნებელ-დაავადების გავრცელებამ არ გამოიწვიოს დაცული ეკოსისტემების კატასტროფული და შეუქცევადი რღვევა, რადგან ამ ტერიტორიებზე, ბიომრავალფეროვნების თვალსაზრისით, მაღალი ღირებულების ცენოზები − რელიქტური და ენდემური სახეობებია განვითარებული. ამ ეკოსისტემების თვითრეგულირებად მდგომარეობაში ბუნებრივად განვითარების უნარის შენარჩუნებისთვის საჭიროა მოვლა-პატრონობა.“. 3. 34-ე მუხლის პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით: „ბ) ბორჯომ-ხარაგაულის ეროვნული პარკის ფართობი – 60576,4 ჰა: ბ.ა) ბუნების მკაცრი დაცვის ზონის ფართობი – 5009.89 ჰა; ბ.ბ) ტრადიციული გამოყენების ზონის ფართობი – 30800.9 ჰა; ბ.გ) ვიზიტორთა ზონის ფართობი – 22237.6 ჰა; ბ.დ) ადმინისტრაციული ზონის ფართობი – 3.4 ჰა; ბ.ე) ბუნების მართვადი დაცვის ზონის ფართობი − 2524.58 ჰა;“. 4. 35-ე მუხლის მე-2 პუნქტს დაემატოს შემდეგი შინაარსის „ე“ ქვეპუნქტი: „ე) ბუნების მართვადი დაცვის ზონაში აკრძალულია ყოველგვარი საქმიანობა, გარდა: ე.ა) ტერიტორიაზე ეკოლოგიური წონასწორობის შენარჩუნებისა; ე.ბ) ტერიტორიაზე არსებული ეკოსისტემებისა და მის ფარგლებში გავრცელებულ გარეულ ცხოველთა და ველურ მცენარეთა სახეობების დაცვის, მოვლისა და აღდგენისა; ე.გ) დეგრადირებული ეკოსისტემების დაცვისა და აღდგენისა; ე.დ) მანიპულაციური სამეცნიერო კვლევისა; ე.ე) საგანმანათლებლო საქმიანობისა; ე.ვ) მონიტორინგისა და საკადასტრო სამუშაოთა წარმოებისა; ე.ზ) სტიქიური უბედურების, კატასტროფის, საგანგებო მდგომარეობის, აღდგენითი და მოვლითი ღონისძიებების განხორციელების დროს და სამსახურებრივი მოვალეობის განხორციელებისას ავტო-მოტო და საჰაერო სატრანსპორტო საშუალებებით გადაადგილებისა; ე.თ) ვიზიტორთა ყოფნისა და გადაადგილებისა, ფეხით, ცხენითა და უმოტორო ტრანსპორტით, ადმინისტრაციასთან შეთანხმებით გზებზე ავტო-მოტო სატრანსპორტო საშუალებებით შეზღუდული გადაადგილებისა; ე.ი) „ტყის მოვლისა და აღდგენის წესის შესახებ“ საქართველოს მთავრობის 2010 წლის 13 აგვისტოს №241 დადგენილების შესაბამისად, ხანძრებისგან და მავნებელ დაავადებათა გავრცელების პრევენციის მიზნით ტყის ჩახერგილობისგან გაწმენდისა, გამხმარი, ზეხმელი, მოთხრილ-მოტეხილი და ძირნაყარი ხეების მოჭრისა და გატანისა; ე.კ) ხანძრებისგან და მავნებელ დაავადებათა გავრცელების პრევენციის მიზნით გამოსატანი ხე-ტყით ეროვნული პარკის საზღვართან არსებულ დასახლებულ პუნქტებში მცხოვრები ადგილობრივი მოსახლეობისათვის სოციალური ჭრის წესებით განსაზღვრული მოთხოვნების ფარგლებში დაკმაყოფილებისა; ე.ლ) მიმდებარე დასახლებული პუნქტების მოსახლეობის მიერ პირადი მოხმარების მიზნით, საქართველოს კანონმდებლობით დადგენილი წესით, ლიმიტირებულად ტყის არამერქნული რესურსებით სარგებლობისა, სოკოსა და ხილ-კენკრის შეგროვებისა, საქართველოს მთავრობის 2010 წლის 20 აგვისტოს №242 დადგენილებით დამტკიცებული „ტყითსარგებლობის წესის“ მე-12 მუხლის მე-12 და მე-13 პუნქტებით განსაზღვრული საქმიანობისა, ამავე წესის 271 მუხლის პირველი პუნქტის „ა“, „ბ“, „გ“ და „ე“ ქვეპუნქტებით განსაზღვრულ შემთხვევებში არსებული ობიექტების ფუნქციონირებისთვის, რეკონსტრუქციის (რეაბილიტაციის) ან დემონტაჟისთვის მიწის სამუშაოების და/ან სპეციალური ჭრების ჩატარებისა, ამავე წესის 273 მუხლის შესაბამისად; ე.მ) შინაური პირუტყვის ალპურ საძოვრებზე გადასაადგილებლად გადასარეკი ბილიკების გამოყენებისა; ე.ნ) დაცვისა და ეკოტურიზმისთვის ინფრასტრუქტურის შექმნისა და სარგებლობისა; ე.ო) აქტიური დაცვის ღონისძიებების გატარებისა (დაცვის ინფრასტრუქტურისა და სახანძრო პირსების მოწყობა, მავნებლებთან ბიოლოგიური მეთოდებით ბრძოლა); ე.პ) „თევზჭერისა და თევზის მარაგის დაცვის ტექნიკური რეგლამენტის დამტკიცების თაობაზე“ საქართველოს მთავრობის 2013 წლის 31 დეკემბრის №423 დადგენილებით დამტკიცებული ტექნიკური რეგლამენტის მე-2 მუხლის 31 პუნქტით განსაზღვრული რეკრეაციული თევზჭერისა, მოქმედი კანონმდებლობით დადგენილი წესით; ე.ჟ) კანონმდებლობით დაშვებული სხვა საქმიანობისა.“. 5. დანართი 2 − „ბორჯომ-ხარაგაულის ეროვნული პარკის ზონირების რუკა“ ჩამოყალიბდეს შემდეგი რედაქციით: დანართი 2. ბორჯომ-ხარაგაულის ეროვნული პარკის ზონირების რუკა 6. დანართ 4-ის „ბორჯომ-ხარაგაულის ეროვნული პარკის და ნეძვის აღვეთილის ზონების საზღვრების კოორდინატების“: ა) „ა“ ქვეპუნქტი ჩამოყალიბდეს შემდეგი რედაქციით: „ა) ბორჯომ-ხარაგაულის ეროვნული პარკი მოიცავს ხუთ ადმინისტრაციულ-ფუნქციონალურ ზონას:“; ბ) „ა.ა“ ცხრილი ჩამოყალიბდეს შემდეგი რედაქციით: „ა.ა) ბორჯომ-ხარაგაულის ეროვნული პარკის ბუნების მკაცრი დაცვის ზონის საზღვრების კოორდინატები:
“; „გ) „ა.ბ.ა“ ცხრილი ჩამოყალიბდეს შემდეგი რედაქციით:
“; დ) დაემატოს შემდეგი შინაარსის „ა.გ.ა“ ქვეპუნქტი: „ა.გ.ა) ბორჯომ-ხარაგაულის ეროვნული პარკის ბუნების მართვადი დაცვის ზონის საზღვრების კოორდინატები:
“; ე) „ა.დ“ ქვეპუნქტი ჩამოყალიბდეს შემდეგი რედაქციით: „ა.დ) ბორჯომ-ხარაგაულის ეროვნული პარკის ტრადიციული გამოყენების ზონა მოიცავს ეროვნული პარკის იმ დარჩენილ ტერიტორიებს, რომლებიც არ არის განსაზღვრული დანართ 4-ის „ა.ა“, „ა.ბ“, „ა.გ“ და „ა.გ.ა“ ნაწილებით;“. |
მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები