,,გურჯაანის მუნიციპალიტეტის საკრებულოს მუნიციპალური გენდერული თანასწორობის საბჭოს შექმნისა და საბჭოს დებულების დამტკიცების შესახებ“ გურჯაანის მუნიციპალიტეტის საკრებულოს 2018 წლის 5 თებერვლის №15 დადგენილებაში ცვლილების შეტანის თობაზე

1. დადგენილების  მე-2 მუხლი  ჩამოყალიბდეს  შემდეგი რედაქციით:

„მუხლი 2. დამტკიცდეს გურჯაანის მუნიციპალური გენდერული თანასწორობის საბჭოს დებულება დანართის  შესაბამისად.“.

2. დადგენილებით დამტკიცებული  დებულების  სათაური ჩამოყალიბდეს შემდეგი რედაქციით:

„გურჯაანის მუნიციპალური გენდერული თანასწორობის საბჭოს  დებულება.“.

3. დადგენილებით დამტკიცებული  დებულების  პირველი მუხლის პირველი პუნქტი  ჩამოყალიბდეს შემდეგი რედაქციით:

„მუხლი 1. მუნიციპალური გენდერული თანასწორობის საბჭო

1. გურჯაანის  მუნიციპალური გენდერული თანასწორობის საბჭო (შემდგომ – საბჭო) არის საკრებულოს სათათბირო-საკონსულტაციო ორგანო, რომელიც „გენდერული თანასწორობის შესახებ“ საქართველოს კანონისა და საკრებულოს რეგლამენტის შესაბამისად განიხილავს მუნიციპალიტეტში გენდერული თანასწორობის დაცვის მდგომარეობას, შეიმუშავებს წინადადებებს ადგილებზე დისკრიმინაციის გამოვლენისა და აღმოფხვრის უზრუნველსაყოფად შესაბამისი ღონისძიებების შემუშავებისა და განხორციელების კოორდინაციის მიზნით.“.

4. დადგენილებით დამტკიცებული  დებულების  მე-3 მუხლის პირველი პუნქტი ჩამოყალიბდეს შემდეგი რედაქციით:

„მუხლი 3. საბჭოს სტრუქტურა

1. საბჭოს შემადგენლობაში თანამდებობრივად შედიან: საკრებულოს თავმჯდომარე, საკრებულოს თავმჯდომარის მოადგილე, საკრებულოს წევრები და  საკრებულოს კომისიის თავმჯდომარეები.  აგრეთვე მუნიციპალიტეტში მოქმედი არასამთავრობო ორგანიზაციების ერთობლივი წარდგინებით არჩეული წარმომადგენელი. საბჭოს შემადგენლობაში  ასევე შეიძლება იყვნენ  გურჯაანის  მუნიციპალიტეტის საკრებულოსა და მერიის თანამდებობის პირები და სხვა მოსამსახურეები.“.