„ცოტნე დადიანის სახელობის ჯილდოს შემოღებისა და მინიჭების დებულების დამტკიცების თაობაზე“ ხობის მუნიციპალიტეტის საკრებულოს 2014 წლის 8 აგვისტოს N30 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„ცოტნე დადიანის სახელობის ჯილდოს შემოღებისა და მინიჭების დებულების დამტკიცების თაობაზე“ ხობის მუნიციპალიტეტის საკრებულოს 2014 წლის 8 აგვისტოს N30 დადგენილებაში ცვლილების შეტანის თაობაზე
დოკუმენტის ნომერი	26
დოკუმენტის მიმღები	ხობის მუნიციპალიტეტი
მიღების თარიღი	29/06/2018
დოკუმენტის ტიპი	მუნიციპალიტეტის საკრებულოს დადგენილება
გამოქვეყნების წყარო, თარიღი	ვებგვერდი, 03/07/2018
ძალის დაკარგვის თარიღი	01/11/2018
სარეგისტრაციო კოდი	010250000.35.106.016304

PDF გადმოწერა

„ცოტნე დადიანის სახელობის ჯილდოს შემოღებისა და მინიჭების დებულების დამტკიცების თაობაზე“ ხობის მუნიციპალიტეტის საკრებულოს 2014 წლის 8 აგვისტოს №30 დადგენილებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის საფუძველზე, ხობის მუნიციპალიტეტის საკრებულო ადგენს:

მუხლი 1

„ცოტნე დადიანის სახელობის ჯილდოს შემოღებისა და მინიჭების დებულების დამტკიცების თაობაზე“ ხობის მუნიციპალიტეტის საკრებულოს 2014 წლის 8 აგვისტოს №30 დადგენილებაში (www.matsne.gov.ge 14/08/2014 წ., სარეგისტრაციო კოდი: 010250000.35.106.016129) შეტანილ იქნეს ცვლილება და დადგენილებით დამტკიცებული წესის:

ა) მე-5 მუხლის პირველი, მე-2 და მე-3 პუნქტები ჩამოყალიბდეს შემდეგი რედაქციით:
„1. ცოტნე დადიანის სახელობის ჯილდოს მფლობელის გამოსავლენად ხობის მუნიციპალიტეტის საკრებულოს შესაბამისი აქტით იქმნება „ცოტნე დადიანის სახელობის ჯილდოს მფლობელის გამოსავლენი და სარეკომენდაციო კომისია“ (შემდგომში – კომისია), რომლის შემადგენლობაში შედიან ხობის მუნიციპალიტეტის საკრებულოს 4 (ოთხი) წევრი და ხობის მუნიციპალიტეტის მერიის 4 (ოთხი) წარმომადგენელი.
2. კომისიის წევრთა კანდიდატურებს საკრებულოს წარუდგენს: ხობის მუნიციპალიტეტის საკრებულოს თავმჯდომარე – 4 (ოთხი) კანდიდატს და ხობის მუნიციპალიტეტის მერი – 4 (ოთხი) კანდიდატს.
3. კომისიის შემადგენლობაში არ შეიძლება შედიოდეს ხობის მუნიციპალიტეტის მერი.“;

ბ) მე-5 მუხლის მე-11 და მე-12 პუნქტები ჩამოყალიბდეს შემდეგი რედაქციით:
„11. კომისიის სამუშაო და საორგანიზაციო უზრუნველყოფას ახორციელებს ხობის მუნიციპალიტეტის მერია.
12. კომისიის ადგილსამყოფელია ხობის მუნიციპალიტეტის მერიის ადმინისტრაციული შენობა.“

გ) მე-6 მუხლის მე-5, მე-6 და მე-7 პუნქტები ჩამოყალიბდეს შემდეგი რედაქციით:
„5. კომისია განაცხადის შეტანის ვადის დასრულებიდან მომდევნო დღეს საკუთარ სხდომაზე იხილავს თითოეული კანდიდატის შესახებ წარმოდგენილ დოკუმენტალურ მასალას და ინფორმაციას და წინამდებარე დებულების მე-3 მუხლით დადგენილი კრიტერიუმის (კრიტერიუმების) გათვალისწინებით საკუთარი გადაწყვეტილებით ავლენს „ცოტნე დადიანის სახელობის პირველი ხარისხის ჯილდოს მფლობელის“ და „ცოტნე დადიანის სახელობის მეორე ხარისხის ჯილდოს მფლობელის“ სარეკომენდაციო პირს, რის შემდეგადაც იმავე დღეს გამოვლენილი პირის (პირების) მიმართ ჯილდოს მინიჭების თაობაზე შესაბამისი აქტის გამოსაცემად გადაწყვეტილებას და სარეკომენდაციო წერილს წარუდგენს ხობის მუნიციპალიტეტის მერს.
6. იმ შემთხვევაში, თუ კომისია ხმების საკმარისი რაოდენობით ვერ გამოავლენს სარეკომენდაციო პირს (პირებს), თითოეული კანდიდატის (კანდიდატების) მიმართ კენჭისყრის შედეგებს, სარეკომენდაციო წერილისა და გადაწყვეტილების გარეშე გადასცემს ხობის მუნიციპალიტეტის მერს.
7. ცოტნე დადიანის სახელობის პირველი ხარისხის ჯილდოს და ცოტნე დადიანის სახელობის მეორე ხარისხის ჯილდოს მინიჭების თაობაზე შესაბამის აქტს გამოსცემს ხობის მუნიციპალიტეტის მერი.“;

დ)

დადგენილების №2 და №3 დანართები ჩამოყალიბდეს შემდეგი რედაქციით:

მუხლი 2

დადგენილება ამოქმედდეს გამოქვეყნებისთანავე.

ხობის მუნიციპალიტეტის საკრებულოს თავმჯდომარე ედიშერ ჯობავა