„აჭარის ავტონომიური რესპუბლიკის სტატუსის შესახებ“ და „საქართველოს კონსტიტუციაში დამატების შეტანის შესახებ“ საქართველოს კონსტიტუციური კანონების პროექტების გამოქვეყნებისა და მათი საყოველთაო-სახალხო განხილვის საორგანიზაციო კომისიის შექმნის თაობაზე

საქართველოს პარლამენტის დადგენილება

„აჭარის ავტონომიური რესპუბლიკის სტატუსის შესახებ“ და „საქართველოს კონსტიტუციაში დამატების შეტანის შესახებ“ საქართველოს კონსტიტუციური კანონების პროექტების გამოქვეყნებისა და მათი საყოველთაო-სახალხო განხილვის საორგანიზაციო კომისიის შექმნის თაობაზე

საქართველოს პარლამენტი ადგენს:

1. საქართველოს კონსტიტუციის 102-ე მუხლის მე-2 პუნქტის შესაბამისად, საყოველთაო-სახალხო განხილვისათვის გამოქვეყნდეს საქართველოს პრეზიდენტის მიერ წარმოდგენილი „აჭარის ავტონომიური რესპუბლიკის სტატუსის შესახებ“ და „საქართველოს კონსტიტუციაში დამატების შეტანის შესახებ“ საქართველოს კონსტიტუციური კანონების პროექტები.

2. საქართველოს პარლამენტის რეგლამენტის 176-ე მუხლის პირველი და მე-2 პუნქტების შესაბამისად, შეიქმნას საყოველთაო-სახალხო განხილვის საორგანიზაციო კომისია 22 წევრისაგან, შემდეგი შემადგენლობით:

ლევან ბეჟაშვილი – საქართველოს პარლამენტის იურიდიულ საკითხთა კომიტეტის თავმჯდომარე (კომისიის თავმჯდომარე);

ზურაბ ადეიშვილი – საქართველოს სახელმწიფო უშიშროების მინისტრი;

დავით ბერძენიშვილი – საქართველოს პარლამენტის წევრი;

გიორგი ბოკერია – საქართველოს პარლამენტის იურიდიულ საკითხთა კომიტეტის თავმჯდომარის მოადგილე;

ვალერიან გელბახიანი – საქართველოს პარლამენტის აგრარულ საკითხთა კომიტეტის თავმჯდომარის მოადგილე;

გია გეწაძე   – საქართველოს იუსტიციის საბჭოს მდივანი;

ოთარ ზოიძე – დამოუკიდებელი ექსპერტი;

მამუკა კაციტაძე  – საქართველოს პარლამენტის წევრი;

კონსტანტინე კუბლაშვილი – საჯარო სამართლის იურიდიული პირის – განვითარებისა და რეფორმების ფონდის დირექტორი;

ნუგზარ მგელაძე – საქართველოს პარლამენტის წევრი;

ოთარ მელქაძე – ივ. ჯავახიშვილის სახელობის თბილისის სახელმწიფო უნივერსიტეტის პროფესორი

ივანე მერაბიშვილი – საქართველოს პრეზიდენტის თანაშემწე ეროვნული უშიშროების საკითხებში, ეროვნული უშიშროების საბჭოს მდივანი;

ირაკლი ოქრუაშვილი – საქართველოს გენერალური პროკურორი;

გიორგი პაპუაშვილი – საქართველოს იუსტიციის მინისტრი;

ედვარდ სურმანიძე – საქართველოს პარლამენტის რეგიონული პოლიტიკის, თვითმმართველობისა და მაღალმთიანი რეგიონების კომიტეტის თავმჯდომარე;

დავით უსუფაშვილი – იურისტი;

გიორგი ცაგარეიშვილი – საქართველოს პარლამენტის წევრი;

ვლადიმერ ჭანტურია – საქართველოს უზენაესი სასამართლოს თავმჯდომარე;

ივლიანე ხაინდრავა – საქართველოს პარლამენტის წევრი;

ჯონი ხეცურიანი – საქართველოს საკონსტიტუციო სასამართლოს თავმჯდომარე;

თინათინ ხიდაშელი – საქართველოს ახალგაზრდა იურისტთა ასოციაციის თავმჯდომარე;

გიორგი ხუბუა – საქართველოს მეცნიერებათა აკადემიის სახელმწიფოსა და სამართლის ინსტიტუტის დირექტორი.

3. ეს დადგენილება ამოქმედდეს მიღებისთანავე.

საქართველოს პარლამენტის

თავმჯდომარის მოადგილე მ. მაჭავარიანი

თბილისი,

2004 წლის 18 მაისი.

№49–Iს