„საჯარო სამართლის იურიდიული პირის – საქართველოს ფინანსთა სამინისტროს მომსახურების სააგენტოს დებულების დამტკიცების შესახებ“ საქართველოს ფინანსთა მინისტრის 2015 წლის 7 დეკემბრის №408 ბრძანებაში ცვლილების შეტანის თაობაზე

1. მე-11 მუხლის პირველ პუნქტს დაემატოს შემდეგი შინაარსის „დ“ ქვეპუნქტი:

„დ) რისკების მართვის განყოფილება.“.

2. მე-11 მუხლს დაემატოს შემდეგი შინაარსის მე-5 პუნქტი:

„5. რისკების მართვის განყოფილების ძირითადი ფუნქციებია:

ა) ქონების მიღების, აღრიცხვის, შენახვის, შეფასებისა და განკარგვის პროცესებში არსებული რისკების გამოვლენა და იდენტიფიკაცია;

ბ) ქონების მიღების, აღრიცხვის, შენახვის, შეფასებისა და განკარგვის პროცესებზე მოქმედი შიდა და გარე ფაქტორების განსაზღვრა/ანალიზი რისკების მართვის პროცესებთან მიმართებაში და რისკების მართვის პოლიტიკის შემუშავება;

გ) წინადადებების მომზადება ქონების მიღების, აღრიცხვის, შენახვის, შეფასებისა და განკარგვის პროცესებში იდენტიფიცირებული რისკების შემცირების უზრუნველსაყოფად;

დ) ამ დებულებით, სხვა ნორმატიული აქტებითა და სააგენტოს ინდივიდუალური ადმინისტრაციულ-სამართლებრივი აქტებით გათვალისწინებული იმ ფუნქციების განხორციელება, რაც დაკავშირებულია სააგენტოს მიზნებთან.“.