ახალქალაქის მუნიციპალიტეტის საკრებულოს 2017 წლის 30 ივნისის „ადმინისტრაციულ სამართალდარღვევათა ოქმის ფორმის, ადმინისტრაციულ სამართალდარღვევათა ოქმის აღრიცხვისჟურნალის, ადმინისტრაციულ სამართალდარღვევათა ოქმის შევსებისა და აღრიცხვა ანგარიშგების წესის,გამოსაყენებლად უვარგისი ადმინისტრაციულ სამართალდარღვევათა მის ჩამოწერის აქტის დამტკიცების შესახებ" ახალქალაქის მუნიციპალიტეტის საკრებულოს №11 დადგენილებაში ცვლილების შეტანის შესახებ

1. დადგენილების მე-2 მუხლი ჩამოყალიბდეს შემდეგი რედაქციით:

„ მუხლი 2

ახალქალაქის მუნიციპალიტეტის მერიამ უზრუნველყოს ამ დადგენილებით დამტკიცებული ადმინისტრაციულ სამართალდარღვევათა ოქმის დამზადებისათვის საჭირო ღონისძიებების გატარება.“.

2. დადგენილების მე-3 მუხლი ჩამოყალიბდეს შემდეგი რედაქციით:

„მუხლი 3

„ნარჩენების მართვის კოდექსი“ საქართველოს კანონისა და „საქართველოს ადმინისტრაციულ სამართალდარღვევათა კოდექსი“ საქართველოს კანონის 239-ე მუხლის მე-14 პუნქტის შესაბამისად, სამართალდარღვევის ფაქტის აღმოჩენის შემთხვევაში – ადმინისტრაციულ სამართალდარღვევათა ოქმის შედგენა, აღრიცხვის ჟურნალის წარმოება და სხვა შესაბამისი ღონისძიებების გატარება უზრუნველყოს ახალქალაქის მუნიციპალიტეტის მერიის ინფრასტრუქტურის, სივრცითი მოწყობის, არქიტექტურისა და მშენებლობის სამსახურმა, ახალქალაქის მუნიციპალიტეტის მერიის ეკონომიკური განვითარებისა და ქონების მართვის სამსახურმა და ახალქალაქის მუნიციპალიტეტის მერიის ზედამხედველობის სამსახურმა  კომპეტენციის შესაბამისად.

3. დადგენილების მე-3 დანართის მე-2  მუხლი ჩამოყალიბდეს შემდეგი რედაქციით:

„დანართი 3

მუხლი 2. ოქმის მომარაგება, გაცემა და დაბრუნება

1. ოქმის შეკვეთას მუნიციპალიტეტი აწარმოებს „მკაცრი აღრიცხვის ფორმების შესახებ“ საქართველოს კანონის თანახმად, შერჩეულ პოლიგრაფიულ საწარმოში.

2. პოლიგრაფიული საწარმოდან ოქმების გამოტანის უფლება აქვს პირს, რომელსაც გააჩნია სათანადოდ გაფორმებული მინდობილობა.

3. ოქმების გაცემა ახალქალაქის მუნიციპალიტეტის მერიის ინფრასტრუქტურის, სივრცითი მოწყობის, არქიტექტურისა და მშენებლობის სამსახურისათვის, ახალქალაქის მუნიციპალიტეტის მერიის ეკონომიკური განვითარებისა და ქონების მართვის სამსახურისათვის და ახალქალაქის მუნიციპალიტეტის მერიის ზედამხედველობის სამსახურისათვის ხორციელდება მათი წერილობითი მოთხოვნის საფუძველზე.

4. ოქმების გაცემა, დაბრუნება და გაუქმება აღირიცხება ადმინისტრაციულ სამართალდარღვევათა ოქმის აღრიცხვის ჟურნალში“.