„თვითმმართველი ქალაქის - ბათუმის ტერიტორიაზე პარკირების საერთო ადგილებით და პარკირების სპეციალური ადგილებით სარგებლობისათვის საფასურის დადგენის შესახებ“ თვითმმართველი ქალაქის - ბათუმის საკრებულოს 2013 წლის 28 თებერვლის №4 დადგენილებაში ცვლილების შეტანის შესახებ

ა) დადგენილების მე-4 პუნქტი ჩამოყალიბდეს შემდეგი რედაქციით:

„4. დადგინდეს თვითმმართველი ქალაქის – ბათუმის ტერიტორიაზე პარკომეტ­რე­ბით აღჭურვილი პარკირების საერთო ადგილებით (გარდა „თბილისის მოედნისა“) სარგებლობისათვის საფასური დროის შემდეგი მონაკვეთების მიხედვით:

ა) 1 საათამდე პერიოდი – 50 (ორმოცდაათი) თეთრი;

ბ) 2 საათამდე პერიოდი – 1 (ერთი) ლარი;

გ) ყოველი შემდეგი 01 (ერთი) საათი – 1 (ერთი) ლარი.“.

ბ) დადგენილების „4²“ პუნქტი ჩამოყალიბდეს შემდეგი რედაქციით:

„4². ქალაქ ბათუმის მუნიციპალიტეტის ტერიტორიაზე მდებარე თბილისის მოე­დანზე გამოიყოს 6 (ექვსი) ერთეული ადგილი მსუბუქი ტაქსის პარკირებისათვის და დადგინდეს მათთვის პარკირების ადგილებით სარგებლობისათვის საფასური 5 (ხუთი) ლარის ოდენობით დღის განმავლობაში.“.

გ) დადგენილებას 4² პუნქტის შემდგომ დაემატოს შემდეგი შინაარსის „4³“ პუნქტი:

„4³. დადგენილების 4^​1 და 4² პუნქტებზე არ ვრცელდება ამავე დადგენილების მე-5 და მე-6 პუნქტებით დადგენილი მოთხოვნები.“.