საგარეჯოს მუნიციპალიტეტის საპატიო მოქალაქის წოდების მინიჭების წესის დამტკიცების შესახებ

1. ეს წესი განსაზღვრავს საგარეჯოს მუნიციპალიტეტის საპატიო მოქალაქის წოდების მინიჭების და ჯილდოების შემოღების სამართლებრივ საფუძვლებს და აღნიშნული საკითხების განხილვის წესს .

2. საგარეჯოს მუნიციპალიტეტის საპატიო მოქალაქის წოდება შეიძლება მიენიჭოს საქართველოს მოქალაქეს და უცხო ქვეყნის მოქალაქეს , რომელსაც თავისი საზოგადოებრივი , პროფესიული , სამეცნიერო ან /და სხვა სახის საქმიანობით /მოღვაწეობით :

ა ) გააჩნია განსაკუთრებული დამსახურება საგარეჯოს მუნიციპალიტეტის ან /და საქართველოს წინაშე ;

ბ ) მნიშვნელოვანი წვლილი აქვს შეტანილი საგარეჯოს მუნიციპალიტეტის ან /და საქართველოს განვითარების საქმეში ;

გ ) მნიშვნელოვანი წვლილი აქვს შეტანილი საგარეჯოს მუნიციპალიტეტთან მეგობრული კავშირების განმტკიცებაში .

3. საპატიო მოქალაქის წოდების მინიჭება შესაძლებელია განხორციელდეს ისეთი სხვა ობიექტური საფუძვლებიდან გამომდინარეც , რომელიც ამართლებს აღნიშნული სტატუსის მინიჭებას .

4.საგარეჯოს მუნიციპალიტეტის საპატიო მოქალაქის წოდება მიენიჭება პირს სიცოცხლეში ერთხელ .

მუხლი 2. საგარეჯოს მუნიციპალიტეტის საპატიო მოქალაქის წოდების მისანიჭებლად კანდიდატურის წამოყენების წესი და პირობები

1. საგარეჯოს მუნიციპალიტეტის საპატიო მოქალაქის წოდების მისანიჭებლად კანდიდატურის წამოყენების უფლება აქვს :

ა ) საზოგადოებრივ , პროფესიულ , შემოქმედებით კავშირებსა და ორგანიზაციებს ;

ბ ) მუნიციპალიტეტის მერს ;

გ ) საკრებულოს თავმჯდომარეს ;

დ ) საკრებულოს წევრთა სიითი შემადგენლობის 1/3-ს ;

ე ) საინიციატივო ჯგუფს , მუნიციპალიტეტის ამომრჩეველთა არანაკლებ 1%-ის ხელმოწერით ;

ვ ) საგარეჯოს მუნიციპალიტეტის მერის ბრძანებით შექმნილ საგარეჯოს მუნიციპალიტეტის სამოქალაქო მრჩეველთა საბჭოს .

2. კანდიდატურის წარდგენა ხორციელდება წერილობითი ფორმით , რასაც თან უნდა ერთოდეს :

ა ) კანდიდატურის წარმდგენი უფლებამოსილი ორგანიზაციის ან პირების რეკომენდაცია წარდგენილი კანდიდატის ღვაწლის და დამსახურების აღნიშვნით ;

ბ ) კანდიდატურის ბიოგრაფიული მონაცემები ;

გ ) კანდიდატის ღირსების , ღვაწლისა და დამსახურების ამსახველი მასალები ;

დ ) წარდგენილი კანდიდატის პირადობის დამადასტურებელი დოკუმენტის ასლი .

მუხლი 3. საგარეჯოს მუნიციპალიტეტის საპატიო მოქალაქის წოდების მინიჭება

1. ამ წესის მე -2 მუხლის მე -2 პუნქტით განსაზღვრული დოკუმენტები წარედგინება საგარეჯოს მუნიციპალიტეტის მერს .

2. წარდგენილი კანდიდატის შესახებ ცნობების შეჯერებას და განხილვას ახორციელებს საგარეჯოს მუნიციპალიტეტის მერის ბრძანებით შექმნილი საგარეჯოს მუნიციპალიტეტის საპატიო მოქალაქის წოდების მინიჭების სამუშაო ჯგუფი , რომლის შემადგენლობაში შედიან საკრებულოს , მერიის და საზოგადოების წარმომადგენლები . სამუშაო ჯგუფის თავმჯდომარეს ირჩევს სამუშაო ჯგუფი , საკუთარი შემადგენლობიდან , სიითი შემადგენლობის უმრავლესობით .

3. საგარეჯოს მუნიციპალიტეტის მერი საგარეჯოს მუნიციპალიტეტის საპატიო მოქალაქის წოდების მინიჭებაზე გადაწყვეტილებას სამუშაო ჯგუფის დასკვნის საფუძველზე იღებს ბრძანების სახით .

4. საგარეჯოს მუნიციპალიტეტის საპატიო მოქალაქის წოდების მინიჭების მიზნით სამუშაო ჯგუფის მიერ შესაბამისი კანდიდატურის განხილვის და დადებითი დასკვნის გაცემის შემდეგ , კანდიდატი ან კანდიდატურის წარმდგენი , საგარეჯოს მუნიციპალიტეტის მერიას წარუდგენს წარდგენილი კანდიდატის წერილობით თანხმობას .

5. საპატიო მოქალაქის წოდების მინიჭების დროს ხდება მოწმობის გადაცემა , რომლის ფორმას ბრძანებით ამტკიცებს საგარეჯოს მუნიციპალიტეტის მერი , დამზადებას უზრუნველყოფს საგარეჯოს მუნიციპალიტეტის მერია . მოწმობაში აღინიშნება : საპატიო წოდების სახე , პიროვნების საიდენტიფიკაციო მონაცემები , მოკლე დასაბუთება (დამსახურება /მიღწევები ). მოწმობაზე დატანილი უნდა იყოს საგარეჯოს მუნიციპალიტეტის გერბი .

6. საგარეჯოს მუნიციპალიტეტის საპატიო მოქალაქის წოდების დამადასტურებელ მოწმობაზე საგარეჯოს მუნიციპალიტეტის სახელით ხელს აწერს საგარეჯოს მუნიციპალიტეტის მერი . იგი დასტურდება საგარეჯოს მუნიციპალიტეტის მერიის ბეჭდით .

7. საპატიო მოქალაქის წოდების მინიჭების შემთხვევაში შესაძლებელია პიროვნებას გადაეცეს ფულადი ჯილდო ან /და ფასიანი საჩუქარი .

8. საპატიო წოდებებისა და ჯილდოების მინიჭების შესახებ ჩანაწერები კეთდება სპეციალურ წიგნში , რომლის წარმოებას და შენახვას უზრუნველყოფს საგარეჯოს მუნიციპალიტეტის მერიის ადმინისტრაციული და შესყიდვების სამსახური .

9. საპატიო წოდების მოწმობის გადაცემა , როგორც წესი , ხდება საზეიმო ვითარებაში .

მუხლი 4. საგარეჯოს მუნიციპალიტეტის საპატიო მოქალაქის წოდების ჩამორთმევის საფუძვლები

1. პირს შეიძლება ჩამოერთვას საგარეჯოს მუნიციპალიტეტის საპატიო მოქალაქის წოდება , თუ მის მიერ ჩადენილ იქნა :

ა ) საქართველოს სისხლის სამართლის კოდექსით გათვალისწინებული განზრახი დანაშაული ;

ბ ) ქმედება , რომელიც ეწინააღმდეგება მორალურ /ზნეობრივ და ეთიკურ ნორმებს .

2. საგარეჯოს მუნიციპალიტეტის საპატიო მოქალაქის წოდების ჩამორთმევის უფლება აქვს საგარეჯოს მუნიციპალიტეტის მერს , რომელიც გადაწყვეტილებას იღებს საგარეჯოს მუნიციპალიტეტის საპატიო მოქალაქის წოდების მინიჭების სამუშაო ჯგუფის დასკვნის საფუძველზე .

მუხლი 5. გარდამავალი დებულებანი

1.აღნიშნული წესის ამოქმედებისთანავე , მუნიციპალიტეტის მერის ბრძანებით შეიქმნას საგარეჯოს მუნიციპალიტეტის საპატიო მოქალაქის წოდების მინიჭების სამუშაო ჯგუფი .

2. აღნიშნული წესის ამოქმედებისთანავე , საგარეჯოს მუნიციპალიტეტის მერის ბრძანებით დამტკიცებულ იქნეს საპატიო მოქალაქის წოდების დამადასტურებელი მოწმობა .