„დედოფლისწყაროს მუნიციპალიტეტის საკრებულოსა და დედოფლისწყაროს მუნიციპალიტეტის მერიის წარმომადგენლობითი ხარჯების შემადგენლობის, დაფინანსებისა და ხარჯვის წესის დამტკიცების შესახებ“ დედოფლისწყაროს მუნიციპალიტეტის საკრებულოს 2018 წლის 13 აპრილის N38 დადგენილებაში ცვლილების შეტანის თაობაზე

 1. დადგენილებით დამტკიცებული დანართის პირველი მუხლის  პირველი პუნქტი ჩამოყალიბდეს შემდეგი რედაქციით:

„1. ეს წესი აწესრიგებს დედოფლისწყაროს მუნიციპალიტეტის საკრებულოსა და დედოფლისწყაროს მუნიციპალიტეტის მერიის განსახორციელებელი საქმიანი შეხვედრების, მიღებების, სემინარების, კონფერენციების მოწყობას, პრეზიდენტის აპარატიდან, მინისტრთა კაბინეტის აპარატიდან, პარლამენტის, სამინისტროებსა და  საქართველოს ადმინისტრაციულ-ტერიტორიულ ერთეულებში (ახმეტის, გურჯაანის, დედოფლისწყაროს, თელავის, ლაგოდეხის, საგარეჯოს,  სიღნაღისა   და   ყვარლის მუნიციპალიტეტებში) სახელმწიფო რწმუნებულის გუბერნატორის და ასევე საზღვარგარეთის წარმომადგენელთა მიღებასთან და მომსახურებასთან დაკავშირებულ ხარჯებს. დედოფლისწყაროს მუნიციპალიტეტის საკრებულოს მიერ დამტკიცებული ბიუჯეტით გათვალისწინებული ასიგნებების ფარგლებში და ამ მიზნით, გასატარებელი ღონისძიებების ორგანიზაციული საკითხების მოგვარებას.“.

 2.დადგენილებით დამტკიცებული დანართის მე-2 მუხლი ჩამოყალიბდეს შემდეგი რედაქციით:

„მუხლი 2. წარმომადგენლობითი ხარჯების შემადგენლობა

წარმომადგენლობით ხარჯებში შეიტანება  პირის მიერ ეკონომიკური საქმიანობის ფარგლებში გაწეული ხარჯები, რომელიც მოიცავს:

ა) პირის სახელით გამართული ღონისძიებებისათვის (პრეზენტაციები, მიღებები) გათვალისწინებულ (წვენები, მინერალური წყლები, გამაგრილებელი სასმელები, ჩაი, ყავა, საუზმე, სადილი, ვახშამი, ბანკეტი) ხარჯებს;

 ბ) საექსკურსიო და კულტურულ-სანახაობითი ღონისძიებების ხარჯებს;

 გ) სუვენირების შეძენის ხარჯებს;

 დ) სტუმრების მომსახურების უზრუნველყოფის ხარჯებს, მათ შორის:

 დ.ა) საკონსულო მომსახურების (ვიზების გაფორმება, ვადის გაგრძელება) ხარჯებს;

 დ.ბ) აეროპორტში დახვედრისა და გაცილების (VIP დარბაზების მომსახურება) ხარჯებს;

 დ.გ) სატრანსპორტო მომსახურების ხარჯებს;

 დ.დ.) სასტუმრო მომსახურების (ადგილების დაჯავშნა, ცხოვრების ღირებულება) ხარჯებს;

 დ.ე) მიღებებისა და წვეულებებისათვის გათვალისწინებულ (წვენები, მინერალური წყლები, გამაგრილებელი სასმელები, ჩაი, ყავა, საუზმე, სადილი, ვახშამი, ბანკეტი) ხარჯებს.“.

3. დადგენილებით დამტკიცებული დანართის მე-3 მუხლი ჩამოყალიბდეს შემდეგი რედაქციით:

„მუხლი 3. დაფინანსების წყარო

1. საკრებულოსა და მერიის წარმომადგენლობითი ღონისძიებათა დაფინანსება ხორციელდება დედოფლისწყაროს მუნიციპალიტეტის საკრებულოს მიერ დამტკიცებული ბიუჯეტით გამოყოფილი ასიგნებების ფარგლებში. 

2. დედოფლისწყაროს საკრებულოს აპარატი და მერიის ადმინისტრაციული და შესყიდვების სამსახური, ბიუჯეტის პროექტის განსაზღვრისას ღონისძიებათა ჩამონათვალს და სავარაუდო ხარჯთაღრიცხვას წარუდგენს საფინანსო-საბიუჯეტო სამსახურს, რომლის შემდეგაც საფინანსო-საბიუჯეტო სამსახური აღნიშნულ ინფორმაციას შესაძლებლობის ფარგლებში ითვალისწინებს მომავალი წლის ბიუჯეტის მომზადებაში.“.