„მცხეთის მუნიციპალიტეტის მერიის ზედამხედველობის სამსახურის დებულების დამტკიცების შესახებ“ მცხეთის მუნიციპალიტეტის საკრებულოს 2018 წლის 2 თებერვლის N11 დადგენილებაში ცვლილების შეტანის თაობაზე

1. დადგენილების პირველი მუხლით დამტკიცებული „მცხეთის მუნიციპალიტეტის მერიის ზედამხედველობის სამსახურის დებულების“  მე-2 მუხლის მე-2 პუნქტი ჩამოყალიბდეს ახალი რედაქციით:

„ 2.  სამსახურის სტრუქტურული ქვედანაყოფებია:

ა) არქიტექტურულ-სამშენებლო საქმიანობაზე და ინფრასტრუქტურულ პროექტებზე ზედამხედველობის განყოფილება;

ბ) ადმინისტრაციულ სამართალდარღვევათა განყოფილება“.

2. დებულების მე-6 მუხლი ჩამოყალიბდეს ახალი რედაქციით:

„მუხლი 6. არქიტექტურულ-სამშენებლო საქმიანობაზე და ინფრასტრუქტურულ პროექტებზე ზედამხედველობის განყოფილების ფუნქციები

 განყოფილება დადგენილი წესით უზრუნველყოფს:

ა) შემოწმებას მშენებარე შენობა-ნაგებობის საპროექტო, ნორმატიულ და სახელმძღვანელო დოკუნტაციასთან შესაბამისობაზე. კანონმდებლობით დადგენილი ორგანიზაციულ-სამართლებრივი წესრიგის უზრუნველყოფაზე ზედამხედველობას მშენებლობის დაწყებიდან მის დასრულებამდე; კონტროლს შენობა-ნაგებობის გაფართოებისა და რეკონსტრუქციის ნორმების დაცვაზე;

ბ) არქიტექტურულ-სამშენებლო საქმიანობის დადგენილი წესების დარღვევის ფაქტების გამოვლენას და შემდგომ რეაგირებას;

გ) უკანონო, უსახური და ამორტიზებული ჯიხურების, დახლების, სტელაჟების, სარეკლამო და საინფორმაციო სტენდების, დაფების, ფირნიშების, აბრების, აფიშების, პლაკატების და სხვა სარეკლამო ატრიბუტიკის უკანონო განთავსების ფაქტების გამოვლენას და მათი აღკვეთის ღონისძიებების განხორციელებას;

დ) მუნიციპალიტეტის იერსახეზე, გარე რეკლამის განთავსებაზე, საზოგადოებრივი ადგილებით სარგებლობის შეზღუდვის წესებზე ზედამხედველობას;

ე)  მშენებლობის მონაწილეებზე მითითების გაცემას, როგორც სამშენებლო ნორმების და/ ან სხვა დოკუმენტაციის მოთხოვნების  დარღვევათა გამოსწორების თაობაზე, აგრეთვე იმ შემთხვევაშიც, როდესაც მშენებლობის ობიექტზე არსებული და/ან შემოტანილი სამშენებლო მასალები, ნაკეთობები და კონსტრუქციები ვერ პასუხობს დადგენილ (პროექტით გათვალისწინებულ) მოთხოვნებს;

ვ) მითითებით განსაზღვრული ვადის გასვლის შემდეგ, დამრღვევის შემოწმებას და შემოწმების აქტის შედგენას;

ზ) კანონმდებლობით განსაზღვრული წესით, დასაბუთებული ეჭვის შემთხვევაში მშენებლობის დამკვეთსა და/ან მშენებელი ორგანიზაციისგან დამატებითი ლაბორატორიული გამოცდებისა და გაზომვების ჩატარების მოთხოვნას;

თ) სამსახურის ხელმძღვანელთან შეთანხმებით, მერისთვის წინადადებების წარდგენას, საჭიროების შემთხვევაში, ერთჯერადი კონსულტაციისთვის უწყებათა და ორგანიზაციათა წარმომადგენლების, მეცნიერების, სპეციალისტების, ექსპერტების მოწვევის თაობაზე;

ი) მუნიციპალიტეტის ტერიტორიაზე ინფრასტრუქტურული პროექტების მიმდინარეობაზე სრულ მონიტორინგს და ტექნიკურ ზედამხედველობას;

კ) მიმდინარე ინფრასტრუქტურული პროექტების ხელშეკრულებით დადგენილ პირობებთან შესაბამისობის კონტროლს; შეუსაბამობის აღმოჩენის შემთხვევაში მის აღმოსაფხვრელად  გონივრული ვადის განსაზღვრას და აღნიშნულზე მერის ინფორმირებას;

ლ) ხელშეკრულების პირობების შეუსრულებლობის ან/და არაჯეროვანი შესრულების შემთხვევაში შესაბამისი მითითების მიცემას. საჭიროების შემთხვევაში, მიმდინარე სამუშაოების შეჩერებას და აღნიშნულზე მერის და შესაბამისი სტრუქტურული ერთეულის ხელმძღვანელის ინფორმირებას;

მ) შეუსრულებელი სამუშაოების ხარისხის ეტაპობრივ კონტროლს; შესაბამისი საფუძვლის არსებობისას სამშენებლო კომპანიის მიერ წარმოდგენილი შესრულების აქტის დადასტურებას;

ნ) მუნიციპალიტეტის ტერიტორიაზე მიმდინარე ინფრასტრუქტურული პროექტების თაობაზე მერისთვის ინფორმაციის წარდგენას;

ო) საჭიროების შემთხვევაში, მერისთვის ხელშეკრულების შეწყვეტის ან/და საჯარიმო სანქციების გამოყენების თაობაზე წინადადებების მიწოდებას;

პ) საპროექტო და სახარჯთაღრიცხვო დოკუმენტაციის შესაბამისობის შემოწმებას;

ჟ) ფარული სამუშაოების შესრულებაზე დაკვირვებას და შესაბამისი აქტის დამოწმებას; შუალედური და საბოლოო სამუშაოების შესრულების აქტების (ფორმა №2)განხილვას და მათზე შემდგომ რეაგირებას;

რ) მიმდინარე სამუშაოების გეგმა-გრაფიკის შესაბამისობაზე კონტროლს;

ს) წარმოდგენილი ექსპერტიზის დასკვნების განხილვას და შესაბამის რეაგირებას;

ტ) მიმდინარე ინფრასტრუქტურული პროექტების აღრიცხვას;

უ) საქართველოს ადმინისტრაციულ სამართლადარღვევათა კოდექსის 150-ე, 150¹, 152-ე, 153⁴, 159-ე და 159¹ მუხლებით გათვალისწინებული ადმინისტრაციული სამართალდარღვევის ნაწილში შესაბამისი ადმინისტრაციულ სამართალდარღვევათა ოქმის და  სხვა საჭირო დოკუმენტაციის შედგენას, აღრიცხვის ჟურნალის წარმოებას;

ფ) მოქმედი კანონმდებლობით და მუნიციპალიტეტის სამართლებრივი აქტებით განსაზღრული სხვა ფუნქციების განხორციელებას“.

3. დებულების მე-8 მუხლი ამოღებულ იქნეს.