„საჯარო სამართლის იურიდიული პირის – კორნელი კეკელიძის სახელობის ხელნაწერთა ეროვნული ცენტრის დებულების დამტკიცებისა და „საჯარო სამართლის იურიდიული პირის – ხელნაწერთა ეროვნული ცენტრის წესდების დამტკიცების შესახებ“ საქართველოს განათლებისა და მეცნიერების მინისტრის 2008 წლის 26 ივნისის №580 ბრძანების ძალადაკარგულად გამოცხადების შესახებ“ საქართველოს განათლებისა და მეცნიერების მინისტრის 2015 წლის 2 ოქტომბრის №129/ნ ბრძანებაში ცვლილების შეტანის თაობაზე

1. პირველი მუხლის მე-4 პუნქტის შემდეგ დაემატოს შემდეგი შინაარსის მე-5 პუნქტი:

„5. 30 ივნისი არის ხელნაწერის დღე.“.

2. მე-4 მუხლის:

ა) მე-2 პუნქტის:

ა.ა) „ა“ ქვეპუნქტის:

ა.ა.ა)  „ა.ვ ქვეპუნქტი ჩამოყალიბდეს შემდეგი რედაქციით:

„ა.ვ) საგამოფენო-საგანმანათლებლო პროგრამების განყოფილება;“.

ა.ა.ბ) „ა.ვ“ ქვეპუნქტის შემდეგ დაემატოს შემდეგი შენაარსის „ა.ზ“ ქვეპუნქტი:

„ა.ზ) საზოგადოებასთან ურთიერთობისა და  მარკეტინგის სამსახური;“.

ა.ბ) „გ“ ქვეპუნქტის „გ.ბ“ ქვეპუნქტი ჩამოყალიბდეს შემდეგი რედაქციით:

„გ.ბ)  სამეცნიერო თანამშრომლობისა და  პროექტების დეპარტამენტი;“.

ბ) 8¹  პუნქტი ჩამოყალიბდეს შემდეგი რედაქციით:

„8¹.  საგამოფენო-საგანმანათლებლო პროგრამების  განყოფილების ფუნქციებია:

ა) ცენტრში დაცული ხელნაწერი მემკვიდრეობის, ქვეყნის საგანმანათლებლო სივრცეში ინტეგრაცია და ფართო საზოგადოებაში პოპულარიზაცია;

ბ) ცენტრის საქმიანობასთან დაკავშირებით სხვადასხვა სახის გამოფენებისა და  პროექტების  მომზადება და მათი კოორდინირება;

გ) საგამოფენო-საგანმანათლებლო პროგრამების განყოფილების დებულებით გათვალისწინებული სხვა უფლებამოსილებების განხორციელება.“;

გ)  8¹  პუნქტის შემდეგ დაემატოს შემდეგი შინაარსის 8² პუნქტი:

 „8².  საზოგადოებასთან ურთიერთობისა და მარკეტინგის სამსახურის  ფუნქციებია:

ა) ცენტრის საქმიანობის (სამეცნიერო, საგამოფენო, საგანმანათლებლო, საზოგადოებრივი) შესახებ ინფორმაციის გავრცელების ეფექტური სისტემის შექმნა, საზოგადოებასთან სხვადასხვა სახის აქტიური ურთიერთობა, ასევე ცენტრის მიმდინარე მოვლენების საზოგადოების წინაშე ობიექტურად წარმოჩენა;

ბ) ცენტრის საქმიანობის პოპულარიზაცია; სამეცნიერო პროექტების, დაგეგმილი ან განხორციელებული სხვადასხვა ღონისძიებების საჯაროობისა და ხელმისაწვდომობის უზრუნველყოფა ყველა დაინტერესებული პირისთვის;

გ) სახელისუფლებო სტრუქტურებთან, საგანმანათლებლო და სამეცნიერო-კვლევით დაწესებულებებთან, არასამთავრობო და სხვადასხვა საზოგადოებრივ ორგანიზაციებთან ურთიერთობა, ერთობლივი პროექტების განხორციელება;

დ) მარკეტინგული კვლევა;

ე) საზოგადოებასთან ურთიერთობისა და მარკეტინგის სამსახურის დებულებით გათვალისწინებული სხვა უფლებამოსილებების განხორციელება.“;

დ) მე-16 პუნქტი ჩამოყალიბდეს შემდეგი რედაქციით:

„16. სამეცნიერო თანამშრომლობისა და  პროექტების დეპარტამენტის ფუნქციებია:

ა) სამეცნიერო კონფერენციების, სემინარების, მრგვალი მაგიდების დაგეგმვა, მომზადება და ჩატარება (საორგანიზაციო განყოფილებასთან კოორდინაციით);

ბ) კონფერენციების და სემინარების მასალების  და სამეცნიერო-საინფორმაციო ლიტერატურის შეგროვება და საგამომცემლო სამსახურისთვის გადაცემა;

გ) საზღვარგარეთის შესაბამის სამეცნიერო ცენტრებთან ურთიერთობის დამყარება და გაღრმავება;

დ) ცენტრის კომპეტენციის ფარგლებში, საერთაშორისო თანამშრომლობის შესახებ მემორანდუმების და სხვა დოკუმენტების მომზადება;

ე) სამეცნიერო თანამშრომლობისა და პროექტების დეპარტამენტის დებულებით გათვალისწინებული სხვა ფუნქციების განხორციელება.“;

ე) მე-17 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) სამეცნიერო კონფერენციების, სიმპოზიუმების, სემინარებისა და სეზონური სკოლების ორგანიზებაში მონაწილეობა (სამეცნიერო თანამშრომლობისა და   პროექტების დეპარტამენტთან ერთად);“.