„საჯარო სამართლის იურიდიული პირის - სასოფლო-სამეურნეო კოოპერატივების განვითარების სააგენტოს შექმნისა და მისი დებულების დამტკიცების შესახებ“ საქართველოს სოფლის მეურნეობის მინისტრის 2013 წლის 20 სექტემბრის №2-206 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლი მე-4 პუნქტის და „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე“ საქართველოს 2017 წლის 14 დეკემბრის №1620-რს კანონის მე-2 მუხლის მე-13 პუნქტის საფუძველზე, ვბრძანებ :

1. პირველი მუხლის პირველი პუნქტი ჩამოყალიბდეს შემდეგი რედაქციით:

„1. საჯარო სამართლის იურიდიული პირი – სასოფლო-სამეურნეო კოოპერატივების განვითარების სააგენტო (შემდგომში – სააგენტო) წარმოადგენს საქართველოს გარემოს დაცვისა და სოფლის მეურნეობის სამინისტროს (შემდგომში – სამინისტრო) სახელმწიფო კონტროლს დაქვემდებარებულ, საჯარო სამართლის იურიდიულ პირს.“.

2. მე-2 მუხლის პირველ პუნქტს დაემატოს შემდეგი შინაარსიის „ვ“ ქვეპუნქტი:

„ვ) საერთაშორისო და ადგილობრივ საგრანტო კონკურსებში მონაწილეობის მიღება და პროექტის ფარგლებში შესაბამისი ღონისძიებების განხორციელება.“.

3. მე-3 მუხლის პირველი პუნქტი ჩამოყალიბდეს შემდეგი რედაქციით:

„1. სააგენტოს ხელმძღვანელობასა და წარმომადგენლობაზე უფლებამოსილი პირი არის თავმჯდომარე, რომელიც დებულებით გათვალისწინებულ უფლებამოსილებების ფარგლებში მოქმედებს დამოუკიდებლად და ანგარიშვალდებულია საქართველოს გარემოს დაცვისა და სოფლის მეურნეობის მინისტრის (შემდგომში – მინისტრი) და კურატორი მინისტრის მოადგილის წინაშე.“.

4. მე-3 მუხლის მე-3  პუნქტის „გ¹“ ქვეპუნქტი ჩამოყალიბდეს შემდეგი რედაქციით:

„გ¹) მინისტრთან შეთანხმებით, უფლებამოსილია სააგენტოს თანამშრომელთათვის დაადგინოს დანამატი, „საჯარო დაწესებულებაში შრომის ანაზღაურების შესახებ“ საქართველოს კანონის შესაბამისად.“.

5. დებულებას დაემატოს შემდეგი შინაარსის 3¹ და 3² მუხლები:

„მუხლი 3¹. სააგენტოს სტრუქტურული ქვედანაყოფები

სააგენტოს სტრუქტურული ქვედანაყოფებია:

ა) ადმინისტრაციული სამსახური;

ბ) კოოპერატივების რეგისტრაციის სამსახური;

გ) მონიტორინგის სამსახური;

დ) მიზნობრივი პროექტების სამსახური.

მუხლი 3². სააგენტოს სტრუქტურული ქვედანაყოფების ფუნქციები

1. ადმინისტრაციული სამსახურის ფუნქციებია:

ა) სააგენტოს ადამიანური რესურსების მართვა;

ბ) სააგენტოს საქმისწარმოების ორგანიზება;

გ) სააგენტოს კომპიუტერული ქსელისა და ტექნიკის შეუფერხებელი მუშაობის უზრუნველყოფა;

დ) სააგენტოს ფინანსური რესურსების ეფექტური მართვის უზრუნველყოფა;

ე) სააგენტოს საქმიანობის სამართლებრივი უზრუნველყოფა;

ვ) სააგენტოს ქონების განკარგვის ორგანიზება კომპეტენციის ფარგლებში;

ზ) საქართველოს კანონმდებლობის შესაბამისად, სახელმწიფო შესყიდვების განხორციელება;

თ) საფინანსო-საბიუჯეტო ურთიერთობების წარმათვა;

ი) ბუღალტრული აღრიცხვის ორგანიზება;

კ) მასობრივი ინფორმაციის საშუალებებთან ურთიერთობა, საზოგადოების ინფორმირება სააგენტოს კომპეტენციას მიკუთვნებული საქმიანობის განხორციელების თაობაზე;

ლ) კანონმდებლობით გათვალისწინებული სხვა უფლება-მოვალეობის განხორციელება.

2. კოოპერატივების რეგისტრაციის სამსახურის ფუნქციებია:

ა) სასოფლო-სამეურნეო კოოპერატივების შექმნისა და რეგისტრაციის პროცესის ხელშეწყობა;

ბ) სააგენტოს მიერ განხორციელებულ სახელმწიფო პროგრამებში კოოპერატივების ელექტრონული რეგისტრაციის პროცესის უზრუნველყობა;

გ) სააგენტოში სასოფლო-სამეურნეო კოოპერატივის სტატუსის მოსაპოვებლად წარმოდგენილი დოკუმენტაციის (შემდგომში – კანდიდატის დოკუმენტაცია) შესწავლა და შემდგომი რეაგირების მიზნით სააგენტოს თავმჯდომარისთვის დასკვნის წარდგენა;

დ) კანდიდატის დოკუმენტაციაში ხარვეზის აღმოჩენის შემთხვევაში სათანადო რეაგირება და დაინტერესებული პირების ინფორმირება, ხარვეზის აღმოფხვრის მიზნით დაინტერესებული პირებისგან საჭირო დოკუმენტაციის მოთხოვნა;

ე) სტატუსის მქონე კოოპერატივების შესახებ საინფორმაციო მონაცემების სისტემატიზაცია;

ვ) საქართველოს კანონმდებლობით გათვალისწინებული სხვა უფლება-მოვალეობის განხორციელება.

3. მონიტორინგის სამსახურის ფუნქციებია:

ა) კანონმდებლობით დადგენილი წესით სასოფლო-სამეურნეო კოოპერატივების სასოფლო-სამეურნეო საქმიანობის მინიტორინგის განხორციელება და სააგენტოს თავმჯდომარისათვის სასოფლო-სამეურნეო კოოპერატივის სტატუსის შეწყვეტისა და შეჩერების თაობაზე შესაბამისი დასკვნის მომზადება;

ბ) კომპეტენციის ფარგლებში სასოფლო-სამეურნეო კოოპერატივებისთვის კონსულტაციების გაწევა;

გ) სააგენტოს მიერ განხორციელებული სახელმწიფო ხელშეწყობის პროგრამების ფარგლებში პრეტენდენტის მიერ განაცხადით წარმოდგენილი ინფორმაციის პროგრამის მოთხოვნებთან შესაბამისობისა და მონაწილესთან გაფორმებული ხელშეკრულებით ნაკისრი ვალდებულებების შესრულების საველე ან/და დოკუმენტური მონიტორინგის განხორციელება.

4. მიზნობრივი პროექტების სამსახურის ფუნქციებია:

ა) სასოფლო-სამეურნეო კოოპერატივების განვითარებისთვის შესაბამისი პროგრამის შემუშავება და კანონმდებლობით დადგენილი წესით დამტკიცების შემდეგ მათი განხორციელება;

ბ) სახელმწიფო ბიუჯეტიდან ან საერთაშორისო დონორი ორგანიზაციების მიერ დასაფინანსებელი პროგრამების და პროექტების განხილვა, წინადადებების შემუშავება და მათი განხორციელება;

გ) სასოფლო-სამეურნეო კოოპერატივების განვითარების მიზნით შესაბამისი საკანონმდებლო ინიციატივების მომზადების პროცესში მონაწილეობის მიღება;

დ) სააგენტოს საშუალო და გრძელვადიანი სტრატეგიისა და პრიორიტეტების განსაზღვრა და მათზე დაფუძნებული პროგრამების შემუშავება და შესრულების კოორდინაცია;

ე) მიზნობრივი პროექტების, პროგრამების, ანგარიშების შემუშავება მიზნობრივი პროგრამებისა და პროექტების, საინიციატივო წიანდადებების განხილვა, მათი შესწავლა და ანალიზი;

ვ) სამსახურის მიერ შემუშავებული პროექტებისა და პროგრამების განხორციელება და შეფასების ინდიკატორების შემუშავება, მათი გამოყენება და ანალიზი;

ზ) კანონმდებლობით გათვალისწინებული სხვა უფლება-მოვალეობის განხორციელება.“.

6. მე-5 მუხლის პირველ პუნქტს დაემატოს შემდეგი შინაარსის „ბ¹“ ქვეპუნქტი:

„ბ¹) ხელშეკრულების საფუძველზე შესრულებული სამუშაოდან მიღებული შემოსავალი.“.

7. მე-9 მუხლი ჩამოყალიბდეს შემდეგი რედაქციით:

„მუხლი 9. სააგენტოს დებულებაში ცვლილების შეტანის წესი

სააგენტოს დებულებაში ცვლილების შეტანა ხორციელდება საქართველოს გარემოს დაცვისა და სოფლის მეურნეობის მინისტრის ბრძანებით.“.