,,ქურთის მუნიციპალიტეტის 2018 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ქურთის მუნიციპალიტეტის საკრებულოს 2018 წლის 04 იანვრის N2 დადგენილებაში ცვლილების შეტანის თაობაზე

ა) დადგენილებით დამტკიცებულ წესს დაემატოს 5¹ მუხლი და ჩამოყალიბდეს შემდეგი  რედაქციით:

„მუხლი 5¹. შეზღუდული შესაძლებლობის მქონე პირებისათვის სავარძელი ეტლებითა და სასმენი აპარატებით დახმარება         

1. სავარძელ ეტლებსა და სასმენ აპარატებს მიიღებენ იძულებით გადაადგილებული შეზღუდული შესაძლებლობის მქონე პირები, რომლებიც მუდმივად ცხოვრობდნენ ქურთის მუნიციპალიტეტში და საჭიროებენ სავარძელ ეტლებსა და სასმენ აპარატებს.

2. დახმარების მისაღებად მოქალაქემ ქურთის მუნიციპალიტეტის გამგეობაში უნდა წარადგინოს:

ა) განცხადება გამგებლის სახელზე;

ბ) განმცხადებლის პირადობის მოწმობის ასლი;

გ) დევნილობის მოწმობის ასლი;

დ)  ცნობა ჯანმრთელობის მდგომარეობის შესახებ, სადაც  აღნიშნული იქნება, რომ  პირს არ შუძლია  სავარძელი ეტლის გარეშე გადაადგილება ან/და ესაჭიროება სასმენი აპარატი“;

ბ) დადგენილებით დამტკიცებული წესის მე-10 მუხლის მე-2 პუნქტის „დ“ ქვეპუნქტი ამოღებულ იქნეს;

გ) დადგენილებით დამტკიცებულ წესს დაემატოს მე-10 მუხლის მე-2 პუნქტის „ვ“ ქვეპუნქტი და ჩამოყალიბდეს შემდეგი  რედაქციით:

„ვ) დახმარების მიმღებმა ასეთის არსებობის შემთხვევაში დამატებით უნდა წარმოადგინოს:  მის მიერ გადახდილი თანხის დამადასტურებელი დოკუმენტი, საბოლოო კალკულაცია და მიმართვა (სოციალური მომსახურების სააგენტოდან)“.