„საჯარო სამართლის იურიდიული პირის – საზღვაო ტრანსპორტის სააგენტოს დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 14 აპრილის №1-1/585 ბრძანებაში ცვლილების შეტანის შესახებ"

ა) დებულების პირველი მუხლის მე-7 პუნქტი ჩამოყალიბდეს შემდეგი რედაქციით:

„7. სააგენტოს იურიდიული მისამართია: ქ. ბათუმი, ბაქოს ქ. №50.“;

ბ) დებულების მე-3 მუხლის მე-2 პუნქტის:

ბ.ა) „ვ“ ქვეპუნქტი ჩამოყალიბდეს შემდეგი რედაქციით:

„ვ) საქართველოს ტერიტორიულ ზღვასა და ნავსადგურის აკვატორიაში გემების მოძრაობის მონიტორინგი და საინფორმაციო სისტემით უზრუნველყოფა;“;

ბ.ბ) „თ“ და „ი“ ქვეპუნქტები ჩამოყალიბდეს შემდეგი რედაქციით:

„თ) უფლებამოსილების ფარგლებში ნებისმიერ გემთან დაკავშირებული საზღვაო ინციდენტების გამოკვლევის ხელშეწყობა სანაპირო წყლებში;

ი) უფლებამოსილების ფარგლებში საქართველოს სახელმწიფო დროშით მცურავ გემთან დაკავშირებული საზღვაო ინციდენტების გამოკვლების ხელშეწყობა;“

გ) დებულების მე-6 მუხლის მე-3 პუნქტის „ზ“ ქვეპუნქტი ჩამოყალიბდეს შემდეგი რედაქციით:

„ზ) ქვეცენტრის ოპერატორი იღებს ტექნიკური ხასიათის მითითებებს შესაბამისი ნავსადგურის სახელმწიფო ზედამხედველობისა და კონტროლის სამსახურის უფროსისგან (ნავსადგურის კაპიტანი).“;

დ) დებულების მე-7 მუხლის მე-4 პუნქტს დაემატოს შემდეგი შინაარსის „ნ¹“ ქვეპუნქტი:

„ნ¹) მოქმედი კანონმდებლობის შესაბამისად მეთევზე-მეზღვაურებისათვის სერტიფიკატის გაცემას, რეგისტრაციას და საკვალიფიკაციო მოთხოვნების შემუშავებას;“;

ე) დებულების მე-9 მუხლის მე-2 პუნქტის „ა“ „ბ“ და „გ“ ქვეპუნქტები ჩამოყალიბდეს შემდეგი რედაქციით:

„ა) ახორციელებს ნავსადგურებში, ნავსადგურის აკვატორიაში და საღუზე რაიონებში გემების უსაფრთხო ნაოსნობასა და დგომაზე ზედამხედველობას და კონტროლს;

ბ) უფლებამოსილების ფარგლებში ახორციელებს ნებისმიერ გემთან დაკავშირებული საზღვაო ინციდენტების გამოკვლევის ხელშეწყობას სანაპირო წყლებში;

გ) უფლებამოსილების ფარგლებში ახორციელებს საქართველოს სახელმწიფო დროშით მცურავ გემთან დაკავშირებული საზღვაო ინციდენტების გამოკვლების ხელშეწყობას;“

ვ) დებულების მე-11 მუხლის მე-4 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) ორგანიზებას უწევს სააგენტოს ძირითადი  საშუალებების და  სასაქონლო - მატერიალური ფასეულობების ინვენტარიზაციას;“.