„ტყიბულის მუნიციპალიტეტის მერთან არსებული შეზღუდული შესაძლებლობის მქონე პირთა საკითხებზე მომუშავე საბჭოს დებულების დამტკიცების შესახებ“ ტყიბულის მუნიციპალიტეტის საკრებულოს 2018 წლის 27 თებერვლის №29 დადგენილებაში ცვლილებების შეტანის თაობაზე

1. მე-7 მუხლი ჩამოყალიბდეს შემდეგი რედაქციით:

„მუხლი 7. საბჭოს თავმჯდომარის მოადგილის უფლებამოსილება

საბჭოს თავმჯდომარის მოადგილე:

1. თავმჯდომარის არყოფნის შემთხვევაში ახორციელებს მის უფლებამოსილებას.

2. კანონმდებლობის შესაბამისად ასრულებს თავმჯდომარის ცალკეულ დავალებებს.

3. ამ დებულებიდან გამომდინარე ახორციელებს სხვა უფლება-მოვალეობებს.“.

2. მე-8 მუხლი ჩამოყალიბდეს შემდეგი რედაქციით:

„მუხლი 8. საბჭოს მდივნის უფლებამოსილება

საბჭოს მდივანი:

1. ორგანიზებას უწევს საბჭოს სხდომებს;

2. პასუხისმგებელია საბჭოს სხდომის ოქმის სწორად და ზუსტ შედგენაზე, სხდომათა მასალების შენახვასა და დაცვაზე;

3.  საბჭოს წევრებს წარუდგენს განსახილველი საკითხების ნუსხას;

4. საბჭოს მიერ განსახილველ საკითხთა ჩამონათვალს ურიგებს საბჭოს წევრებს და უწევს კონტროლს დოკუმენტაციის შეგროვებასა და დამუშავებას;

5. აწარმოებს საბჭოს სხდომების საოქმო დოკუმენტაციას;

6. ახორციელებს საბჭოს დებულებით გათვალისწინებულ და მინიჭებულ სხვა უფლებამოსილებებს.“.

3. მე-9 მუხლის მე-4 პუნქტი ჩამოყალიბდეს შემდეგი რედაქციით:

„4. საბჭოს წევრის უფლებამოსილების შეწყვეტის საფუძველია:

ა) პირადი განცხადება;

ბ) ზედიზედ 3-ჯერ სხდომის არასაპატიო მიზეზით გაცდენა;

გ) მის მიმართ საბოლოო ინსტანციის სასამართლოს გამამტყუნებელი განაჩენის კანონიერ ძალაში შესვლა ან კანონიერ ძალაში შესული სასამართლოს გამამტყუნებელი განაჩენის ზემდგომი ინსტანციის სასამართლოში გასაჩივრების ვადის გასვლა;

დ) სასამართლოს მიერ უგზო-უკვლოდ დაკარგულად, გარდაცვლილად  გამოცხადება ან მხარდამჭერის მიმღებად ცნობა;

ე) პოლიტიკური თანამდებობის პირის უფლებამოსილების შეწყვეტა ან მოხელის სამსახურიდან გათავისუფლება;

ვ) გარდაცვალება.“.