დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოსთვის განსაკუთრებული და სტრატეგიული მნიშვნელობის სახელმწიფო ობიექტების პრივატიზების თაობაზე | |
|---|---|
| დოკუმენტის ნომერი | 1715 |
| დოკუმენტის მიმღები | საქართველოს პარლამენტი |
| მიღების თარიღი | 06/11/2002 |
| დოკუმენტის ტიპი | საქართველოს პარლამენტის დადგენილება |
| გამოქვეყნების წყარო, თარიღი | სსმ, 114, 19/11/2002 |
| სარეგისტრაციო კოდი | 000000000.00(0).000.000000 |
საქართველოს პარლამენტის დადგენილება
საქართველოსთვის განსაკუთრებული და სტრატეგიული მნიშვნელობის სახელმწიფო ობიექტების პრივატიზების თაობაზე
საქართველოსთვის განსაკუთრებული და სტრატეგიული მნიშვნელობის სახელმწიფო ობიექტების პრივატიზებისას შესაძლო ხარვეზების თავიდან აცილების მიზნით, არსებული ნეგატიური პრაქტიკის გათვალისწინებით,
საქართველოს პარლამენტი ადგენს:
1. დაევალოს საქართველოს პარლამენტის შესაბამის კომიტეტებს, საქართველოს აღმასრულებელი ხელისუფლების სათანადო უწყებებთან ერთად, ექსპერტებისა და დაინტერესებული პირების მონაწილეობით, წინასწარ, დეტალურად შეისწავლონ განსაკუთრებული და სტრატეგიული მნიშვნელობის სახელმწიფო ობიექტების პრივატიზებასთან დაკავშირებული საკითხები და შესაბამისი ინფორმაცია პერიოდულად წარუდგინონ პარლამენტს.
2. საქართველოს პარლამენტმა ზემოაღნიშნული ობიექტების პრივატიზების პროექტი და სათანადო დოკუმენტაცია განიხილოს მათი წარდგენიდან ერთ თვეში და მიიღოს შესაბამისი გადაწყვეტილება.
3. საქართველოს აღმასრულებელმა ხელისუფლებამ ამ ობიექტების ნუსხის თაობაზე ინფორმაცია წარუდგინოს საქართველოს პარლამენტს 2002 წლის 1 დეკემბრამდე.
საქართველოს პარლამენტის
თავმჯდომარე ნ. ბურჯანაძე
თბილისი,
2002 წლის 6 ნოემბერი.
№1715–Iს
დოკუმენტის კომენტარები