„საჯარო სამართლის იურიდიული პირის – აწარმოე საქართველოში დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2017 წლის 29 მაისის №1-1/217 ბრძანებაში ცვლილების შეტანის შესახებ

1. დებულების მე-3 მუხლის მე-4 პუნქტი ჩამოყალიბდეს შემდეგი რედაქციით:

„4. დირექტორს ჰყავს ორი მოადგილე, რომლებსაც თანამდებობაზე ნიშნავს და თანამდებობიდან ათავისუფლებს დირექტორი, მინისტრთან შეთანხმებით. მოადგილეებს შორის უფლებამოსილებებსა და ფუნქციებს ანაწილებს დირექტორი.“.

2. დებულების მე-4 მუხლის მე-2 პუნქტი ჩამოყალიბდეს შემდეგი რედაქციით:

„2. სააგენტოს სტრუქტურული ქვედანაყოფებია:

ა) მეწარმეობის ხელშეწყობის დეპარტამენტი;

ბ) მომსახურების ცენტრი;

გ) ექსპორტის განვითარების დეპარტამენტი;

დ) ექსპორტიორთა ხელშეწყობის დეპარტამენტი;

ე) კვლევის და განვითარების დეპარტამენტი;

ვ) ადმინისტრაციული დეპარტამენტი;

ზ) საერთაშორისო ურთიერთობების დეპარტამენტი;

თ) ინვესტიციების მოზიდვის დეპარტამენტი;

ი) ინვესტიციების მხარდაჭერის დეპარტამენტი.“.

3. დებულების მე-5 მუხლის მე-5 პუნქტი ჩამოყალიბდეს შემდეგი რედაქციით:

„5. კვლევის და განვითარების დეპარტამენტის ამოცანები და ფუნქციები:

ა) საერთაშორისო ორგანიზაციებთან და სხვა პარტნიორ ორგანიზაციებთან მჭიდრო თანამშრომლობა არსებული ბაზრების პირველადი ანალიზისა და ბაზრის სექტორული კვლევის მიმართულებით;

ბ) მეწარმეობასა და ექსპორტის განვითარებასთან, აგრეთვე ინვესტიციების მოზიდვასთან დაკავშირებული პროგრამების დაგეგმვაში მონაწილეობა;

გ) სამეწარმეო სფეროსთან დაკავშირებული კვლევების მომზადება;

დ) თავისუფალი ვაჭრობის რეჟიმის ფარგლებში პრიორიტეტული პროდუქტების გამოვლენა;

ე) სააგენტოს სხვადასხვა დეპარტამენტებთან თანამშრომლობა კვლევითი საქმიანობიდან მიღებული ინფორმაციის გაზიარების მიზნით;

ვ) საერთაშორისო ორგანიზაციებთან თანამშრომლობა კვლევითი საქმიანობის გასაუმჯობესებლად;

ზ) საექსპორტო ბაზრებისა და პროდუქტების იდენტიფიცირებაში მონაწილეობის მიღება;

თ) მეწარმეობის განვითარებისათვის კერძო სექტორთან, საერთაშორისო საფინანსო ინსტიტუტებთან და სახელმწიფო ორგანიზაციებთან თანამშრომლობა კანონმდებლობაში შესაძლო ცვლილებების ინიცირების მიზნით;

ი) ახალი პროექტების შემუშავების მიზნით კერძო სექტორთან, საერთაშორისო საფინანსო ინსტიტუტებთან და სახელმწიფო ორგანიზაციებთან თანამშრომლობა;

კ) სააგენტოს პროექტების/პროგრამების შესახებ მიმდინარე ანგარიშგებების მომზადება;

ლ) მიმდინარე პროექტის/პროგრამების ეფექტურობის გაზრდის მიზნით გაუმჯობესების გზების შემუშავება და დანერგვა;

მ) პროგრამების შეფასების კრიტერიუმების/ინდიკატორების შემუშავება და მონიტორინგი;

ნ) ახალი პროდუქტების/პროექტების შექმნის მიზნით, სააგენტოს შესაბამის დეპარტამენტთან მჭიდრო თანამშრომლობა;

ო) სააგენტოს მიერ იდენტიფიცირებული განსაკუთრებული საკითხების თაობაზე მონაცემთა შეგროვება და ანალიზი.

4. ამოღებულ იქნეს დებულების მე-5 მუხლის მე-6 პუნქტი.