,,სადისციპლინო წესდების აღსრულების ღონისძიებათა შესახებ” საქართველოს თავდაცვის მინისტრის 2016 წლის 12 აპრილის №23 ბრძანებაში ცვლილების შეტანის თაობაზე

1. პირველი მუხლის:

ა) მე-2 პუნქტს დაემატოს „დ“ ქვეპუნქტი შემდეგი რედაქციით:

„დ) გენდერული თანასწორობის მონიტორინგის ჯგუფის თავმჯდომარე, თუ:

დ.ა) ჩადენილია სადისციპლინო წესდებით გათვალისწინებული სქესობრივი კავშირი ან სექსუალური ხასიათის სხვაგვარი ქმედება ან სექსუალური შევიწროება;

დ.ბ) სადისციპლინო წესდებით გათვალისწინებული დისციპლინური გადაცდომა სავარაუდოდ განპირობებულია გენდერული დისკრიმინაციის ნიშნით, რომელიც არ შეიცავს დანაშაულის ნიშნებს.“;

ბ) მე-2 პუნქტის შემდეგ დაემატოს 2¹ პუნქტი შემდეგი რედაქციით:

„2¹. დისციპლინური ოქმის შედგენაზე უფლებამოსილი თანამდებობის პირი ვალდებულია დისციპლინურ ოქმში მიუთითოს საქმისათვის მნიშვნელობის მქონე ისეთი გარემოებები, რომლებიც მას აძლევს ობიექტური ვარაუდის საფუძველს, რომ დისციპლინური გადაცდომა შეიცავს გენდერული დისკრიმინაციის ნიშნებს.“.

2. №5 დანართის მე-3 მუხლს დაემატოს მე-6 პუნქტი შემდეგი რედაქციით:

„6. თუ ჩადენილია დისციპლინური გადაცდომა, რომელიც შეიცავს გენდერული დისკრიმინაციის ნიშნებს ან ჩადენილია სადისციპლინო წესდებით გათვალისწინებული სქესობრივი კავშირი, სექსუალური ხასიათის სხვაგვარი ქმედება ან/და სექსუალური შევიწროება, სადისციპლინო საბჭოს მიერ საქმის განხილვისას ამავე მუხლის პირველი პუნქტით გათვალისწინებულ სადისციპლინო საბჭოს შემადგენლობას ემატება გენდერული თანასწორობის მონიტორინგის ჯგუფის წევრი, რომლის შერჩევა ხდება  გენდერული თანასწორობის მონიტორინგის ჯგუფის მიერ. ასეთ შემთხვევაში გენდერული თანასწორობის მონიტორინგის ჯგუფის თავმჯდომარე შერჩეული კანდიდატისა და განსახილველი საკითხის შესახებ ინფორმაციას წერილობით აცნობებს სადისციპლინო საბჭოს.“.