„საქართველოს თავდაცვის სამინისტროს სისტემის სამხედრო მოსამსახურეთა სამხედრო სადისციპლინო წესდების დამტკიცების შესახებ“ საქართველოს მთავრობის 2016 წლის 17 მარტის №124 დადგენილებაში ცვლილების შეტანის თაობაზე

1. მე-2 მუხლის „ს“ ქვეპუნქტი ჩამოყალიბდეს შემდეგი რედაქციით:

„ს) სასწავლებელში დაგვიანება – სასწავლებელში გამოცხადების   დადგენილ დროზე 15 წუთიდან სასწავლო/სამუშაო დროის დასრულებამდე იუნკერის არასაპატიო მიზეზით  დაგვიანებით გამოცხადება;“.   

2. მე-13 მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. მე-12 მუხლის „დ“ და „თ“ ქვეპუნქტებით გათვალისწინებული ზომები არ გამოიყენება სავალდებულო სამსახურის მოსამსახურის, სამობილიზაციო სარეზერვო სამსახურში გაწვეული პირისა და იუნკერის მიმართ.“;

ბ) მე-5 პუნქტი ჩამოყალიბდეს შემდეგი რედაქციით:

„5. სამხედრო წოდების ერთი საფეხურით დაქვეითება არ გამოიყენება რიგითისა და ლეიტენანტის სამხედრო წოდების მქონე სამხედრო მოსამსახურის მიმართ.“ .

3. 35-ე და 36-ე მუხლები ჩამოყალიბდეს შემდეგი რედაქციით:

„მუხლი 35. საყარაულო სამსახურის წესის დარღვევა

1. საყარაულო სამსახურის წესის დარღვევა, რომელიც არ შეიცავს დანაშაულის ნიშნებს, გამოიწვევს საყვედურს ან ხელფასიდან 10%-ის დაქვითვას 3 თვის ვადით ან 30 საკრედიტო ქულის დაკლებას.

2. იგივე ქმედება, ჩადენილი დამამძიმებელ გარემოებებში, გამოიწვევს 2 დასვენების დღის უფლების შეზღუდვას ან ხელფასიდან 15%-ის დაქვითვას 3 თვის ვადით ან 50 საკრედიტო ქულის დაკლებას.

მუხლი 36. განწესისა და პატრულირების წესის დარღვევა

1. სადღეღამისო განწესის შემადგენლობაში (ყარაულის გარდა) შემავალი სამხედრო მოსამსახურის მიერ წესდების დარღვევა ან/და საპატრულო განწესის შემადგენლობაში შემავალი სამხედრო მოსამსახურის მიერ პატრულირების წესის დარღვევა, რომელიც არ შეიცავს დანაშაულის ნიშნებს, გამოიწვევს საყვედურს ან ხელფასიდან 10%-ის დაქვითვას 3 თვის ვადით ან 30 საკრედიტო ქულის დაკლებას.

2. იგივე ქმედება, ჩადენილი დამამძიმებელ გარემოებებში, გამოიწვევს 2 დასვენების დღის უფლების შეზღუდვას ან ხელფასიდან 15%-ის დაქვითვას 3 თვის ვადით ან 50 საკრედიტო ქულის დაკლებას.“.

4.  41-ე მუხლი ჩამოყალიბდეს შემდეგი რედაქციით:

„მუხლი 41. დაგვიანება

1. სამსახურში, სამკურნალო დაწესებულებაში ან მივლინების ადგილას არასაპატიო მიზეზით დაგვიანებით გამოცხადება გამოიწვევს საყვედურს.

2. სასწავლებელში გამოცხადებისათვის დადგენილ დროზე:

ა) 15 წუთიდან 2 საათამდე დაგვიანება გამოიწვევს 10 საკრედიტო ქულის დაკლებას;

ბ) 2 საათიდან სასწავლო/სამუშაო დროის დასრულებამდე დაგვიანებით გამოცხადება გამოიწვევს 20 საკრედიტო ქულის დაკლებას.“.

5. 42-ე მუხლის პირველი პუნქტი ჩამოყალიბდეს შემდეგი რედაქციით:

„1. სამსახურში, სასწავლებელში, სამკურნალო დაწესებულებაში ან მივლინების ადგილას არასაპატიო მიზეზით გამოუცხადებლობა გამოიწვევს რიგგარეშე განწესში დანიშვნას ან ხელფასიდან 10%-ის დაქვითვას 3 თვის ვადით ან 30 საკრედიტო ქულის დაკლებას.“.

6. 44-ე მუხლის პირველი პუნქტი ჩამოყალიბდეს შემდეგი რედაქციით:

„1. ალკოჰოლური სასმელის მიღება ან ალკოჰოლური სასმელის ზემოქმედების ქვეშ ყოფნა სამსახურში, სასწავლებელში, მივლინების ადგილას ან სამკურნალო დაწესებულებაში ან სამსახურებრივი მოვალეობის შესრულებისას ან სამსახურებრივი ავტოსატრანსპორტო საშუალების მართვისას ან სამხედრო ფორმის ტანსაცმელში მყოფი სამხედრო მოსამსახურის მიერ საზოგადოებრივი თავშეყრის ადგილებში გამოიწვევს 3 რიგგარეშე განწესში დანიშვნას ან 4 დასვენების დღის უფლების შეზღუდვას ან სამსახურიდან დათხოვას ან სასწავლებლიდან გარიცხვას.“.

7. 55-ე მუხლის მე-5 პუნქტი ჩამოყალიბდეს შემდეგი რედაქციით:

„5. სამსახურებრივი პირადობის მოწმობის (პლასტიკური ბარათის) ან/და ქვედანაყოფის ტერიტორიაზე დასაშვები საშვების დაკარგვა ან განადგურება გამოიწვევს 1 დასვენების დღის უფლების შეზღუდვას ან საყვედურს ან 5 საკრედიტო ქულის დაკლებას.“.

8. 59-ე მუხლის შემდეგ დაემატოს შემდეგი შინაარსის 59¹ მუხლი:

„მუხლი 59¹. გამოცდის ჩაბარების წესის დარღვევა

სასწავლებელში გამოცდის მიმდინარეობისას გადაწერა ან გადასაწერი საშუალების/ინფორმაციის ქონა გამოიწვევს 50 საკრედიტო ქულის დაკლებას.“.