„აფხაზეთის ავტონომიური რესპუბლიკის განათლებისა და კულტურის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2014 წლის 25 ივლისის №33 დადგენილებაში ცვლილებების შეტანის თაობაზე

1. დებულების მე-4 მუხლის პირველი პუნქტის „გ.ა“ ქვეპუნქტი ამოღებულ იქნეს.

2. დებულების მე-4 მუხლის პირველი პუნქტის „დ“ ქვეპუნქტს დაემატოს შემდეგი შინაარსის „დ.ა“ ქვეპუნქტი:

„დ.ა) სახელოვნებო განათლების განყოფილება;“.

3. დებულების მე-4 მუხლის მე-3 პუნქტი ჩამოყალიბდეს შემდეგი რედაქციით:

„3. სამინისტროს მმართველობის სფეროში შედის შემდეგი საჯარო სამართლის იურიდიული პირები:

ა) საჯარო სამართლის იურიდიული პირი – აფხაზეთის სიმღერისა და ცეკვის სახელმწიფო ანსამბლი „აფხაზეთი“;

ბ) საჯარო სამართლის იურიდიული პირი – სოხუმის მოზარდ-მაყურებელთა პროფესიული სახელმწიფო თეატრი „თეთრი ტალღა“;

გ) საჯარო სამართლის იურიდიული პირი – სოხუმის კონსტანტინე გამსახურდიას სახელობის პროფესიული სახელმწიფო დრამატული თეატრი;

დ) საჯარო სამართლის იურიდიული პირი – აფხაზეთის სპორტული მომზადების ცენტრი;

ე) საჯარო სამართლის იურიდიული პირი – გურამ ყურაშვილის სახელობის აფხაზეთის სახელმწიფო საგუნდო კაპელა;

ვ) საჯარო სამართლის იურიდიული პირი – აფხაზეთის კულტურისა და ხელოვნების ცენტრი.“.

4. დებულების მე-5 მუხლის მე-3 პუნქტის „მ“ ქვეპუნქტი ამოღებულ იქნეს.

5. დებულების მე-5 მუხლის მე-4 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) სახელოვნებო განათლების განყოფილების კომპეტენციაა:

ე.ა) სახელოვნებო განათლების ორგანიზაციებთან თანამშრომლობა;

ე.ბ) სახელოვნებო სკოლებში აფხაზეთიდან დევნილი ახალგაზრდა შემოქმედთა და განსაკუთრებით ნიჭიერი ახალგაზრდების მხარდაჭერის მიზნით პროგრამების შემუშავება და მათი განხორციელების კოორდინაცია;

ე.გ) სახელოვნებო საგანმანათლებლო სტანდარტების დაცვის უზრუნველყოფა, საინფორმაციო ბაზის სრულყოფა და სისტემატიზაცია;

ე.დ) სახელოვნებო სფეროში ღონისძიებების დაგეგმვა და განხორციელება;

ე.ე) სამინისტროს მიერ განსახორციელებელ ღონისძიებებში (კონკურსებში, გამოფენებში, კონფერენციებში და სხვა) აფხაზეთიდან დევნილ ახალგაზრდა შემოქმედთა და განსაკუთრებით ნიჭიერი ახალგაზრდების ჩართულობის უზრუნველყოფა.“.

6. დებულების მე-5 მუხლის მე-4 პუნქტს დაემატოს შემდეგის შინაარსის „ვ“ ქვეპუნქტი:

„ვ) კანონმდებლობით და მინისტრის მიერ კანონმდებლობის საფუძველზე განსაზღვრულ სხვა უფლებამოსილებათა განხორციელება.“.

7. დებულების მე-7 მუხლის „ბ“ პუნქტი ჩამოყალიბდეს შემდეგი რედაქციით:

„ბ) სამინისტროს უფროსი სპეციალისტები.“.