საჯარო სამართლის იურიდიული პირის − დავით აღმაშენებლის სახელობის საქართველოს ეროვნული თავდაცვის აკადემიისა და საჯარო სამართლის იურიდიული პირის − თავდაცვის ინსტიტუციური აღმშენებლობის სკოლის მიერ სახელმწიფო შესყიდვის გამარტივებული შესყიდვის საშუალებით განხორციელებისა და სათანადო ღონისძიებათა გატარების შესახებ

1. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, საჯარო სამართლის იურიდიულმა პირმა − დავით აღმაშენებლის სახელობის საქართველოს ეროვნული თავდაცვის აკადემიამ (შემდგომში − აკადემია) „საქართველოს 2018 წლის სახელმწიფო ბიუჯეტის შესახებ“ საქართველოს კანონით მისთვის გამოყოფილი ასიგნებების ფარგლებში და საჯარო სამართლის იურიდიულმა პირმა −  თავდაცვის ინსტიტუციური აღმშენებლობის სკოლამ (შემდგომში − სკოლა) „საქართველოს 2017 წლის სახელმწიფო ბიუჯეტის შესახებ“ საქართველოს კანონით მისთვის გამოყოფილი ასიგნებების ფარგლებში, თავდაცვისა და უსაფრთხოების კვლევების გაერთიანებული სამსახურების სამეფო ინსტიტუტ „RUSI“-სგან აკადემიისთვის 2018 წლის განმავლობაში თავდაცვის ანალიზის სამაგისტრო პროგრამის − „ომის ტრანსფორმაცია − ჰიბრიდული და ასიმეტრიული ომების“ მოდულის სასწავლო პროგრამის მომზადებისა და წარმართვის, ხოლო სკოლისთვის ზემოაღნიშნული სამაგისტრო პროგრამის მოდულზე მათი წარმომადგენლების დასწრებისა და სწავლების უზრუნველყოფისა და 2018 წლის განმავლობაში სკოლის წარმომადგენელთათვის ორი სწავლების/სემინარის გამართვის სახელმწიფო შესყიდვა განახორციელონ გამარტივებული შესყიდვის საშუალებით.