სსიპ − საქართველოს მუნიციპალური განვითარების ფონდის მიერ განსახორციელებელ რიგ ღონისძიებათა შესახებ

2. ეთხოვოთ შპს „სახელმწიფო მომსახურების ბიუროსა“ (ს/ნ: 404389372) და მის შვილობილ საწარმოს შპს „აქტივების მართვისა და განვითარების კომპანიას“ (ს/კ: 405007200), განახორციელონ ქ. თბილისში, გორგასლის ქ. №83ა-ში მდებარე უძრავ ქონებაზე (მიწის (უძრავი ქონების) საკადასტრო კოდი: №01.18.09.003.083) ადმინისტრაციული  შენობა-ნაგებობის მშენებლობასთან დაკავშირებული შესრულებული სამუშაოების სახელმწიფოსათვის გადაცემა, ხოლო სსიპ − საქართველოს მუნიციპალური განვითარების ფონდს დაევალოს სახელმწიფოს სახელით შესრულებული სამუშაოების ჩაბარება.

3. დაევალოს საქართველოს ეკონომიკისა და მდგრადი განვითარების სამინისტროს, ამ განკარგულების პირველი პუნქტით გათვალისწინებული ღონისძიებების ნაწილობრივი დაფინანსების მიზნით, „საქართველოს 2017 წლის სახელმწიფო ბიუჯეტის შესახებ“ საქართველოს კანონით მისთვის გათვალისწინებული ასიგნებების ფარგლებში განსაზღვრული რესურსის მიმართვა სსიპ − საქართველოს მუნიციპალური განვითარების ფონდის ანგარიშზე, საქართველოს რეგიონული განვითარებისა და ინფრასტრუქტურის სამინისტროს წინადადების საფუძველზე.

4. აღმასრულებელი ხელისუფლების შესაბამის უწყებებსა და სსიპ − სახელმწიფო ქონების ეროვნულ სააგენტოს კომპეტენციის ფარგლებში დაევალოთ, ხოლო ქ. თბილისის მუნიციპალიტეტის მერიას ეთხოვოს ამ განკარგულებით გათვალისწინებული ღონისძიებების განხორციელების ხელშეწყობის უზრუნველყოფა.

 პრემიერ-მინისტრი                                   გიორგი კვირიკაშვილი.