საქართველოს განათლებისა და მეცნიერების სამინისტროს სისტემაში შემავალი ზოგიერთი საჯარო სამართლის იურიდიული პირისა და სსიპ – საქართველოს ინტელექტუალური საკუთრების ეროვნული ცენტრის –„საქპატენტის“ მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

1. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სსიპ – შოთა რუსთაველის საქართველოს ეროვნულმა სამეცნიერო ფონდმა, სსიპ – საქართველოს ინტელექტუალური საკუთრების ეროვნულმა ცენტრმა – „საქპატენტმა“, სსიპ – ივანე ჯავახიშვილის სახელობის თბილისის სახელმწიფო უნივერსიტეტმა, სსიპ – ილიას სახელმწიფო უნივერსიტეტმა, სსიპ – საქართველოს ტექნიკურმა უნივერსიტეტმა, სსიპ – თბილისის სახელმწიფო სამედიცინო უნივერსიტეტმა, სსიპ – ბათუმის შოთა რუსთაველის სახელმწიფო უნივერსიტეტმა, სსიპ – აკაკი წერეთლის სახელმწიფო უნივერსიტეტმა და სსიპ – სოხუმის სახელმწიფო უნივერსიტეტმა სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარებისა და საქართველოს მეცნიერებისა და ინოვაციების ეკოსისტემის განვითარების მიზნით, გამარტივებული შესყიდვის საშუალებით განახორციელოს Clarivate Analytics-ის Web of Science მონაცემთა ბაზის სახელმწიფო შესყიდვა, სსიპ – შოთა რუსთაველის საქართველოს ეროვნულმა სამეცნიერო ფონდმა 2018 წლის სახელმწიფო ბიუჯეტით გამოყოფილი ასიგნებებიდან, ხოლო სსიპ – საქართველოს ინტელექტუალური საკუთრების ეროვნულმა ცენტრმა – „საქპატენტმა“, სსიპ – ივანე ჯავახიშვილის სახელობის თბილისის სახელმწიფო უნივერსიტეტმა, სსიპ – ილიას სახელმწიფო უნივერსიტეტმა, სსიპ – საქართველოს ტექნიკურმა უნივერსიტეტმა, სსიპ – თბილისის სახელმწიფო სამედიცინო უნივერსიტეტმა, სსიპ – ბათუმის შოთა რუსთაველის სახელმწიფო უნივერსიტეტმა, სსიპ – აკაკი წერეთლის სახელმწიფო უნივერსიტეტმა და სსიპ – სოხუმის სახელმწიფო უნივერსიტეტმა საქართველოს კანონმდებლობით ნებადართული სხვა (გარდა საბიუჯეტო სახსრებისა) ეკონომიკური საქმიანობით მიღებული შემოსავლებიდან.