„საქართველოს კულტურისა და ძეგლთა დაცვის სამინისტროსათვის საქართველოს მთავრობის სარეზერვო ფონდიდან თანხის გამოყოფის შესახებ“ საქართველოს მთავრობის 2017 წლის 6 ივლისის №1393 განკარგულებაში ცვლილების შეტანის თაობაზე

„1. ფრანკფურტის წიგნის საერთაშორისო ბაზრობაზე საქართველოს, როგორც საპატიო სტუმარი ქვეყნის წარდგენასთან დაკავშირებული ხარჯების დაფინანსების მიზნით, საქართველოს ფინანსთა სამინისტრომ „საქართველოს 2017 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს კულტურისა და ძეგლთა დაცვის სამინისტროს გამოუყოს 405 657 (ოთხას ხუთი ათას ექვსას ორმოცდაჩვიდმეტი) ლარი და 28 118 (ოცდარვა ათას ას თვრამეტი) ევროს ეკვივალენტი ლარი.

2. ილია ჭავჭავაძის დაბადებიდან 180 წლისთავისადმი მიძღვნილ ღონისძიებასთან  დაკავშირებული ხარჯების დაფინანსების მიზნით, საქართველოს ფინანსთა სამინისტრომ „საქართველოს 2017 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს კულტურისა და ძეგლთა დაცვის სამინისტროს გამოუყოს   24 563  (ოცდაოთხი ათას ხუთას სამოცდასამი) ლარი.“.

პრემიერ-მინისტრი                                                გიორგი კვირიკაშვილი