სსიპ – სახელისუფლებო სპეციალური კავშირგაბმულობის სააგენტოს მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ

საქართველოს მთავრობის

განკარგულება №2214

2017 წლის 20 ოქტომბერი

ქ. თბილისი

სსიპ – სახელისუფლებო სპეციალური კავშირგაბმულობის სააგენტოს მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ

1. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, საბავშვო ევროვიზიის რიგით მე-15 კონკურსის საქართველოში გამართვის უზრუნველსაყოფად, სსიპ − სახელისუფლებო სპეციალური კავშირგაბმულობის სააგენტოს მიეცეს ინფორმაციული ტექნოლოგიების ინფრასტრუქტურის მოწყობისა და შემდგომი მომსახურებისათვის აუცილებელი, ამავე განკარგულების №1 დანართით გათვალისწინებული სხვადასხვა საქონლის, მომსახურებისა და სამუშაოს გამარტივებული შესყიდვის საშუალებით სახელმწიფო შესყიდვების განახორციელების უფლება 198 421 (ას ოთხმოცდათვრამეტი ათას ოთხას ოცდაერთი) ლარის ფარგლებში.

2. „სახელმწიფო შესყიდვების შესახებ“ საქართველოს კანონის 21-ე მუხლის მე-4 პუნქტისა და „გამარტივებული შესყიდვის კრიტერიუმების განსაზღვრისა და გამარტივებული შესყიდვის ჩატარების წესის დამტკიცების თაობაზე“ სსიპ – სახელმწიფო შესყიდვების სააგენტოს თავმჯდომარის 2015 წლის 17 აგვისტოს №13 ბრძანებით დამტკიცებული წესის მე-10 მუხლის მე-8 პუნქტის შესაბამისად, ამ განკარგულების პირველი პუნქტით გათვალისწინებულ შესყიდვასთან დაკავშირებით გასაფორმებელი ხელშეკრულებების მიმართ არ გავრცელდეს ამავე ბრძანებით დამტკიცებული წესის მე-10 მუხლის მე-2 პუნქტით, მე-11 მუხლის პირველი და 1¹ პუნქტებით, მე-12 მუხლის პირველი და მე-2 პუნქტებითა და მე-13 მუხლის მე-3 პუნქტით დადგენილი მოთხოვნები.

პრემიერ-მინისტრი                                                     გიორგი კვირიკაშვილი