კაპიტალური პროექტებისათვის დაგეგმილი გადასახდელების მიმდინარე დანიშნულების ხარჯებში გადატანის თაობაზე საქართველოს შრომის, ჯანმრთელობისა და სოციალური დაცვის სამინისტროსათვის თანხმობის მიცემის შესახებ

საქართველოს მთავრობის

განკარგულება №2213

2017 წლის 19 ოქტომბერი

ქ. თბილისი

კაპიტალური პროექტებისათვის დაგეგმილი გადასახდელების მიმდინარე დანიშნულების ხარჯებში გადატანის თაობაზე საქართველოს შრომის, ჯანმრთელობისა და სოციალური დაცვის სამინისტროსათვის თანხმობის მიცემის შესახებ

 „საქართველოს 2017 წლის სახელმწიფო ბიუჯეტის შესახებ“ საქართველოს კანონის 23-ე მუხლის „ბ“ ქვეპუნქტის შესაბამისად, საქართველოს შრომის, ჯანმრთელობისა და სოციალური დაცვის სამინისტროს მიეცეს თანხმობა, „საქართველოს 2017 წლის სახელმწიფო ბიუჯეტის შესახებ“ საქართველოს კანონით „სამედიცინო დაწესებულებათა რეაბილიტაცია და აღჭურვა“ (პროგრამული კოდი: 35 04) − პროგრამისათვის გათვალისწინებული ასიგნებიდან 1 000 000 ლარი მიმართოს „სოციალური რეაბილიტაცია და ბავშვზე ზრუნვა“ (პროგრამული კოდი: 35 02 03) − პროგრამის „დამხმარე საშუალებებით უზრუნველყოფის ქვეპროგრამით“ (პროგრამული კოდი:      35 02 03 06) გათვალისწინებულ ასიგნებაში.

პრემიერ-მინისტრი                                 გიორგი კვირიკაშვილი