„საქართველოს მოსახლეობის ბუნებრივი გაზით მომარაგებისათვის საჭირო ღონისძიებების შესახებ“ საქართველოს მთავრობის 2017 წლის 3 აგვისტოს №1626 განკარგულებაში ცვლილების შეტანის თაობაზე

1. პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) გორის მუნიციპალიტეტის სოფლების: ქვახვრელის, სკრისა და უფლისციხის გაზიფიცირებისათვის საჭირო სამშენებლო სამუშაოების შესრულება, სოფელ ახალხიზის გაზიფიცირებისათვის საჭირო საპროექტო და სამშენებლო სამუშაოების შესრულება, ასევე სოფლების: ხიდისთავისა და თერგვისის გაზიფიცირებისათვის საჭირო საპროექტო სამუშაოების შესრულება;“.

2. პირველი პუნქტის „მ“ ქვეპუნქტი ჩამოყალიბდეს შემდეგი რედაქციით:

„მ) სენაკის მუნიციპალიტეტის სოფლების: შუა ნოსირის, თეკლათის, საგვარამიოს, ახალსოფლისა და ნოსირის გაზიფიცირებისათვის საჭირო სამშენებლო სამუშაოების შესრულება, ასევე სოფლების: გეჯეთის, ძველი სენაკის, ზედა სორტის, ქვედა სორტისა და ნოქალაქევის გაზიფიცირებისათვის საჭირო საპროექტო სამუშაოების შესრულება;“.

3. პირველ პუნქტს დაემატოს შემდეგი შინაარსის „ს“ და „ტ“ ქვეპუნქტები:

„ს) ჩხოროწყუს მუნიციპალიტეტის დაბა ჩხოროწყუს გაზიფიცირებისათვის საჭირო საპროექტო სამუშაოების შესრულება;

ტ) წალენჯიხის მუნიციპალიტეტში, ქალაქ წალენჯიხის გაზიფიცირებისათვის საჭირო საპროექტო სამუშაოების შესრულება.“.

4. მე-4 პუნქტი ჩამოყალიბდეს შემდეგი რედაქციით:

„4. ეთხოვოთ ბოლნისის, დმანისის, გორის, ვანის, ზესტაფონის, ზუგდიდის, თელავის, ლაგოდეხის, კასპის, ლანჩხუთის, მცხეთის, სენაკის, ჩოხატაურის, ხაშურის, დუშეთის, თერჯოლის, ჩხოროწყუსა და წალენჯიხის მუნიციპალიტეტების გამგეობებს ამ განკარგულების პირველი პუნქტით გათვალისწინებული სამუშაოების ნებართვების გაცემის მიზნით საჭირო ქმედებების განხორციელება.“.

პრემიერ-მინისტრი                                                                                       გიორგი კვირიკაშვილი.