საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ - ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდისათვის „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვებზე გამონაკლისის დაშვების თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ - ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდისათვის „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვებზე გამონაკლისის დაშვების თაობაზე
დოკუმენტის ნომერი	2163
დოკუმენტის მიმღები	საქართველოს მთავრობა
მიღების თარიღი	11/10/2017
დოკუმენტის ტიპი	საქართველოს მთავრობის განკარგულება
გამოქვეყნების წყარო, თარიღი	ვებგვერდი, 05/04/2018
სარეგისტრაციო კოდი	000000000.00.003.024898

PDF გადმოწერა

საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ – ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდისათვის „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვებზე გამონაკლისის დაშვების თაობაზე

1. „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლის მე-7 პუნქტის შესაბამისად, საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ − ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდისათვის დაშვებულ იქნეს გამონაკლისი, არ გავრცელდეს „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლის პირველი და მე-2 პუნქტებით გათვალისწინებული შეზღუდვები და მიეცეს თანხმობა:

ა) შრომითი ხელშეკრულებით დასაქმებულ პირთა რაოდენობა, „სახელმწიფო ზრუნვის, ადამიანით ვაჭრობის (ტრეფიკინგის) მსხვერპლთა დაცვისა და დახმარების“ (პროგრამული კოდი: 35 01 05) პროგრამის ფარგლებში, განსაზღვროს არა უმეტეს 6 ერთეულით, ხოლო საშუალო შრომის ანაზღაურება − არა უმეტეს 697 ლარით;

ბ) შრომითი ხელშეკრულებით დასაქმებულ პირთა რაოდენობა, საგრანტო პროექტის − „საქართველოში ოჯახში ძალადობის შემცირება“ ფარგლებში, განსაზღვროს არა უმეტეს 5 ერთეულით, ხოლო საშუალო შრომის ანაზღაურება − არა უმეტეს 2 397 ლარით;

გ) შრომითი ხელშეკრულებით დასაქმებულ პირთა რაოდენობა, საგრანტო პროექტის − „ოჯახში ძალადობისა და სექსუალური ძალადობის პრევენცია“ ფარგლებში, განსაზღვროს არა უმეტეს 1 ერთეულით, ხოლო საშუალო შრომის ანაზღაურება − არა უმეტეს 1 982 ლარით;

დ) შრომითი ხელშეკრულებით დასაქმებულ პირთა რაოდენობა, საგრანტო პროექტის − „ჯანდაცვის რეაგირება (პასუხი) ოჯახში ძალადობაზე/გენდერულ ძალადობაზე“ ფარგლებში, განსაზღვროს არა უმეტეს 6 ერთეულით, ხოლო საშუალო შრომის ანაზღაურება − არა უმეტეს 915 ლარით;

ე) შრომითი ხელშეკრულებით დასაქმებულ პირთა რაოდენობა, საგრანტო პროექტის − „გავერთიანდეთ ქალთა მიმართ ძალადობის წინააღმდეგ“ ფარგლებში, განსაზღვროს არა უმეტეს 3 ერთეულით, ხოლო საშუალო შრომის ანაზღაურება − არა უმეტეს 717 ლარით.

2. საქართველოს ზოგადი ადმინისტრაციული კოდექსის 61-ე მუხლის შესაბამისად, ძალადაკარგულად გამოცხადდეს „საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ − ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდისათვის „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვებზე გამონაკლისის დაშვების თაობაზე“ საქართველოს მთავრობის 2017 წლის 18 მაისის №946 განკარგულება.

პრემიერ-მინისტრი გიორგი კვირიკაშვილი.