საქართველოს შინაგან საქმეთა სამინისტროსა და მისი მმართველობის სფეროში შემავალი სახელმწიფო საქვეუწყებო დაწესებულებისთვის – საქართველოს სასაზღვრო პოლიციისთვის საინვესტიციო/კაპიტალური პროექტებისთვის გათვალისწინებული გადასახდელების მიმდინარე დანიშნულების ხარჯებში გადატანაზე თანხმობის მიცემის შესახებ

საქართველოს მთავრობის

განკარგულება №2487

2017 წლის 30 ნოემბერი

ქ. თბილისი

საქართველოს შინაგან საქმეთა სამინისტროსა და მისი მმართველობის სფეროში შემავალი სახელმწიფო საქვეუწყებო დაწესებულებისთვის – საქართველოს სასაზღვრო პოლიციისთვის საინვესტიციო/კაპიტალური პროექტებისთვის გათვალისწინებული გადასახდელების მიმდინარე დანიშნულების ხარჯებში გადატანაზე თანხმობის მიცემის შესახებ

 „საქართველოს 2017 წლის სახელმწიფო ბიუჯეტის შესახებ“ საქართველოს კანონის 23-ე მუხლის „ბ“ ქვეპუნქტის საფუძველზე, მიეცეს თანხმობა:

ა) საქართველოს შინაგან საქმეთა სამინისტროს (პროგრამული კოდი: 30 01 01 01 − „საქართველოს შინაგან საქმეთა სამინისტროს ცენტრალური აპარატი“) საინვესტიციო/კაპიტალური პროექტებისთვის გათვალისწინებული გადასახდელების (7000000 (შვიდი მილიონი) ლარი) მიმდინარე დანიშნულების ხარჯებში გადატანის თაობაზე;

ბ) საქართველოს შინაგან საქმეთა სამინისტროს მმართველობის სფეროში შემავალ სახელმწიფო საქვეუწყებო დაწესებულებას – საქართველოს სასაზღვრო პოლიციას (პროგრამული კოდი: 30 01 02 − „საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიცია“) საინვესტიციო/კაპიტალური პროექტებისთვის გათვალისწინებული გადასახდელების (619168 (ექვსას ცხრამეტი ათას ას სამოცდარვა) ლარი) მიმდინარე დანიშნულების ხარჯებში გადატანის თაობაზე.

პრემიერ-მინისტრი                                 გიორგი კვირიკაშვილი