დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოს რეგიონული განვითარებისა და ინფრასტრუქტურის სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ | |
|---|---|
| დოკუმენტის ნომერი | 2464 |
| დოკუმენტის მიმღები | საქართველოს მთავრობა |
| მიღების თარიღი | 22/11/2017 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | ვებგვერდი, 13/04/2018 |
| სარეგისტრაციო კოდი | 000000000.00.003.024835 |
საქართველოს მთავრობის
განკარგულება №2464 2017 წლის 22 ნოემბერი ქ. თბილისი |
საქართველოს რეგიონული განვითარებისა და ინფრასტრუქტურის სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ
|
1. მუნიციპალური ნარჩენების ეფექტიანი შეგროვების მიზნით, შპს „საქართველოს მყარი ნარჩენების მართვის კომპანიის“ მიერ ზოგიერთი მუნიციპალიტეტისათვის 10 000 (ათი ათასი) ერთეული მუნიციპალური ნარჩენების კონტეინერის შესყიდვის მიზნით, საქართველოს ფინანსთა სამინისტრომ „საქართველოს 2017 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან საქართველოს რეგიონული განვითარებისა და ინფრასტრუქტურის სამინისტროს გამოუყოს 6 000 000 (ექვსი მილიონი) ლარი, შპს „საქართველოს მყარი ნარჩენების მართვის კომპანიის“ კაპიტალის გაზრდის მიზნით.
2. შპს „საქართველოს მყარი ნარჩენების მართვის კომპანიამ“ უზრუნველყოს საქართველოს რეგიონული განვითარებისა და ინფრასტრუქტურის სამინისტროსათვის ინფორმაციის მიწოდება ამ განკარგულების პირველი პუნქტით განსაზღვრული თანხის ხარჯვის თაობაზე ან სამინისტროს მოთხოვნის შესაბამისად. 3. ამ განკარგულებით გათვალისწინებული ღონისძიებების დასრულების შემდეგ, საქართველოს რეგიონული განვითარებისა და ინფრასტრუქტურის სამინისტრომ და შპს „საქართველოს მყარი ნარჩენების მართვის კომპანიამ“ განახორციელონ საქართველოს კანონმდებლობით გათვალისწინებული ღონისძიებები ამავე განკარგულების პირველი პუნქტით გათვალისწინებული საქონლის შესაბამისი მუნიციპალიტეტებისათვის გადაცემის უზრუნველსაყოფად. პრემიერ-მინისტრი გიორგი კვირიკაშვილი. |
დოკუმენტის კომენტარები