„ახალი აბრეშუმის გზის“ პროექტის წარმატებით განხორციელების უზრუნველსაყოფად მამუკა ბახტაძის საქართველოს სპეციალურ წარმომადგენლად დანიშვნის შესახებ“ საქართველოს მთავრობის 2016 წლის 7 მარტის №414 განკარგულებაში ცვლილების შეტანის თაობაზე

საქართველოს მთავრობის

განკარგულება №2415

2017 წლის 16 ნოემბერი

ქ. თბილისი

„ახალი აბრეშუმის გზის“ პროექტის წარმატებით განხორციელების უზრუნველსაყოფად მამუკა ბახტაძის საქართველოს სპეციალურ წარმომადგენლად დანიშვნის შესახებ“ საქართველოს მთავრობის 2016 წლის 7 მარტის №414 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის შესაბამისად, „ახალი აბრეშუმის გზის“ პროექტის წარმატებით განხორციელების უზრუნველსაყოფად მამუკა ბახტაძის საქართველოს სპეციალურ წარმომადგენლად დანიშვნის შესახებ“ საქართველოს მთავრობის 2016 წლის 7 მარტის №414 განკარგულებაში შეტანილ იქნეს ცვლილება და განკარგულების პირველი პუნქტი ჩამოყალიბდეს შემდეგი რედაქციით:

„1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 27-ე მუხლის მე-2 პუნქტის შესაბამისად, „ახალი აბრეშუმის გზის“ პროექტის განსაკუთრებული სტრატეგიული მნიშვნელობის გათვალისწინებით, საქართველოს მიერ განსახორციელებელ ღონისძიებათა ეფექტური და თანმიმდევრული შესრულების მიზნით, ახალი აბრეშუმის გზის საკითხებში საქართველოს სპეციალურ წარმომადგენლად დაინიშნოს საქართველოს ფინანსთა მინისტრი მამუკა ბახტაძე.“.

პრემიერ-მინისტრი                                    გიორგი კვირიკაშვილი