,,ლენტეხის მუნიციპალიტეტის 2018 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ” ლენტეხის მუნიციპალიტეტის საკრებულოს 2018 წლის 30-იანვრის N-14 დადგენილებაში ცვლილების შეტანის თაობაზე

1.   მე-5 მუხლი   ჩამოყალიბდეს შემდეგი რედაქციით:

,,მუხლი 5. შშმ პირთა ერთჯერადი ფინანსური დახმარება

1. მუნიციპალიტეტის ბიუჯეტიდან ერთჯერადი ფინანსური დახმარება მიეცემათ ლენტეხის მუნიციპალიტეტში რეგისტრირებულ იმ ბენეფიციარებს, რომლებიც დაავადებული არიან:

ა)  ეპილეფსიით; 

ბ)  პარკინსონით;

გ) თავის ტვინის სისხლის  მიმოქცევის მოშლით დაავადებული პაციენტი, მძიმე ფორმის იშემიური და ჰემორაგიული ინსულტი;

დ) შაქრიანი დიაბეტით – ტიპი 1 , მძიმე მიმდინარეობით –  გართულებები მხედველობის, გულის, თირკმლის, ტვინის სისხლძარღვების ანგიოპათიით;

ე) ღვიძლის ციროზი, ასციტი;

ვ) ონკოლოგიური დაავადებები   მე-3, მე-4 კლინიკური ჯგუფი. ქიმიო თერაპიის და სხივური თერაპიის პერიოდი  (ფორმა 100  ონკოცენტრიდან შევსებული ონკოლოგის მიერ);

ზ) ცერებრალური დამბლა და პარალიზებული სინდრომებით დაავადებული პაციენტები;

თ) გულის იშემიური დაავადებები (გულის უკმარისობა  მე-2, მე-3 ხარისხი);

ი) სასუნთქი  გზების  ქრონიკული  დაავადებები, სუნთქვის უკმარისობა  მე-2 ხარისხით;

კ) თირკმლის დაავადებები მძიმე  მიმდინარეობით, თირკმლის ქრონიკული  უკმარისობით  მე-3, მე-4 სტადია;

ლ) უსინათლო ინვალიდები;

მ) შიზოფრენია.

2. ოჯახს  დახმარება  გაეწევა ერთჯერადად, მაგრამ არაუმეტეს 100-დან 200 ლარამდე, აღნიშნულ დაავადებათა შემთხვევაში, თუ სამედიცინო  ფორმა 100/ა შევსებულია  სპეციალიზებულ სამედიცინო  დაწესებულებაში.

3. დახმარების მიმღებმა (ბენეფიციარმა) ან მისი  ოჯახის სრულწლოვანმა წევრმა მუნიციპალიტეტში უნდა წარადგინოს:

ა) განცხადება  მუნიციპალიტეტის მერის სახელზე;

ბ) განმცხადებლის პირადობის მოწმობის ასლი;

გ) დიაგნოსტიკური კვლევის დოკუმენტაცია და მის საუძველზე შექმნილი ფორმა 100/ა, გაცემიდან  6 თვის ვადაში.

დ) განმცხადებლის საბანკო ანგარიში;

ე) ადმინისტრაციულ ერთეულში წარმომადგენლის ცნობა ოჯახის შემადგენლობასა და სოციალურ-ეკონომიურ მდგომარეობის შესახებ;

ვ) მაღალმთიან დასახლებაში მუდმივად მცხოვრები პირის სტატუსის დამადასტურებელი დოკუმენტი, გარდა იმ სტუდენტებისა რომელთაც დროებით შეწყვეტილი აქვთ მაღალმთიან დასახლებაში მუდმივად მცხოვრები პირის სტატუსი“.

2. სოციალური დახმარების გაცემის წესს დაემატოს  13¹ მუხლი და ჩამოყალიბდეს შემდეგი რედაქციით:

,,მუხლი13¹“. 80-წელს გადაცილებულ და მარტოხელა ბენეფიციარებზე   ერთჯერადი ფინანსური დახმარება

1.ამ მუხლით გათვალისწინებული  ერთჯერადი ფინანსური  დახმარება მიეცემათ:

ა) ლენტეხის მუნიციპალიტეტში რეგისტრირებულ   80 წელს გადაცილებულ  პარალიზებულ ბენეფიციარებს;

ბ)   მარტოხელა ბენეფიციარებს, რომელთაც მემკვიდრე არ ჰყავთ.

2. ბენეფიციარს დახმარება გაეწევა   ერთჯერადად, მაგრამ არაუმეტეს 100 -დან 200 ლარამდე.

3. დახმარების მიმღებმა (ბენეფიციარმა),  მისი ოჯახის წევრმა ან მისმა   წარმომადგენელმა მუნიციპალიტეტში  უნდა წარმოადგინოს:

ა) განცხადება მუნიციპალიტეტის სახელზე;

ბ) განმცხადებლის პირადობის მოწმობის  ასლი;

გ) ფორმა 100/ა ;

დ) განმცხადებლის  (წარმომადგენლის)  საბანკო ანგარიში;

ე)  მუნიციპალიტეტის მაჟორიტარი დეპუტატის და  მერის წარმომადგენლის მოხსენებითი ბარათი;

ვ) მაღალმთიან დასახლებაში მუდმივად მცხოვრები პირის სტატუსის დამადასტურებელი დოკუმენტი.“.