„სს „საქართველოს ნავთობისა და გაზის კორპორაციის“ მიერ საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2017 წლის 30 ნოემბრის №506 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„სს „საქართველოს ნავთობისა და გაზის კორპორაციის“ მიერ საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2017 წლის 30 ნოემბრის №506 დადგენილებაში ცვლილების შეტანის თაობაზე
დოკუმენტის ნომერი	150
დოკუმენტის მიმღები	საქართველოს მთავრობა
მიღების თარიღი	27/03/2018
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 29/03/2018
სარეგისტრაციო კოდი	040090000.10.003.020465

PDF გადმოწერა

„სს „საქართველოს ნავთობისა და გაზის კორპორაციის“ მიერ საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2017 წლის 30 ნოემბრის №506 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, „სს „საქართველოს ნავთობისა და გაზის კორპორაციის“ მიერ საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2017 წლის 30 ნოემბრის №506 დადგენილებაში (www.matsne.gov.ge, 01/12/2017, 040090000.10.003.020215) შეტანილ იქნეს ცვლილება და დადგენილებით დამტკიცებული საქონლისა და მომსახურების შესყიდვების სპეციალური წესის:

1. პირველი მუხლის მე-2 პუნქტი ჩამოყალიბდეს შემდეგი რედაქციით:

„2. ამ წესის მიზანია, თანდართული №1 და №2 დანართებით განსაზღვრული საქონლისა და მომსახურების შესყიდვების შეუფერხებლად განხორციელების უზრუნველყოფა.“.

2. მე-4 მუხლის მე-3 პუნქტი ჩამოყალიბდეს შემდეგი რედაქციით:

„3. იმ შემთხვევაში, თუ ამ წესით განსაზღვრული საქონლისა (დანართი №1) და მომსახურების (დანართი №2) შესყიდვის ობიექტის კონკრეტული სახელშეკრულებო ღირებულება შეადგენს ან აღემატება 200 000 ლარს (დღგ-ის გარეშე), საწარმოს დირექტორთა საბჭოს მიერ მიღებული გადაწყვეტილება შესყიდვის თაობაზე, შესაბამისი შესყიდვის განხორციელებამდე, წერილობით უნდა შეთანხმდეს შემსყიდველი ორგანიზაციის აქციების მმართველ პირთან – საქართველოს ეკონომიკისა და მდგრადი განვითარების სამინისტროსთან, რომელიც იღებს საბოლოო გადაწყვეტილებას შესყიდვის საკითხთან დაკავშირებით.“.

3. მე-5 მუხლის პირველი პუნქტი ჩამოყალიბდეს შემდეგი რედაქციით:

„1. ამ წესის დანართ №1-სა და დანართ №2-ში მითითებული საქონლისა და მომსახურების შესყიდვის მიზნით, შემსყიდველსა და მიმწოდებელს შორის იდება ხელშეკრულება/შეთანხმება, რომელიც შესაძლებელია გაფორმდეს როგორც ქართულ, ასევე ინგლისურ ან სხვა უცხო ენებზე.“.

4. მე-6 მუხლი ჩამოყალიბდეს შემდეგი რედაქციით:

„მუხლი 6. შესყიდვის შესახებ ხელშეკრულების პირობები

შესყიდვის შესახებ ხელშეკრულების/შეთანხმების პირობები ყოველ კონკრეტულ შემთხვევაში განისაზღვრება შემსყიდველი ორგანიზაციის და მიმწოდებლის მიერ.“.

5. მე-7 მუხლის პირველი პუნქტი ჩამოყალიბდეს შემდეგი რედაქციით:

„1. შესყიდვის შესახებ ხელშეკრულების შესრულების კონტროლის განხორციელების მიზნით, შემსყიდველი ორგანიზაცია უფლებამოსილია, გამოყოს შესაბამისი პირთა ჯგუფი (ინსპექტირების ჯგუფი).“.

6. ამ წესის დანართი №1 და დანართი №2 ჩამოყალიბდეს შემდეგი რედაქციით:

„დანართი №1

№	საქონლის დასახელება
1	ნედლი ნავთობი
2	ნედლი ნავთობის გადაზიდვის/ტრანსპორტირების მომსახურების გაწევასთან დაკავშირებული საქონელი
3	ნავთობისა და გაზის ოპერაციებთან, შესაბამისი ობიექტების მოვლა-პატრონობასა და ლიკვიდაციის წარმოებასთან დაკავშირებული საქონელი

დანართი №2

№	მომსახურების დასახელება
1	ნედლი ნავთობის, ბუნებრივი გაზის გადაზიდვასთან/ტრანსპორტირებასთან დაკავშირებული მომსახურება
2	ნედლი ნავთობის, ბუნებრივი გაზის გადაზიდვის მომსახურების გაწევასთან დაკავშირებული მომსახურების შესყიდვა (სატერმინალო მომსახურება, გადამზიდავი ტექნიკის ქირავნობა, გზის მომსახურების გადასახადები და სხვა)
3	ნედლი ნავთობის, ბუნებრივი გაზის გადაზიდვის მომსახურების გაწევისათვის საჭირო საერთაშორისო დაზღვევისა და რისკების ჰეჯირების მომსახურება
4	საბანკო-საკრედიტო მომსახურება
5	იურიდიული მომსახურება, მათ შორის, სასამართლოში ან/და საარბიტრაჟო დაწესებულებაში ან/და სხვა უფლებამოსილ ორგანოში არსებულ ან/და მოსალოდნელ დავებსა და აგრეთვე დავების მორიგებით დასრულებასთან დაკავშირებულ პროცედურებში საწარმოს ინტერესების დაცვის მიზნით აუცილებელი იურიდიული და სხვა ტიპის მომსახურებები
6	მთარგმნელობითი მომსახურება
7	ფასიანი ქაღალდების ან/და კაპიტალის ბაზრის ტრანზაქციებთან დაკავშირებული საკონსულტაციო, ფინანსური, სარეიტინგო, აუდიტორული, საბროკერო და სხვა აღნიშნულ საქმიანობასთან დაკავშირებული მომსახურება
8	გაზსაცავის ან/და თბოელექტროსადგურის ან/და განახლებადი ენერგიების მაგენერირებელი ობიექტების ან/და საქართველოზე გამავალი ან/და საქართველოს სატრანზიტო პოტენციალის განვითარებისათვის მნიშვნელობის მქონე საერთაშორისო ენერგეტიკულ სატრანზიტო პროექტებთან ან/და ნავთობისა და გაზის ოპერაციებთან ან/და ნავთობისა და გაზის ობიექტების მოვლა-პატრონობის ან ლიკვიდაციის წარმოებასთან ან/და ნავთობისა და გაზის წილობრივ განაწილებასთან ან/და ნედლი ნავთობის ან/და გათხევადებული გაზის შესყიდვასთან ან/და რეალიზაციასთან ან/და გადაზიდვასთან/ტრანსპორტირებასთან დაკავშირებული საკონსულტაციო, აუდიტორული, საექსპერტო, ტექნოლოგიური, საოპერაციო, სამეცნიერო, საინჟინრო, საპროექტო და საზედამხედველო მომსახურებები
9	ნედლი ნავთობის შესყიდვასთან ან/და რეალიზაციასთან ან/და გადაზიდვასთან/ტრანსპორტირებასთან დაკავშირებული ხარისხისა და რაოდენობის დადგენის მომსახურებები
10	მარკეტინგული, საიმიჯო (მათ შორის, საწარმოს რებრენდინგთან, ვებგვერდისა და წლიური ანგარიშების შექმნასთან დაკავშირებული მომსახურებები) და საქართველოს საზღვრებს გარეთ საინფორმაციო/მედიასერვისებსა და პუბლიკაციებთან დაკავშირებული მომსახურებები
11	პერსონალის სწავლებისა და ტრენინგების მომსახურება

.“.

მუხლი 2

დადგენილება ამოქმედდეს გამოქვეყნებისთანავე.

პრემიერ-მინისტრი გიორგი კვირიკაშვილი