„მევენახეობის სასოფლო-სამეურნეო კოოპერატივების ხელშეწყობის სახელმწიფო პროგრამის დამტკიცების შესახებ“ საქართველოს მთავრობის 2017 წლის 26 იანვრის №34 დადგენილებაში ცვლილების შეტანის თაობაზე

1. მე-4 მუხლის პირველ პუნქტს დაემატოს შემდეგი შინაარსის „ლ“ ქვეპუნქტი:

„ლ) იმ შემთხვევაში, თუ ვენახები რამდენიმე მეპაიის თანასაკუთრებაშია, თითოეული მეპაიის წილი თანასაკუთრებაში უნდა შეესაბამებოდეს არანაკლებ ამ პუნქტის „დ“ და „ე“ ქვეპუნქტებით თითოეული მეპაიისათვის დადგენილ ფართს.“.

2. მე-8 მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. პრეტენდენტთან წინარე ხელშეკრულება გაფორმდება უხარვეზო განაცხადების რიგითობის შესაბამისად, ამ პროგრამისთვის განკუთვნილი ბიუჯეტის ამოწურვამდე.“;

ბ) 4¹ პუნქტი ჩამოყალიბდეს შემდეგი რედაქციით:

„4¹. პრეტენდენტმა მიმდინარე წლის პირველ აგვისტომდე სააგენტოს უნდა წარუდგინოს სსიპ – სოფლის მეურნეობის სამეცნიერო კვლევითი ცენტრის მიერ გაცემული ცნობა პრეტენდენტის ან/და მისი მეპაიის საკუთრებაში არსებულ პროგრამაში ჩართულ ვენახებში გაშენებული ვაზის ჯიშების ამ პროგრამის მე-4 მუხლის პირველი პუნქტის „თ“ ქვეპუნქტთან შესაბამისობის თაობაზე. წინააღმდეგ შემთხვევაში, პრეტენდენტი ვერ მიიღებს ამ პროგრამით გათვალისწინებულ კაპიტალურ ინვესტირებას.“.