„თელავის მუნიციპალიტეტის ტერიტორიაზე ადგილობრივი (ქონების) გადასახდის შემოღების შესახებ“ თელავის მუნიციპალიტეტის საკრებულოს 2018 წლის 18 იანვრის №08 დადგენილებაში ცვლილებების შეტანის თაობაზე

1. დადგენილებით დამტკიცებული დანართის ,,ადგილობრივი (ქონების) გადასახადის განაკვეთები“  მე-5 მუხლი ჩამოყალიბდეს შემდეგი რედაქციით:

„მუხლი 5

1. არასასოფლო-სამეურნეო დანიშნულების მიწაზე კონკრეტული მიწის ნაკვეთისათვის ქონების გადასახადის წლიური განაკვეთი მიწის ერთ კვ.მ-ზე განისაზღვრება მიწის ნაკვეთის ადგილმდებარეობის გათვალისწინებით, გადასახადის საბაზისო განაკვეთის, რომელიც ერთ კვადრატულ მეტრზე შეადგენს 0,24, ლარს, შესაბამის ტერიტორიულ კოეფიციენტზე გადამრავლებით, რომელიც შეადგენს:

ა) ქალაქ თელავის ცენტრალურ ზონაში – 1.3;

ბ) ქალაქ თელავის შუალედურ ზონაში – 1.0;

გ) ქალაქ თელავის პერიფერიულ ზონაში – 0.7;

დ) თელავის მუნიციპალიტეტის სოფლებში – 0.7;

2. დადგენილებით დამტკიცებული დანართის ,,ადგილობრივი (ქონების) გადასახადის განაკვეთები“ მე-7 მუხლი ჩამოყალიბდეს შემდეგი რედაქციით:

„მუხლი 7

მიწაზე ქონების გადასახადისაგან თავისუფლდება თელავის  მუნიციპალიტეტის ტერიტორიაზე მდებარე საცხოვრებელ სახლებზე ან/და ავტოფარეხებზე მიმაგრებული მიწის ნაკვეთები“.