„მობილობისა და საერთაშორისო სამეცნიერო ღონისძიებების საგრანტო კონკურსის დებულების დამტკიცების შესახებ“ საქართველოს განათლებისა და მეცნიერების მინისტრის 2017 წლის 9 ივნისის №96/ნ ბრძანებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„მობილობისა და საერთაშორისო სამეცნიერო ღონისძიებების საგრანტო კონკურსის დებულების დამტკიცების შესახებ“ საქართველოს განათლებისა და მეცნიერების მინისტრის 2017 წლის 9 ივნისის №96/ნ ბრძანებაში ცვლილების შეტანის შესახებ
დოკუმენტის ნომერი	32/ნ
დოკუმენტის მიმღები	საქართველოს განათლებისა და მეცნიერების მინისტრი
მიღების თარიღი	27/03/2018
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	ვებგვერდი, 28/03/2018
სარეგისტრაციო კოდი	430110000.22.022.017491

PDF გადმოწერა

„მობილობისა და საერთაშორისო სამეცნიერო ღონისძიებების საგრანტო კონკურსის დებულების დამტკიცების შესახებ“ საქართველოს განათლებისა და მეცნიერების მინისტრის 2017 წლის 9 ივნისის №96/ნ ბრძანებაში ცვლილების შეტანის შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 21-ე მუხლისა და „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე

ვბრძანებ:

მუხლი 1

,,მობილობისა და საერთაშორისო სამეცნიერო ღონისძიებების საგრანტო კონკურსის დებულების დამტკიცების შესახებ“ საქართველოს განათლებისა და მეცნიერების მინისტრის 2017 წლის 9 ივნისის №96/ნ ბრძანებაში (www.matsne.gov.ge, 13/06/2017; სარეგისტრაციო კოდი: 430110000.22.022.017350) შეტანილ იქნეს ცვლილება და ბრძანების:

1. საკონსტანტაციო ნაწილი ჩამოყალიბდეს შემდეგი რედაქციით:

„მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 21-ე მუხლის, „სსიპ – შოთა რუსთაველის საქართველოს ეროვნული სამეცნიერო ფონდის მიერ გრანტების გაცემის წესის, საგრანტო კონკურსების დებულებებისა და საგრანტო პროექტების შეფასების კრიტერიუმების დამტკიცების თაობაზე“ საქართველოს მთავრობის 2011 წლის 16 მარტის №131 დადგენილებისა და „საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებული „საქართველოს განათლებისა და მეცნიერების სამინისტროს დებულების“ მე-3 მუხლის მე-2 პუნქტის „მ“ ქვეპუნქტის საფუძველზე“.

2. პირველი მუხლით დამტკიცებული დებულების:

ა) პირველი მუხლის მე-4 პუნქტი ჩამოყალიბდეს შემდეგი რედაქციით:

„4. საგრანტო კონკურსი ფინანსდება საქართველოს სახელმწიფო ბიუჯეტიდან და მის ადმინისტრირებას ახორციელებს სსიპ – შოთა რუსთაველის საქართველოს ეროვნული სამეცნიერო ფონდი (შემდგომში – ფონდი).“;

ბ) მე-13 მუხლი ჩამოყალიბდეს შემდეგი რედაქციით:

„მუხლი 13. შეფასების კრიტერიუმები

1. პროექტის შეფასების კრიტერიუმები მობილობის გრანტებისათვის:

კრიტერიუმები და განმარტებები	C-	C	C+	B-	B	B+	A-	A	A+	შეფასება (A/B/C) კრიტერიუმის მიხედვით
1. სამეცნიერო კომპონენტი	1	2	3	4	5	6	7	8	9	მინიმუმ – 1 მაქსიმუმ – 9 ქულა
1. კვლევითი თემის/საკითხის აქტუალობა, კვლევის სიახლე, მიზნები და ამოცანები, მეთოდოლოგია 2. კვლევის შედეგების სამეცნიერო ღირებულება და/ან კვლევის შედეგების პოტენციური პრაქტიკული გამოყენებადობა
2. განმცხადებლის სამეცნიერო პროდუქტიულობა	1	2	3	4	5	6	7	8	9	მინიმუმ – 1 მაქსიმუმ – 9 ქულა
1. განმცხადებლის მიღწევები და სამეცნიერო პროდუქტიულობა ბოლო 3 წლის განმავლობაში (სამეცნიერო პუბლიკაციები და მიღებული სამეცნიერო გრანტები)
ქულების ჯამი:										მინიმუმ – 2 მაქსიმუმ – 18 ქულა
შემაჯამებელი კომენტარი პროექტის შესახებ (ექსპერტის შემაჯამებელი კომენტარი ორივე კრიტერიუმის მიხედვით მინიჭებული ქულების შესაბამისად):

2. თითოეული კრიტერიუმი ფასდება 9-ქულიანი სისტემით (1– 9), სადაც 1– 3 ქულა შეესაბამება C კატეგორიის შეფასებას, 4– 6 ქულა შეესაბამება B კატეგორიის შეფასებას, ხოლო 7– 9 ქულა შეესაბამება A კატეგორიის შეფასებას. ჯამური მაქსიმალური შეფასება არის 18 ქულა. დაფინანსებისთვის აუცილებელი, მაგრამ არასაკმარისი პირობაა 12 და მეტი ქულა.

3. პროექტის შეფასების კრიტერიუმები საერთაშორისო სამეცნიერო ღონისძიებებისათვის:

კრიტერიუმები და განმარტებები	C-	C	C+	B-	B	B+	A-	A	A+	შეფასება (A/B/C) კრიტერიუმის მიხედვით
1. ღონისძიების სამეცნიერო ხარისხი	1	2	3	4	5	6	7	8	9	მინიმუმ – 1 მაქსიმუმ – 9 ქულა
1. ღონისძიების სტატუსი, მიზანი და ამოცანები, პროგრამის შესაბამისობა მიზნებთან და ამოცანებთან 2. ღონისძიების საერთაშორისო ცნობადობისა და მაღალი რანგის ინსტიტუციებისა და მეცნიერების ჩართულობის უზრუნველყოფის მექანიზმი 3. წამყვანი და თანამონაწილე ორგანიზაციისა და პროექტის ძირითადი პერსონალის კვალიფიკაციის, კომპეტენციისა და გამოცდილების შესაბამისობა პროექტის მიზნებთან და ამოცანებთან 4. ადგილობრივი, ინტრა- და ინტერინსტიტუციონალური თანამშრომლობის ხარისხი 5. ღონისძიებაში მონაწილე ძირითადი და პლენარული მომხსენებლების/ლექტორების სამეცნიერო ხარისხი და კომპეტენცია (key note speakers, plenary lecturers)
2. ღონისძიების შედეგების მნიშვნელობა	1	2	3	4	5	6	7	8	9	მინიმუმ – 1 მაქსიმუმ – 9 ქულა
1. მოსალოდნელი შედეგების მნიშვნელობა დარგის განვითარებისთვის 2. ღონისძიების მასალების ხელმისაწვდომობისა და გავრცელების მექანიზმები
3. პროექტის მენეჯმენტი და განხორციელებადობა	1	2	3	4	5	6	7	8	9	მინიმუმ – 1 მაქსიმუმ – 9 ქულა
1. გეგმა-გრაფიკის შესაბამისობა პროექტის მიზნებთან და ამოცანებთან 2. ბიუჯეტისა და ბიუჯეტის დასაბუთების შესაბამისობა პროექტის მიზნებთან და ამოცანებთან და თანადაფინანსების არსებობა
ქულების ჯამი:										მინიმუმ – 3 მაქსიმუმ – 27 ქულა
შემაჯამებელი კომენტარი პროექტის შესახებ (ექსპერტის შემაჯამებელი კომენტარი სამივე კრიტერიუმის მიხედვით მინიჭებული ქულების შესაბამისად):

4. თითოეული კრიტერიუმი ფასდება 9-ქულიანი სისტემით (1– 9), სადაც 1– 3 ქულა შეესაბამება C კატეგორიის შეფასებას, 4-– 6 ქულა შეესაბამება B კატეგორიის შეფასებას, ხოლო 7– 9 ქულა შეესაბამება A კატეგორიის შეფასებას. ჯამური მაქსიმალური შეფასება არის 27 ქულა. დაფინანსებისთვის აუცილებელი, მაგრამ არასაკმარისი პირობაა 18 და მეტი ქულა.

5. თანაბარი ქულების დაგროვების შემთხვევაში, უპირატესობა ენიჭება იმ პროექტს, რომელიც ჯამურად მაღალ ქულას დააგროვებს თანმიმდევრულად პირველ, შემდგომ მეორე და მესამე კრიტერიუმში. აღნიშნულ სამივე კრიტერიუმში თანაბარი ქულების დაგროვების შემთხვევაში უპირატესობა მიენიჭება ნაკლები ბიუჯეტის მქონე პროექტს. თანაბარქულიანი და თანაბარბიუჯეტიანი პროექტების შემთხვევაში უპირატესობა მიენიჭება იმ პროექტს, რომელსაც აქვს თანადაფინანსება ან/და თანადაფინანსების მეტი წილი.

6. კრიტერიუმების ქულების განაწილების განმარტებები:

შეფასება ქულით	შეფასება ABC კატეგორიით	შეფასება	განმარტება
1	C-	სრულიად შეუსაბამო	პროექტი არ პასუხობს ამ კონკრეტულ კრიტერიუმს, ან პროექტი ვერ ფასდება არასაკმარისი ინფორმაციის გამო
2	C	ნაწილობრივ შეუსაბამო	პროექტი არაადეკვატურად პასუხობს ამ კონკრეტულ კრიტერიუმს, გართულებულია პროექტის შეფასება არასაკმარისი ინფორმაციის გამო.
3	C+	სუსტი	პროექტი მცირედ პასუხობს, შეუსაბამოა ამ კონკრეტულ კრიტერიუმთან, შეინიშნება სერიოზული, არსებითი სუსტი მხარეები.
4	B-	დამაკმაყოფილებელი	პროექტი ზოგადად პასუხობს კრიტერიუმს, მაგრამ აქვს მნიშვნელოვანი უზუსტობები და სუსტი მხარეები
5	B	საშუალო	პროექტი ზოგადად პასუხობს კრიტერიუმს, მაგრამ დასაბუთება არადამაკმაყოფილებელია
6	B+	საკმაოდ კარგი	პროექტი მთლიანობაში პასუხობს კრიტერიუმს, მაგრამ დასაბუთება არასაკმარისია
7	A-	კარგი	პროექტი კარგად პასუხობს კრიტერიუმს, დასაბუთება დამაკმაყოფილებელია, მაგრამ აუცილებელია გარკვეული გაუმჯობესება
8	A	ძალიან კარგი	პროექტი ძალიან კარგად, ზუსტად პასუხობს კრიტერიუმს. არის ორიგინალური და აქვს მაღალი სამეცნიერო პოტენციალი, თუმცა შესაძლებელია გარკვეულწილად დახვეწა
9	A+	საუკეთესო	გამორჩეული, მაღალი სამეცნიერო პოტენციალის მქონე პროექტი, რომელიც საუკეთესოდ პასუხობს კრიტერიუმს. ხარვეზები უმნიშვნელოა

მუხლი 2

ბრძანება ამოქმედდეს გამოქვეყნებისთანავე.

საქართველოს განათლებისა და მეცნიერების მინისტრი მიხეილ ჩხენკელი